19/02/2026
https://www.facebook.com/share/p/1AdCavzDd3/
🍞🌾Darak – alternatibong sangkap para sa masustansyang pandesal
Mula bukid hanggang…panaderya? Ka-palay, alam mo ba na ang darak o rice bran—na karaniwang by-product ng paggiling ng palay—ay pwedeng sangkap para gawing mas masustansya ang pandesal?
Sa pag-aaral ng ating mga mananaliksik, napatunayang ang stabilized rice bran (SRB) ay maaaring idagdag sa pandesal upang mapataas ang sustansya nito (fiber, ash, at fat). Batay sa pagsusuri, tinatanggap ng 93% ng mga konsumer ang pandesal na may 5% SRB, na may kahalintulad na kulay, tekstura, at mouthfeel sa karaniwang pandesal.
Patuloy na binibigyang-pansin ang darak bilang sangkap sa pagkain dahil hindi lamang nito pinayayaman ang nutrisyon ng produkto; nagbibigay din ito ng dagdag-halaga sa mismong bigas. Gamit ang proseso ng steam heating, maaaring makagawa ng de-kalidad na SRB na nagpapataas din sa kalidad ng pandesal. Kaya’t maaaring magawan ng mas masustansyang bersyon ang karaniwang almusal o meryenda ng mga Pilipino.
Ang pag-aaral na ito ay nagbubukas ng oportunidad para sa mga negosyanteng nais pumasok sa paggawa ng pandesal na may darak. Nagbibigay din ito ng simple at natural na paraan upang mahikayat ang mas malusog na pagkain at pag-iwas sa sakit.
Basahin ang pag-aaral nina Henry F. Mamucod, Amelia V. Morales, Rodel M. Bulatao, Rosaly V. Manaois, at Marissa V. Romero sa link na ito: bit.ly/4aioZrm
