Pippa Pikkewyn

09/05/2023

En daar ontdek ons toe mos "per ongeluk" 'n klein juweeltjie in die hartjie van Montagu, Western Cape

Ons ry deur die pragtige dorp, een van my gunstelinge, op soek na 'n dierevriendelike eetplek. Stef hou sommer in die middel van die dorp in 'n oop parkeerplek stil om te Google. Terwyl ons wag, kyk Santie links en daar ... reg onder ons neuse, is Leon's on 62 . Stef gaan hoor gou of bederfie Summer, die Jack Russell, mag inkom en sowaar, Leon sé sy is baie welkom!!

Ons word vriendelik verwelkom en deurgeneem na die tuin agter die huis. Daar is heelwat tafels gereed om kliente te ontvang, en ons kies een op die stoep.

Daar begin 'n lekker kuier. Die boomryke tuin is vol oulike kunswerke, eksotiese voéls in netjiese hokke en selfs hoenders .. tot Summer se groot vermaak (en frustrasie, want moet heeltyd hoor "SuMmer, nee!)

Die craft bier is yskoud en my sap heerlik. Selfs Summer se bakkie water lyk lekker. Ons gasvrou bederf ons met vriendelike diens en lekker gesels.

Ons eet lamskerrie, rys en groente en geniet elke happie. Die lamskerrie is slegs een van 'n verskeidenheid watertandlekker geregte op die spyskaart, en als word vars gemaak.
Binne die restaurant is 'n verskeidenheid van konfyte, preserves, ingelegte vrugte, asook beskuit, koekies en ander lekkernye te koop. Leon maak self die konfyt.

Baie dankie Leon, ons het lekker by julle gekuier! Ons sien julle sommer gou weer.

Gaan kuier by Leon's on 62, en gaan geniet 'n ontspanne kuier saam met vriende. Geregte ook beskikbaar as wegneemetes.

Dierevriendelik.

Adres: 38 Bath Street, Montagu
FB: https://www.facebook.com/profile.php?id=100083146578240
Tel: +27 71 444 5677

Tot volgende keer.

Pippagroete

01/05/2023

Maandag 1 Mei 2023

Julle wonder seker waarom ek so lanklaas met jul gesels het.
Dit is 'n laaaaaang storie en ek gaan julle nie verveel met die detail nie. Ek het 'n 18 maande sabbatical geneem en ek het julle regtig baie gemis.

Intussen het ek en my PA (nee nie my pa nie, my Personal Assistant) Santie en haar gesin verhuis. En na waarheen anders as my geboortewereld!! En om presies te wees --- Die Weskaap se pragtige Bonnievale in die Langeberg distrik.

Ons is nou ingeburger en gereed om julle weer saam met my op toer te vat na al daardie pragtige plekke in ons mooi land. My Bucketlist is lank en ek is seker daar gaan ook ander juweeltjies oppop - om die waarheid te se, daar het alreeds! 🥰

So maak daardie veiligheidsgordels vas ... ons is in vir 'n opwindende reis!!

Groete uit die mooie Bonnievale!

Pikkewyngroete
Pippa

22/01/2022

Groete vanuit die Laeveld!

Daar bevind ek my toe in 'n onbekende omgewing. Vir my, gebore en getoë by die see, 'n skok op die sisteem en 'eye opener' ... die wêreld van die wildtuin.

My PA (persoonlike assistent, vir dié wat d**k ek praat van my pappa) het daar gaan kuier saam met haar susters en niggie, en toe sy weer sien, het ek in haar handsak ingeglip terwyl sy die motor gepak het 🤭. Ek hoor al lankal van goed soos zebras, koedoes, vlakvarke en dan ook van die mooi bosveld .. ek moes net vir myself gaan kyk.

Ons het tuisgegaan in Marlothpark, en 'n draai gaan maak by Ngwenya lodge. My PA vertel my sy het jare laas die Krokodilrivier so vol gesien, en ons moes net gaan kyk hoe lyk dit daar van Ngwenya se restourantdek af.

