Lolo's

08/03/2026

Ang pares na walang katulad.

🍞 LOLO’S PANDESAL
Available at Lolo’s: The Ibanian Bakery
Magsaysay Ave., Zone 3, Iba, Zambales

🕰️ Open daily from 5AM to 8PM

Simpleng hain para sa hapag ng pamilyang nagkakaisa.

⭐️ BON’S RESTAURANT BEST-SELLING MIKI-BIHON
Available for Take-Out & Delivery
Arbizo St., Zone 3, Sagapan, Iba, Zambales

📌 Open Daily
Pick-Up Hours: 9:00AM to 8:00PM
Delivery Hours: 9:00AM to 5:00PM

07/02/2026

MGA KABABAYAN, LILIPAT NA KAMI! 🚐

Magbago man ang lokasyon, siguradong mananatili pa rin ang sarap ng inyong mga paborito. 😌 Samahan ninyo kaming harapin ang bagong kabanata ng aming kuwento. 📖

Abangan. 😉

19/04/2025

Masarap man ang may palaman, original pa rin ang babalik-balikan.

LOLO’S ORIGINAL DONUT
Available at Lolo’s: The Ibanian Bakery
Magsaysay Ave., Zone 3, Iba, Zambales
Open daily from 5AM to 8PM

18/04/2025

Ito ang pandesal na garantisadong siksik, hindi ka mabibitin.

LOLO’S PANDESAL
Available at Lolo’s: The Ibanian Bakery
Magsaysay Ave., Zone 3, Iba, Zambales
Open daily from 5AM to 8PM

15/04/2025

Pinaaga na namin ang golden hour para sainyo, kaya tikman na ang Lolo’s Mango Cream Donuts para sa isang picture-perfect na araw! 📸💛

LOLO’S MANGO CREAM DONUT
Available at Lolo’s: The Ibanian Bakery
Magsaysay Ave., Zone 3, Iba, Zambales
Open daily from 5AM to 8PM

12/04/2025

Tinapay na siguradong malambot, ‘di na kailangang pisilin.

LOLO’S MONAY
Available at Lolo’s: The Ibanian Bakery
Magsaysay Ave., Zone 3, Iba, Zambales
Open daily from 5AM to 8PM

11/04/2025

Bawat kagat ay parang isang mahigpit na yakap.

LOLO’S PANDESAL
Available at Lolo’s: The Ibanian Bakery
Magsaysay Ave., Zone 3, Iba, Zambales
Open daily from 5AM to 8PM

08/03/2024

KUWENTONG IBA: IKA-LABING ISANG KABANATA
Ani

“Ano po sa inyo, sir?”, tanong sa akin ng tindera sa panaderya.

Nadagdagan nanaman ang paninda nila at iba ang tuwa namin nang mabalitaang bumalik na ang bicho-bicho. Isa ito sa mga paborito kong tinapay at naaalala ko pa ang saya namin sa pagbili nito dahil sa pahaba nitong hugis. Naghahati-hati pa kaming tatlong magkakapatid sa isang piraso. ‘Yun ang premyo na binibigay sa amin ‘pag nakatulong kami sa paghugas ng mga pinagkainan ng mga magsasakang kasama ni tatay.

“Bente piraso po nung bicho-bicho,” ang sagot ko sakanya. Habang binabalot niya ito ay binilang ko ang pera na hawak ko, paniguradong sakto ito sa pagkuwenta ko ng presyo.

“Ang dami naman po nito,” komento ng tindera. “May handaan po ba sa inyo?”, tanong niyang muli habang tinutupi ang supot na papel para maayos na maisara ito.

“Wala naman, ate,” sagot ko sabay abot ng bayad nang ipakita niya sa akin ang lumabas na mga numero sa calculator. “Panahon kasi ng ani, ate. Kaya nagpapakain po kami.”

“Ah, ganon po ba,” sabi niya. Nanguha siya ng sukli at inilapag sa aking palad. “Tama po ‘yang desisyon niyo na bilihin ‘yan, sir.”

“Naalala ko nga ito mula noong kabataan ko pa. Natikman ko rin siya kahapon at sakto pa rin ‘yung tamis at kunat ng tinapay.”

Nginitian ako ni ate. “Isa po ‘yan sa pinakamabentang tinapay ngayon, sir. Nako, mabubusog po kayong lahat.”

Tumawa ako at tumango. “Salamat, ate!”, bati ko sa aking pag-alis.

LOLO’S BICHO-BICHO IS NOW AVAILABLE 🫶🏼
Contact us and reserve yours now!
page: https://www.facebook.com/lolos.zmb
Mobile Numbers: 0947 725 4836 (SMART) / 0915 994 2520 (GLOBE)

07/03/2024

KUWENTONG IBA: IKA-SAMPUNG KABANATA
Maligayang Kaarawan!

Bago pa man dumating ang araw ng kaarawan ko, tanggap ko nang hindi muna ako mabibilhan ng keyk ni nanay at tatay ngayong taon. Natanggalan kasi ng trabaho si tatay, resulta ng pagkalugi ng kanyang kompanya noong pandemya kaya medyo nagtitipid ang aming pamilya. Ngunit kahit na naiintindihan ko ang sitwasyon, hindi ko pa rin mapigilang makaramdam ng kaunting lungkot. Pero alam ko rin naman na kung magtutulungan kami, lilipas din ang mga panahong ganito.

Mag-isa akong naglakad pauwi ng bahay matapos ang klase. Nagpaalam sa akin ang aking kuya na mauuna na siyang aalis dahil may proyekto silang gagawin kasama ang kanyang mga kagrupo sa klase. Iniisip ko na ang aking mga takdang aralin na kailangang gawin mamaya pagkatapos namin maghapunan, nang makasalubong ko si nanay. “Nay!”, tawag ko sakanya nang gulat na gulat. “Saan po kayo pupunta?”

