Ahlam’s Baking studio

19/08/2025

اهلين 🤗

وين اكبر محل مستلزمات حلويات بضاعته متنوعة خصوصا عدة التزيين في طرابلس طبعا

09/06/2025

يمـــين ولا يســــار

+ وريني صورة خروفك 🥰 🐑💫✨

12/03/2025

09/03/2025

بما ان اليوم برعاية السينابون فقلت خلي نجرب وصفة مخزنتها ليا فتره وبسيطه ومش معقده
الحق معاش عندي خلوق للتصوير🥺 فما تركزوش هلبه 🫶🏻

الطريقة
كوب حليب دافي دوبي فيه ملعقه كبيره خميره فورية وملعقه كبيره سكر وخلي الخميره تنشط
وبعدين اضيفي عليهم تلاته ملاعق كبيره سكر وملعقه كبيره زبدة دايبه وبيضه وربع ملعقه صغيره ملح واخفقيهم مع بعض كويس
والدقيق خدي مني بالضبط تلاته اكواب
انتي اضيفي كوبين ونص واعجني والنص الاخير ضيفيه بالتدريج والعجينة لااازم لازم تكون رطبه ولينه لكن تنعجن معاك فهمتي ومع استمرارك في العجن توا تلم علي بعضها لين الصحن عندك يولي نضيف
لو قاعده تتلصق عليه زيدي دقيق بالكاشيك وردي بالك تخلي العجينة يابسه لازم تكون رطبه باش تجيك هشة وقطنية 🤍

بعدين غطيها وخليها لين تتخمر ويتضاعف حجمها
وبعدين افرديها مستطيل تلاتين في الاربعين سم تقريبا

والحشو سته ملاعق كبيره زبده لينه وربع كوب سكر بني وملعقتين كبار قرفة خلطيهم مع بعض كويس وادهنيهم علي سطح العجينة وخلي اخر الحاشية من غير دهن باش تقدري تلصقي العجينة علي بعض وتتسكر معاك كويس ( توا تشوفو الصوره)

قسميهم بالخيط ١٢ قطعه متساويات وستفيهم في طاجين مدهون زبدة وخلي مسافه بيناتهم باش لما ينفجو تاني يلقو مساحة وغطيهم بنايلو وخليهم يتخمرو للمره الاخير وسخني الفرن علي درجة ١٨٠
وقبل ما ادخليهم الفرن ادهنيهم من فوق بشوية زبدة و دخليهم الفرن و ياخدو حوالي نص ساعه مش اكتر

بالنسبة لصوص الجبن
عشرة مكعبات جبنة كيري واربعة ملاعق كبيره زبدة ونص كوب حليب مكثف محلى ( لو ماعندكش حطي سكر ناعم) وفانيليا كيلي بالمغطه 😂
عندي طرق تانيه بروفشنال اكتر لكن امتى بنديرهم ونصورهم الله اعلم
وربنا يتقبل منا ومنكم صالح الاعمال ❤️❤️

01/03/2025

المحلبيه هدي قنينه تقدرو اديروها محلبية دبي
خلطو الكنافه مع كريمة الفستق وبدل المكسرات خلوها فستق بس
واخر طبقة من فوق حطو جناش او صوص شكلاته