Die zebras, rooibokke, duikers, kameelperde, koedoes, nagapies, slange (😰) en talle voëls het my so besig gehou, dat ek elke aand kapoet was. Maar darem nog energie gehad het om 'n lieflike, rustige bosveldvuurtjie te geniet.

Marloth Park Tourism en NGWENYA LODGE OWNERS AND VISITORS FORUM, ek sien julle sommer gou weer!!

Pippagroete

14/11/2021

Ons pikkies kan ook romanties wees ... 🥰🥰

There is no strange to see couples and newlyweds hand-in-hand taking a romantic stroll on the beach. They love their partners and enjoy every moment they spend together. The special affection for the other half is shown through the eyes and small gestures like hugging and hand-holding. Their hearts....

01/11/2021

Martin Prinsloo en Catherine Prinsloo, eienaars van The Secret Sommelier , nooi my om die wynkuieraand by Zagora Grill Room - The Royal Elephant Hotel by te woon. Ongelukkig is ek bietjie siek, en broer Pedro stem in (ja, onder protes want hy mos 'n sensitiewe introvert), om vir my in te staan.

RHEBOKSKLOOF WINE ESTATE se wyne word bekendgestel en geproe. Die gaste word bederf deur die teenwoordigheid van Rhebokskloof se GM Martin en Verkoops- en bemarkingsbestuurder Jani, al die pad vanaf Paarl. Martin vertel meer oor die plaas, en Jani stel die wyne voor. Aangename mense!

Die wyne wat geproe word, is Flatrock White, Chardonnay, Chenin Blanc, Flatrock Red, Shiraz, Pinotage en The Rhebok. Wynmaker Rolanie Lotz weet verseker wat sy doen. Sy is bekend vir haar uitstekende Rhone styl variéteite en blends, spesialiseer in Shiraz, en maak ook uitstekende Chardonnay en Chenin.

Vriendin Brenda Dooge en my PA Santie Korf is mal oor die Chardonnay, terwyl Santie ook die Shiraz baie geniet.

Rhebokskloof is 'n boetiek wynplaas, gelee in Noord - Agter Paarl. Dit is 'n familievriendelike wynplaas, en bied nie net wynproegeleenthede aan nie - daar is 'n ook 'n restourant, areas waar lekker piekniek gehou kan word, staproetes, fietsryroets, perdry en jy kan selfs ook daar trou!

Dankie Martin en Catherine vir 'n besondere suksesvolle aand. Dit was een vir die boeke!!

Meer oor Rhebokskloof:
www.rhebokskloof.co.za
Epos: [email protected]
Tel: 021- 869 8386

Pippagroete

30/10/2021

Philippolis - Vrystaat

My PA Santie sê die pad terug vanaf Weskaap na Gauteng is maar lank, en dat ons eerder moet oorslaap. Natuurlik, hoekom dan nou nie ... dit is mos deel van reis.

Sy sê vir my sy hou Philippolis Groenhuis Guest House al lankal dop en het nog altyd ged**k sy wil eendag daar inloer. Van die eerste whatsapp na eienaar Jens, weet ons dis die regte besluit om daar tuis te gaan. Hy bel dadelik terug, en hy en Santie gesels te lekker. Vir ons is 'n dierevriendelike gastehuis belangrik, want liefiehond Summer Paw reis saam.

Saam met pragtige fotos, stuur Jens uiters volledige en interessante info deur oor die omgewing, die dorp en sy mense, en oor die gastehuis self. Dit klink en lyk so mooi dat ons nie kan wag om daar te kom nie. Jens hou ook kontak met ons soos ons ry, net om seker te maak ons is veilig oppad.

By die Groenhuis aangekom, word ons vriendelik verwelkom en die pakkie lamstjops wat ons bestel het vir die aand se braai, word deur Thembi oorhandig. Vanaand gaan ons regte egte Karootops braai!

Die eenheid waar ons oorbly is entjie vanaf die hoofgebou, veilig omhein sodat Summer nie uithol en die beeste inkom nie. Ons maak ons tuis in die pragtige kothuis, vuurtjie word aangesteek en glasie rooiwyn gegooi. So verlustig ons onsself in die pragtigste sonsondergang wat net die Vrystaat kan aanbied.