Nginitian niya lamang ako at sinakbit ang aking kamay sa kanyang braso. “Susunduin sana kita,” sagot niya.

“Bakit po?”, tanong ko naman. Kadalasan ay magkasama naman kami ni kuya na umuuwi. Madalang na bumisita sa paaralan ang aking mga magulang puwera nalang kung kailangan talaga.

“Alam namin na nalulungkot ka, anak,” sabi niya. “Dahil hindi namin maipakita ‘yung pagmamahal namin sa’yo sa pamamagitan ng mga regalo ngayong taon, gusto namin na gawin ang mga munting bagay na makapagpapagaan nalang ng araw mo.”

Muntikan na akong maluha sa sinabi ni nanay. “Ayos lang naman po ‘yun eh.”

“‘Wag ka nang masyadong mag-emote. Akin na ‘yang bag mo at mag-tatricycle tayo pauwi.” Tumawa nalang ako sa kanyang sinabi. “Sagot ko na ‘yung pamasahe,” dagdag niya. Inabot ko sa kanya ang aking mga gamit at sabay tumawag ng masasakyan namin.

Nang makarating na kami sa bahay, laking gulat ko na nandoon din ang aming mga kamag-anak. Nagmano ako sakanila at sabay pumasok sa loob ng bahay. Nakatayo ako sa gitna ng sala nang biglang nagsimulang kumanta ang mga nakapaligid sa akin. Hinawakan ako ni nanay sa aling mga balikat at inikot ako para ako ay nakaharap na sa pintuan ng kusina.

Laking tuwa ko nang lumabas si tatay at kuya na may dalang malaking bilog na tray. Mukhang keyk ang nakapatong dito pero parang hindi rin. Tiningnan kong maigi ang hugis nito na para bang Christmas tree na may mga nakatusok na kandila. Nang makalapit si tatay sa akin, natawa nalang ako sa sobrang gulat at pananabik. “Donut?”, tanong ko nang may malaking ngiti sa labi.

“Galing sa pinakapaborito mong panaderya,” sagot niya habang hinihipan ko ang mga kandila.

LOLO’S DONUTS ARE NOW AVAILABLE 🫶🏼
Contact us and reserve yours now!
page: https://www.facebook.com/lolos.zmb
Mobile Numbers: 0947 725 4836 (SMART) / 0915 994 2520 (GLOBE)

05/03/2024

KUWENTONG IBA: IKA-SIYAM NA KABANATA
Ang Paghahanda para sa Recognition Day

Isang linggo na kaming naggugupit ng cut-outs ng mga letra at larawan para sa programang gaganapin bukas. Patapos nanaman ang taon at nasasabik na ang aming mga kapwa-estudyante sa paparating na Recognition Day. Hindi na sila makapaghintay na matanggap ang kanilang mga sertipiko at medalya bilang parangal sa kanilang sipag sa pag-aaral. Pero bago pa mangyari ang lahat ng ito, kailangan muna naming lagyan ng disenyo ang entablado at ayusin ang pagkakasunod-sunod ng mga pangyayari sa programa bilang mga opisyal ng Student Council.

“Ilan pa ang kailangan?”, tanong ng isa sa aming mga kasama.

“Trese na letra nalang,” sagot naman ng aming presidente.

Naiiwan pa kami sa loob ng paaralan kahit na uwian na dahil ‘yun lamang ang oras na mailalaan namin para sa mga gawaing ito. Sumagi nanaman sa isip ko na pag-uwi ko mamaya ay kailangan ko pang plantsahin ang uniporme at pakintabin ang sapatos na gagamitin ko bukas. Unang beses kong tatapak sa entablado kaya pati magulang ko ay halos hindi na makatulog sa nararamdamang sabik. Bilang premyo ko raw ay magpupunta kami sa dagat pagkatapos ng programa.

“Magmeryenda muna kaya tayo?”

Sa banggit ng meryenda ay biglang tumunog ang tiyan ko. Nagtinginan ang mga kasama ko sa akin at tumawa. Naalala ko bigla na hindi ako nakapagpananghalian dahil pinakuha pa sa akin ang mga tarpaulin na isasabit para bukas. “Anong gusto niyo?”, tanong ko.

Lumapit ang aming presidente sa akin at inabutan ako ng P50 mula sa badyet na binigay ng Finance Office. “Bumili ka nalang ng tinapay sa panaderya.”

“Anong klaseng tinapay bibilhin ko?”, tanong ko sa kanilang lahat.

“Masarap doon ‘yung may p**a sa loob,” sagot ng aming sekretarya. “Laging pinapabaon sa akin ‘yun ni nanay lalo na nung elementary pa ako.”

Lumapit nanaman sa amin ang isa pa naming kasama upang sumali sa usapan. “Pero hindi ba nagsarado na ‘yung panaderya na nagtitinda ng masarap na carioca?”

“‘Yun pala tawag doon,” sabi ng sekretarya. “Nagbukas na sila ulit!”

“‘Wag ka palang sumigaw,” pabiro kong tugon. “Doon pa rin ba ‘yung puwesto nila?”

“Hindi na, lumipat na sila,” sagot niya.

“Nasaan? Ituro mo sa akin.” Tamang-tama at doon na rin ako bibili ng pang-meryenda sa outing namin sa dagat kasama ang pamilya pagkatapos ng Recognition Day.

LOLO’S CARIOCA IS NOW AVAILABLE 🫶🏼
Contact us and reserve yours now!
page: https://www.facebook.com/lolos.zmb
Mobile Numbers: 0947 725 4836 (SMART) / 0915 994 2520 (GLOBE)