24/02/2025
قصه التمر من اول يوم
——————————-
أنا من عشاق التمر من طعمه و فوائده و بحبه جدا مع القهوه .
التمر المحشي شوفته بطرق كتير بس ده كان جديد علي .
التمر ده محشي مارزيبان (عجينه اللوز)
يعني لوز متحمص و مطحون.
بدأت اجرب لوز من اماكن كتير لحد ما وصلت الي لوز جوده عاليه واضحه جدا في طعم و ريحه التحميص استيراد السعوديه .
المكون الأساسي التمر.
التمر ده مجدول في انواع كتير اوي مجدول بس علشان اوصل لتمر يرضيني ويكون على اعلي مستوي من التمر المجدول فهو استيراد من الأردن و مش بس كده ، ده درجه أولي .
عملت حاليا ٤ حشوات للتمر .
- تمر محشي مارزيبان (عجينه لوز ) و متزين بالمكسرات .
- تمر بنكهة القهوه متغلفه بشيكولاته ماليزي .
- تمر شيكولاته دبي مش محتاجه اشرح طبعا بقت اكتر حاجه موجوده في حياتنا شيكولاته دبي .
- تمر بنكهه القهوه العربي دي آخر حاجه اختم بها علشان من كتر ما بحبها بقت صديقه الصباح .