Nie eers die gevreesde loadshedding kan ons aand bederf nie. Ons slaap vas en groet die volgende dag met hernude energie.

Dankie Jens, Niel en span vir 'n besondere ervaring by julle. Ons sal verseker weer by jul kuier.

Vir meer info:
www.philippolis.co.za
[email protected]
Jens: 084 581 0149

Pippagroete

27/10/2021

Johandi vertel ons van Ouma se gunsteling wynproeplek. Net daar spring ons in die kar en ry Rawsonville toe.

By Sneeukop, die proelokaal, wag 'n baie vrolike en vriendelike Amanda ons in. Ons gaan maak ons tuis by 'n gesellige tafel, en Amanda bring vir ons die eerste wyne. Aangesien die omgewing bekend is vir sy Chenin kultivar, begin ons met dit, en proe sommer al 4 die kelders se Chenins.
Daarna is dit die Chardonnays se b***t, gevolg deur rooiwyne soos Pinotage, Merlot en Shiraz.

Weereens het elkeen sy gunstelinge, veral die Palesa Pinotage. Heerlik!

Ek stap rustige deur die lokaal, en speel wegkruipertjie tussen die wyne ... (spot the penguin..). Buite verstom ek my aan die lieflike natuurskoon, en met al die prag en lekker wyn, is ek later hoog in die takke!! 🤪

Uniwines verteenwoordig 4 kelders - Daschbosch, Goudini, Palesa en Meander.

Meer info oor die kelder:
www.uniwines.co.za

Pippagroete

22/10/2021

Daar waai die stormwind my toe binne in 'n Gin ervaring in!

Ons draai af vanaf die R43 oppad na Ceres, op die Bainskloof pad. Net oor die rivier, draai ons regs en ontdek hierdie juweel Gin distileerder:
Monks - The Alchemy of Gin.

The tagline sê: The Gin intended for immaculate consumption.
Akkuraat!!! Immaculate dit is!

Die vriendelike Lizzie berei vir ons die proesessie voor, terwyl Stefan diep in gesprek raak met die eienaar, Nick.
Ek stap bietjie rond in die kelder, net om te hoor dat die pragtige stoomketel nog spikslinternuut is.

Ons begin proe:
Mary Jane, SA se heel eerste H**p infused Gin
Medella, bloubessie infused Gin (bloubessieboorde omring ons)
Mysterium, fynbos en sceletium infused Gin.

Almal is heerlik, met my gunsteling die H**p infused.

Lizzie deel met ons haar interessante wereld wedervaringe. Sy is voorwaar 'n voorslag gasvrou.

Monks is definitief 'n bucketlist plek om te besoek.
Ons hoop om hul gou weer te sien.

Vir meer oor Monks Gin:
www.monksgin.co.za
Epos: [email protected]
Tel: 082 563 7244

Liefde
Pippagroete

21/10/2021

Ek kuier in die Weskaap, in die Breedevallei.
My PA sien hierdie kelder raak, en aangesien ons nie bekend is met die kelder en sy wyne nie, is dit 'n natuurlike keuse om daar in te loer.

Ons word baie vriendelik ontvang deur Lizandri Naude, wie dadelik gereedstaan met die glase en wag om te hoor wat ons wil proe.

Die wyne is heerlik, met die Pinotage Santie se gunsteling, en die Merlot haar man Stefan sn.

Die kelder met 38 lede, hanteer ongeveer 45 000 ton druiwe in 'n parsseisoen. Die meeste van die wyne word uitgevoer, met slegs 1% wyn wat gebottel word.

Lizandri en die span bied ook wine pairings aan, en ja!!!! daars iets ouliks vir die kinders ook ... gegeurde melke met Oreo, Zoo en Jolly Jammetkoekies pairings! Ek hoor die kinders neem dit baie ernstig op.. 😀

Ek geniet die kuier terdee, en ai ou Perdro, jy moet wakker word ou maat, jou inkennige luiheid maak dat jy op baie cool goed uitmis!!

