04/03/2026
Hindi lahat ng tulong nababayaran agad.
May kapatid na nag-abono noong wala ka pa.
May kapatid na sumalo ng bayarin habang nag-aayos ka pa ng buhay.
May kapatid na hindi ka pinahiya kahit alam niyang hirap ka.
“Okay lang, ako na muna.”
“Sige, bayaran mo pag kaya mo na.”
“Huwag mo munang isipin.”
Tahimik lang.
Walang sumbatan.
Walang singilan.
Pero sa loob mo, may bigat.
Yung pakiramdam na gusto mong suklian.
Hindi dahil sinisingil ka na.
Kundi dahil nakita mo ang kabutihan.
Ngayon baka ikaw pa ang kapos.
Ikaw pa ang nag-iipon.
Ikaw pa ang nagbubuo ng sarili mong stability.
At minsan nakakahiya rin.
Pero tandaan mo... season lang to.
Hindi habang-buhay ikaw ang tinutulungan.
Darating ang panahon na ikaw naman ang may extra.
Ikaw naman ang sasalo.
Ikaw naman ang magsasabi ng, “Ako na muna.”
Ang mahalaga, huwag kang masanay na tumanggap nang walang balak bumawi.
Huwag mong kalimutan ang mga panahong may umalalay sa’yo.
Makakabawi ka rin.
Hindi man sa parehong halaga.
Hindi man agad-agad.
Minsan ang sukli hindi lang pera.
Minsan loyalty.
Minsan respeto.
Minsan ikaw ang unang tatayo kapag siya naman ang nangailangan.
Sa pamilya, umiikot ang panahon.
Ngayon ikaw ang tinulungan.
Bukas ikaw naman ang tutulong.
Konting tiis pa.
Hindi nasasayang ang kabutihan... binabalikan lang sa tamang oras.
