Ons Huis, Citrusdal

02/09/2026

Dankie Jolene en Linze, ons waardeer alles wat julle vir Ons Huis doen!

02/09/2026

🌸🌷 Lente is hier!!! 🌷🌸

’n Groot dankie aan Ben Grib / Flowershed vir die pragtige skenking van blomme vir al ons inwoners. 💐

Ons inwoners het dit baie geniet om blomrangskikkings te maak, en dit was heerlik om ’n bietjie kleur en lentevreugde in Ons Huis te bring. 🌼🌺

Baie dankie dat julle help om Ons Huis ’n mooier en vroliker plek te maak. 🌸

01/09/2026

Baie dankie aan Citrusdal SAPS en Gift of the Givers wat verlede week ons dames so bederf het met heerlike skoonheidsprodukte en eetgoed. 🌸💝

Dit was ’n wonderlike verrassing en ons is opreg dankbaar vir julle omgee en ondersteuning. Dit het beslis ’n paar glimlagte op ons dames se gesigte gesit! 😊

Baie, baie dankie vir julle vriendelikheid en bereidwilligheid om Ons Huis en ons inwoners te ondersteun. ❤️

27/08/2026

Dit is amper tyd vir ons Liefdadigheidsveiling, wat op 10 September 2026 by Die Vlei plaasvind!

Baie dankie aan elke individu en besigheid wat reeds kaartjies gekoop, veilingitems geborg en donasies gemaak het. Ons is ongelooflik dankbaar vir die ondersteuning van ons gemeenskap. Julle maak dit vir Ons Huis moontlik om voort te gaan om 'n verskil in die lewens van ons inwoners te maak.

Daar is nog 'n paar tafels beskikbaar. Indien u belangstel om betrokke te raak en die aand saam met ons te geniet, kontak ons gerus vir meer inligting.

Ons sien baie uit daarna om julle almal op 10 September by Die Vlei te verwelkom 🥂🍷🍷

27/08/2026

Dit is met groot hartseer dat ons gister van Hester Genis se afsterwe verneem het.

Ons innige meegevoel aan haar familie en geliefdes in hierdie baie moeilike tyd. Ons wens julle baie krag en vertroosting toe in die dae wat voorlê. Weet asseblief dat julle in ons gedagtes en gebede is.

14/07/2026

18/06/2026

STINKRYK in SEAPOINT...Kom kuier lekker saam met Hester Genis en haar span ten bate van Ons Huis.
Voorskou: POMARIO koor en spreekkoor!
Saterdag 5 September 18h30 vir 19h00 by die NG Kerksaal

26/05/2026

Kom kuier saam en maak 'n verskil...’n aand van goeie wyn, goeie vriende & groot gees! 🍷

Kontak asb vir Deidre / Jolene op 022 9212208 of [email protected] vir kaartjies.

Vervoer sal beskikbaar wees vanaf die NG Kerk parkeer area **Verdere inligting en kostes sal nader aan die tyd verskaf word**

13/05/2026

30/03/2026

Die familie dag het Saterdag plaasgevind by Agrimark. Baie dankie Chris Grobbelaar en sy span by Agrimark Citrusdal, Karien Engelbrecht, Alma Hough en al die vrywilligers, donateurs en almal wat die dag ondersteun het.
Ons waardeer julle omgee en harde werk.