03/03/2021
Para sa lahat ng babaeng nasa likod ng magagandang cake, cupcake, cookies, pizza, brownies, ulam, pasta at kung ano-ano pa sa kasal, kaarawan, anniversary.
Sa lahat ng babaeng puyat at walang tulog para lang mapangiti ang kliyente kinabukasan.
Sa lahat ng babaeng kahit pagod na kaka-masa at kaka-remedyo ay nagagawa pang maghugas ng kagamitan.
Sa lahat ng babaeng binubuhos ang sarili sa bawat obra na kanyang bine-bake at niluluto.
Sa lahat ng babaeng nanood ng halos sandaang videos sa youtube kung paano i-bake ang nirequest ni bunso, ni mama, ni ate, kapamilya o ng kaibigang gustong umorder.
Sa lahat ng babaeng iniisip buong gabi kung paano mag-costing ng ibebentang pagkain.
Sa lahat ng babaeng inaabangan ang sweldo upang makabili ng kagamitan at sangkap sa pagbe-bake.
Sa lahat ng babaeng kahit hatinggabi ay naghahanap sa facebook ng nakalimutan o nagkulang na sangkap.
Sa lahat ng babaeng nanghihina kapag hindi tumugma ang recipe sa kinalabasan.
Sa lahat ng babaeng biinubuhos ang sarili sa bawat niluluto, sa oven man o sa kalan.
Sa lahat ng babaeng binabalik-balikan ang dahilan ng gastos, puyat at pagod.
Sa lahat ng babaeng kumakayod.
Sa lahat ng babaeng natututo.
Sa lahat ng babaeng nagtuturo sa mga gustong matuto.
Malaking bahagi kayo ng bawat araw ng mga nakakasalamuhang kliyente ninyo.
Padayon, babae. Salamat sa hindi ninyo pagsuko.
Biyaya ang talentong binigay Niya sa inyo.
Maligayang buwan ng kababaihan! 👩🏻🍳
💖 Sam Bakes PH / Diggy's Kitchen
