Jobi's Bakery

10/10/2024

في شهر التوعية بسرطان الثدي ..

جوبيز بيكري بتتمنى ليكم و لكل احبابكم كامل الصحة و العافية ..

و بننصح بشدة بالفحص الذاتي و المبكر و مقابلة طبيب مختص مهما كانت الشكوك ضعيفة ..

المعرفة كنز و الصحة غاية و الحياة من غيرا صعبة

دعواتنا لكل البخوضو التجربة دي او اي تجربة مرضية شبيهة انو ربنا يخفف عنهم و يقويهم و يشفيهم و يعافيهم و يرجعو يستمتعو مع احبابهم بالحياة و جمالا ..

(رب أشف ، أنت الشافي ، لا شفاء الا شفاؤك)

27/09/2023

قبيل كنتا في زيارة شغل في البحرين .. فقلتا لي ناس الفندق عايز اقابل ناس الحسابات .. البت قالت لي الليلة اجازة عامة بمناسبة الـprophet birthday ..

والله العظيم البت دي لي هسي بتكون مخلوعة من ردة فعلي بعد جملتا دي .. ياخي انا بي اعلى صوت قلتا ليها (nooooo way) .. قالت لي برااااحة كدة yes i think so , sir.

انا اتضايقتا ضيق ما طبيعي و زعلتا لمن كتمي نفس ذاتو ..

٤٣ سنة ما نسيت يوم المولد ولا نسيت احتفل بيو و لو جواي كأضعف الايمان ..

اتاري جزو كبير جوانا من الاحتفال بالمولد سببو السودان و مولد السودان و محبة الناس للمولد .. في السنة الغاب فيها احتفال المولد في السودان مرت المناسبة دون تذكّر مع لخمة الشغل في البلد الما بتحتفل بالمولد دي ..

عموما .. عشان اكفر عن ذنبي دا مع نفسي .. و في محاولة متواضعة مني .. قررتا اعمل التسجيل المتواضع دا .. ما ارضاني طبعا .. لكن غالبا ح احاول ارضى تاني و انا منغمس في الرز بي لبن و اللقيمات القايم اعملهم و داير اوزعهم للجيران ديل ..

الجدير بالذكر انو اللوحة الانا خاتيها صورة للتسجيل دي من انجاز حبيبي و صديقي ابن الحوليات و النوبة و المديح و الذكر خالد حمزة Khalid Hamza

اعذروني في كمية الغلطات الفي التسجيل ..

محمد المهدي المجذوب .. الاديب الصوفي الحالم الغارق في الصوفية السودانوية المتجذرة في روح كل سوداني .. يصف حال المحبين في احتفال ليلة المولد النبوي الشريف في ميدان عبد...

15/08/2023

هذا الهاشتاق بديع و مفرح و حيبسطكم جدا جدا ..

22/07/2023

اكتبو اول اجابة تخطر على بالكم بدون اي تصحيح او اعادة نظر او تردد ..

لكل شخص اجابة واحدة بس ،،

من وجهة نظرك الشخصية

ماذا ينقص السودان ليصبح دولة عظيمة ؟

19/10/2022

للتواصل عبر واتساب .. نسعد بوجودكم الجميل و تواصلكم اللطيف

جربتو التمرية ولا لسة ؟

ننصحكم ما تترددو .. 😊

08/10/2022

للناس الخاطرهم غالي و عزيز

عملنا (خاطرك الغالي)

مشكل من ستة اصناف

فيو مقرمشات حتتخليكم تبتسمو اول ما تسمعو صوت القرقشة

و فيو نكهات حتخليكم تقعدو و تغمضو و تتمطقو ..

دي الحقيقة يخوانا .. ما دعاية 😁

اطلبو .. و ما حتندمو .. دا وعدنا ليكم

السعر : ٦ ألف جنيه

واتساب : 0900776697

08/10/2022

اسماعيل حسن قال :

انتي يا عجو المحس التقيل فدع العراجين
انتي ما بدوكي لي زولاً مسيكين
الا واحداً نخلو مقرون في البساتين
سواقيهو بتصحّي الكانو نايمين
يا حليلك يا ام جبين يا بدر دورين
صديرك عام تقول غُرر الوزازين

و نحنا من عجو المحس التقيل جبنا ليكم (الريلة)

صندوق شايل جواهو محبة شديدة و بسمة

مشكل تمرية بنكهات حتزبط المزاج و تروق المنقة ..

لمة قهوة

تحلية بعد غدا الجمعة اللامي الاهل و الاحباب

او حاجة في يدك و انتا خاشي زيارة لي زول عزيز

مشكل (الريلة) حيشرفك ..

السعر : ٧ الف جنيه

للطلب :
واتساب 0900776697

27/02/2022

السسسسسلااااام عليييييكمممم 😊

لعلكم طيبين يا احباب و في احسن حال ..

نأسف جدا للانقطاع يخوانا ..

و اتمنى تعذرونا على عدم تواجدنا و تقديم الخدمات طوال التلاته شهور الفاتت .. الوضع العام نفسيا ضغط علينا جميعا .. و كنا شايفين انو من غير اللائق المواصلة قي تقديم الخدمة .. اكيد طبعا الحال ما زال كما هو عليه لكن الحياة حتمشي رغم انف الظالمين ..

الان مع تباشير الشهر الكريم بنقول ليكم كل سنة و انتو طيبين و ربنا يعيدو عليكم بالصحة و العافية و انتو في احسن حال ..

نحنا في جوبيز بيكري حابين نساعدكم بخدمة رمضانية نتمنى تنال رضاكم ..

و هي انو نقدم ليكم بعض متطلبات وجبة الافطار حتوفر ليكم وقت كتير باذن الله و تعوض تعبكم في الصيام بطعم طيب يرضيكم انتو و ضيوفكم و أحبابكم ..

المنتجات هي :

- سامبوكسة (سامبوسة على قول ناس الخليج) 😊
و حتكون متوفرة لحمة و جبنة و خضار

- كفتة لحمة للشوي

- كفتة لحمة للتحمير

- كبكبي مفروم و مزبط اخر تزبيط

الكلام دا باذن الله حيكون متوفر مع خدمة التوصيل ابتداء من ٢٠ مارس ..

الان الاعلان دا نازل من غير اسعار كمرحلة اولى عايزين نعرف رايكم و نسمع منكم اذا حابين انو نجهز ليكم اي منتج رمضاني جاهز للطبخ ..

الاسعار حتنزل قبل وقت كافي باذن الله ..

الخدمة دي حقتكم انتو .. نسعد جدا بسماع رايكم

15/09/2021

زي ما وعدناكم يا أحباب انو منتجاتنا تصلكم و انتو مرتاحين ..

جوبيز بيكري تعاقدت مع الناس السمحين ديل ..

سايبر ديليڤري

الناس المتطورين و المجتهدين الفي قمة التهذيب و اللطافة ..

الان بامكانكم ارسال طلباتكم و انتظارا اينما تحبو داخل ولاية الخرطوم ..

و كمان حالياً عرضنا ليكم .. توصيل لاي مكان داخل ولاية الخرطوم بـرسوم ٧٠٠ جنيه فقط حتى نهاية سبتمبر ..

اي مكان يخوانا .. ايوا زي ما قريتوها كدة ..

يلا اخلفو رجل على رجل .. و احكو لينا مشتهين شنو ..

05/09/2021

كحك
ناعم
كعك
شوقر كوكيز

سموهو زي ما عايزين

القصة اصلاً اخلاق 🤪

و نحنا اخلاقنا عالية جدا 😌