07/09/2026
ππ¨π§π¨ππ‘, πππ£πππππͺπ’π π¦π π¦π§ππ§π π’π πππππ ππ§π¬ π§π¨π‘ππ’π π¦π πͺππ§ππ₯ π¦π¨π£π£ππ¬ πππ¦π₯π¨π£π§ππ’π‘ π‘ππ π₯ππ¦π¨ππ§π π¦π ππ«π§π₯ππ π ππ₯π¬ π¦π£πππ
Gipailawon na karon sa State of Calamity ang Butuan City base na sa SP Resolution No. 17-444-2026 nga giaprobahan sa Sangguniang Panlungsod, September 5, 2026 tungod sa padayong kakulangon sa suplay sa tubig nga resulta sa grabeng dry spell.
Sumala sa Butuan City Water District, 58 ka barangay ang apektado sa water supply disruption, nga nakaapekto sa kapin 269,000 ka tawo. Ang uban limitado ra ang oras nga adunay awas sa tubig, samtang ang uban ubos ang pressure o wala gyuy tubig. Sa maong ihap, kapin 91,000 ka residente ang naa sa mga lugar nga nakasinati og ubos ang pressure o walay tubig.
Ang kakulangon sa tubig may kalabotan sa nagpadayong dry spell sa Agusan del Norte, lakip ang Butuan City, tungod ubos ang gidaghanon sa ulan. Gi-confirm sa DOST Philippine Atmospheric, Geophysical and Astronomical Services Administration o PAGASA nga naa sa Dry Spell status ang probinsya sukad Agosto 23, 2026.
Sa kasamtangan, nagpatuman na ang BCWD, uban sa City Government ug ubang partner agencies, og water rationing sa mga barangay nga grabeng naapektuhan. Apan dili pa kini igo nga mga lakang aron matubag ang panginahanglan sa mga apektadong residente.
Lakip sa mga prayoridad nga lakang ang pagbutang og water tanks, pagkuha og water tankers ug water pumps, pagpalit og filtration equipment, ug pagpangita og alternatibong water source.
Pinaagi sa deklarasyon sa State of Calamity, mas mapadali ang pagpatuman sa mga kinahanglanong programa ug intervention pinaagi sa pag gamit sa Quick Response Fund alang sa mga komunidad nga naapektuhan sa water shortage.