Vir meer inligting oor hierdie pragtige kelder en hul wyne:
www.bothakelder.co.za
Epos: [email protected]
Tel: 023 355 1740

Liefdegroete
Pippa

21/08/2021

Ai, die dag as mense belangrike goed vir mens (lees pikkewyne) wegsteek...

So besoek ek toe mos nou die pragtige NYANI LODGE , Dinokeng Game Reserve . Ontmoet ek die mees lieflike vrou Liesel, mede-eienaar van die lodge saam met haar manlief Andre. Soveel hartlikheid, liefde en omgee. Om toe te moes hoor, Liesel en my assistent Santie ken mekaar al jarrrrre!! Ag sies man Santie, en jy stel my nou eers aan haar voor! 🤦‍♀️

Ons is stille toeskouers wanneer Liesel en Andre hul 4voet-kinners aandkossies gee. Later is dit ons b***t, met 'n vuurtjie wat Andre vir ons mildelik aan die gang hou en Liesel ons bederf met sappies en 'n heerlike braaivleisete.

Ek is so bly ek het hierdie twee wonderlike mense van Nyani Lodge ontmoet. Dankie vir 'n heerlike kuier en vir jul liefde en omgee. Ons kan nie wag om weer vir julle te gaan kuier nie.

Vir meer info oor Nyani Lodge:
www.nyanilodge.co.za

Pipgroete

16/08/2021

Vandag is 'n mylpaal in my lewe.

My assistent Santie het vandag haar 2de jab gekry. Nou kan ek met 'n geruste hart my toere, beide nasionaal en internasionaal, begin beplan.
Ek is sommer bewoë so trots is ek op haar. Dankie Santie dat jy jou deel gedoen het!

Pipgroete

12/08/2021

Vandag was een van daardie dae wat 'n pikkewyn ná die tyd d**k ... 'hoekom het ek nie al lankal hier kom kuier nie?!'

My assistent het my vertel van hierdie venue en gesê sy wil my die plek gaan wys. Sy het al baie troues daar afgeneem, en nou met die nuwe teetuin, was sy opgewonde om die teetuin te besoek.

Op uitnodiging van eienaars Kobus en Lynn Vermaak, spring ons vanoggend in die motor, gaan laai vir vriendin Maggie op en ry na Casablanca Manor.

Daar aangekom, word ons hartelik verwelkom deur Annerie. Sy neem ons deur na die teetuin en ons ontspan dadelik.

Ná "openingskoffie", word ons bederf met die heerlikste middagete. Maggie geniet haar kerriemaalvleisjafel met chips en slaai terdeë, terwyl ek weglê aan my chicken schnitzel met slaai en chips. Lippeklaplekker!!!!

Kobus en Lynn sluit by ons aan, en ons kuier, lag, vertel stories, roep ou herinneringe op en geniet elke oomblik van die kuier.

Kobus dring aan ons moet koek eet, en wow!!! Soos iemand eenkeer gesê het ... "proe of engeltjie op my tong kom piepie het" Njammies!!! My assistent is 'n sjokoladekoekfan en Maggie mal oor kaaskoek, maar jitte julle ... ons was dit eens ... hierdie lekkernye was heeeerlik!!!

Ons stap deur die venue en tuin oppad terug motor toe, en daar skrik broer Pedro wakker.. Shame, die ou was alweer so koulik en skaam en daar mis hy die hele kuier!!! Ai, ons neem toe maar paar fototjies saam met hom.. 🤭

Baie dankie Kobus en Lynn vir 'n heerlike kuier! Jul gasvryheid , vriendelikheid en heerlike maaltye is voortreflik en is verseker 'n to-do item op enigiemand se lysie wat bietjie uit die stad wil kom en net lekker kuier, eet, saam met gesinne wees en ontspan.

Casablanca Manor is 'n gewilde trouvenue oos van Pretoria
wat al verskeie toekennings gewen het, en is ook 'n uitstekende venue waar konferensies gehou kan word.

Vir meer info oor hierdie pragtige venue:
www.casablancamanor.co.za
Casablanca Manor Wedding, Function and Conference Venue
Epos: [email protected]
Tel: 082 940 8184

Pippagroete