Hindi habang panahon ay kailangan nating umasa sa mga pagkaing binibili sa labas dahil bukod sa magasto hindi din natin alam kung paano ito niluto. Mainam na ikaw mismo ang dapat maghanda sa pang-araw-araw mong kinakain. Kung nabubusog natin ang sikmura ng mga taong mahal natin, binubusog din nila tayo ng kanilang pasasalamat at paghanga dahil sa pagmamahal na sangkap ng iyong pagluluto. Marami sa
Internet ang nagkalat na sites sa pagluluto ngunit hindi ba't mas mainam na gamitin natin ang sarili nating wika lalo pa't Lutong Pinoy naman ang ang ating pinag-uusapan dito? Nawa'y makatulong ito sa lahat ng gustong magluto tulad ko. Hindi kailangang chef ka o nag aral sa isang culinary school dahil lahat tayo ay may matang masusing tumitingin sa saktong preparasyon ng pagkain, dilang nakakalasa sa sarap nito, ilong na pang-amoy sa sadyang nakakagutom na aroma nito at higit sa lahat ang utak kung paano gayahing gawin ang mga lutuing hinahain sa atin. Samahan ninyo ako at ating tuklasin ang mga sikreto sa pagluluto. Malay ninyo, ito na ang paraan para mapalapit ang mga taong ayaw sa iyo o kaya ay paigtingin ang pagsasamahan ng bawat isa.
