Sweet Bites

14/03/2026

مره تانيه الكحك
الكحك طبعا شئ أساسى في العيد
فى طرق كتير و مستحدثة للكحك بس انا طريقتى بين البنين أو هى الطريقة القديمة بس على البارد أسهل و أخف و جميله

المكونات
1 كيلو دقيق
1/2 كيلو سمن
1 ملعقة صغيرة خميرة
3 أو 4 ملعقة كبيرة سمسم محمص ( و ممكن نجيب سمسم مش متحمص و ناخد معلقه من سمنه الكحك و نحمص السمسم فيها على النار )
2 ملعقة كبيرة ماء ورد
1/2 كوب لبن
1 كوب ماء ( او اقل حسب نوع الدقيق )
ممكن إضافة 1/2 ملعقة صغيرة محلب مطحون أو بهارات كحك
الطريقة

نضع الخميرة على نصف كوب ماء دافئ ملعقة كبيرة سكر و نتركه قليلا ليخمر
نضع الدقيق و السمسم و المحلب و نقلب ثم نضيف السمن و نفرك السمن و الدقيق جيدا
ثم نضيف الخميرة و اللبن و نعجن جيدا نضيف نصف كوب الماء و ماء الورد
نشكل الكحك و نضع الحشو و تخبز فى الفرن 15 دقيقه حتى يحمر القعر
تعديل
انا السنه دى شلت ١٦٠ جم من الدقيق و حطيت نشا طلع جميل بردو و ناعم

11/03/2026

كل سنه و الجميع يخير

بسكوت النشادر.
طيب الوصفه دى عزيزه عليا جدا لان احنا كاعيله بنحب بسكوت النشادر جدا بس على شرط لا يمكن التنازل عنه أنه يكون بيدوب فى الشاى لأن دى بتعتبر وجبه أساسية عندنا و للأسف كان دايما مش بينجح معايا لحد الوصفه دى الطعم رائع زى بتاع جدتى ربنا يديها العافيه و طول العمر و بيدوووووب
المكونات
250 جم سكر
3 بيض
125 جم لبن ( او اقل حسب تماسك العجينه )
1/2 كوب سمن + 2 ملعقة كبيرة
1/2 كوب - 2 ملعقة كبيرة زيت (يعنى المجموع 1 كوب مواد دهنيه)
1/2 ملعقة كبيرة نشا در
5 إلى 5 1/2 كوب دقيق
الطريقه
نخفق الزيت و السمن و السكر و بعدين البيض و نحط النشادر فى اللبن و نضيف الدقيق و البن و نعجن حتى الحصول على عجينه (مش ناشفه اوى انا بشكلها بمكة البيتي فور )
يتحط فى فرن ساخن فوق و تحت 4 أو 5 دقائق خلى عينك عليه علشان بيستوي بسرعه جدا
ملحوظة
انا زودت 100 جم سكر علشان كان عادب شويه بالنسبه لى

18/12/2024

03/05/2024

صباح الخير
النهارده عايزه أشارك معاكم واحده من أحسن و أنجح طرق حشو الكيك، الطريقه دى بيستخدمها الشيفات و بيتاخد فيها كورسات علشان على قد ما هى فيها كام حاجه و كام خطوه زياده عن العادى لكن النتيجه بتكون رائعه من نضافه و ترتيب و سهوله التزيين النهائي ، خاصه للكيكات المرتفعه و إلى موضه جدا و بتدى شكل جميل جدا فى النهايه.
اولا حنحتاج
*كيك رنج او الصينيه إلى القعر بتاعها متحرك ححط صور تحت لكل حاجه
*و كيك اسيتات ده البلاستك الشفاف إلى بيبقى حولين الكيك
*بوردات للكيك
*و لو الكيك طويل جدا حنحتاج دواعم انا بستخدم الشليمو بتاع العصير
طيب حنعمل ايه ؟
*اول حاجه طبعا حنخبز الكيك و يبرد و يتقطع طبقات و *بعدين نشوف تقريبا عايزين ارتفاع الكيك قد ايه لو الاستيت بتاعنا عرضه كويس تمام اقصر يبقى حنلزق أثنين فى بعض من الحرف
*و نجيب الكيك رنج او الصينيه إلى على قد الكيك لكن من غير القعر و ناخد القطر بتاعها و نحط الاستيت على جوانبها
*بعد كده بنجيب كيك بورد على قد الكيك بتاعنا نحطه فى القعر و نبتدي نشتغل
*نحط اول طبقه كيك و لو عايزين نسقيها نعمل كده و بعدين نجيب كيس حلويات نحط فيه كريمه الزبده و نعمل زي سور على الجوانب و بعدين نحشى الحشوه إلى احنا عايزنها فى النص و نكرر
نخلص كل الكيك و نحطه فى التلاجه ساعتين تلاته لحد ما يجمد مضبوط
نطلع الكيك من التلاجه و نزقه من تحت و نطلعه من القالب بكل سهوله و نشيل الاستيت حنلاقى عندنا كيك متساوي و مضبوط جدا و نقدر نزينه بكل سهوله
و ده فيديو توضيحى للطريقه بس مع اضافه الكيك رنج او الصينيه علشان بتيدى دعم اكتر
https://www.facebook.com/share/r/GeYeJkrNkhq1qr3n/?mibextid=oFDknk

14/09/2023