11/10/2026
FOR NOKRE OPERAVEKER DET HAR VORE!😍
Søndag var siste forestilling av Opera Nordfjord sin Carmen. Vi har vore så heldige å få lov å bli kjent med mange av aktørane både frå scena og ikkje minst orkestergrava.
Vi bestemte oss for å ha kveldsope etter forestillingane, og det enda opp med at vi blei ein slags andre heim for musikarar, solistar og dansarar frå Carmen❤️ Du verda så mange trivelege og muntre kveldar vi har hatt i crêperiet i denne perioden.
Det kom ønske frå nokre av ensemblet om å få "overta" kjøkenet og lage chili con carne og servere til gjengen ein kveld. Sjølvsagt! Slike sprell elskar vi! Ein solist og to strykarar stilte på dagtid og hakka, kutta, steikte og krydra og torsdag etter forestilling kveld serverte dei/vi nærmare 50 personar. Dette vart i sannheit ein kveld for minneboka! Vi håpar vi kan få til noko slikt ein annan gong og!😃
Tusen takk til heile "bøtteballetten" for så mykje latter og glede! Vi kjem til å leve lenge på dette😘
Trøste meg for ein fin gjeng!😍 Vi gledar oss til å sjå dokke alle igjen ved seinare høve.
Siste kvelden var laurdag, og då var vertskapet vekk på sommarferie, men bar og kjøkken blei godt ivaretatt av Eilif, Magnus og Margrete.
Les bildekommentarane😃