https://www.facebook.com/109835788017747/

ပေါင်မုန့်ဆိုင်, 46(A), Pho Sein Street, Tamwe Township, Yangon (2026)

01/06/2026

ပေါင်မုန့်ဆိုင်အကြောင်းပြောကြရင် ပေါင်မုန့်ဆိုင်ပိုင်ရှင် ပြင်သစ်ကပြန်လာပြီး တယောက်တည်းဆိုင်စဖွင့်တဲ့အကြောင်းပဲ အပြောများကြပါတယ်။ ပေါင်မုန့်ဆိုင်တခုမှာ လိုအပ်တဲ့ ကိရိယာ၊ စက်ပစ္စည်းတွေ အလုံအလောက်မရှိသေးတဲ့ဆိုင်မှာ သတ္တိရှိရှိလက်တွဲလုပ်ကိုင်ပေးခဲ့ကြတဲ့ ပေါင်မုန့်ဆိုင်အဖွဲ့သားတွေအကြောင်းကိုလည်း ပြောပြချင်ပါသေးတယ််။ သူတို့နဲ့အတူပဲ စမ်းချောင်းက ဆိုင်သေးသေးလေးထဲမှာပဲ ရှိတာနဲ့ ဖြစ်အောင်လုပ်ခဲဲ့ကြရင်း၊ အတူသင်ယူခဲ့ကြတာပါ။

ဒီပုံလေးကတော့ အမှတ်တရပါပဲ။ Croissant လုပ်ဖို့ dough sheeter မရှိခင်က လက်နဲ့ပဲ croissant တွေ လုပ်နေကြရတာပါ။ စမ်းချောင်းက ပေါင်မုန့်ဆိုင်သေးသေးလေးကနေ ဒီနေ့လို (၃) ဆိုင်ဖြစ်လာတဲ့အထိ ဇွဲ၊ လုံ့လမလျှော့ပဲ အတူကြိုးစားခဲ့ကြတဲ့ ပေါင်မုန့်ဆိုင်ဝိုင်းတော်သားများကို အထူးကျေးဇူးတင်ကြောင်းလည်း ထပ်လောင်းပြောလိုပါတယ်။ ပေါင်မုန့်ဆိုင်ရဲ့ ဂုဏ်အယူရဆုံးအချက်တွေထဲမှာ အရမ်းကိုထက်မြက်ပြီး ကြိုးစားကြတဲ့ ပေါင်မုန့်ဆိုင်အဖွဲ့သားများက ထိပ်ဆုံးကပါပဲ။

25/05/2026

Strawberry jam

ပြီးခဲ့တဲ့ဆောင်းရာသီတုန်းက စတော်ဘယ်ရီလေးတွေကို freezer ထဲမှာခဲထားပြီး ဆိုင်မှာပဲ တနိုင်တပိုင်ယိုထိုးထားတဲ့ Strawberry jam လေးတွေနဲ့ မိတ်ဆက်ပေးချင်ပါတယ်။ ရှမ်းပြည်ဘက်က စတော်ဘယ်ရီလေးတွေပါ၊ သကြားအများကြီးထည့်မထားတာမို့ ချိုချိုချဉ်ချဉ် အရသာရှိပါတယ်။ ယိုပျစ်ဖို့အတွက်ကို animal-based gelatin မသုံးထားပဲ၊ plant-based agar-agar powder ကို သုံးထားတာမို့ သတ်သတ်လွတ်သမားများလည်း စားသုံးနိုင်ပါတယ်။

ဆိုင်မှာရောင်းတဲ့မုန့်တွေထဲက သူနဲ့လိုက်တာဆိုရင် Croissant, butter bun, brioche, baguette နဲ့ country loaf ရှိပါတယ်။ Plain ဒိန်ချဉ်ထဲကို ထည့်စားလည်း ကောင်းပါတယ်။ အဖုံးဖွင့်ပြီးရင်တော့ ရေခဲသေတ္တာထဲမှာပဲ ထည့်သိမ်းထားဖို့ လိုပါမယ်နော်။ ပုလင်းဆိုဒ်အလိုက် စျေးအပြောင်းအလဲရှိတတ်ပါတယ်။ လက်ရှိ ဆိုင်မှာရနိုင်တဲ့ ဒီပုလင်းလေးတွေက 280 ml တွေပါ၊ တဘူးကို (၂၀၀၀၀) ကျပ်ပါ။

18/05/2026

Pain complet (100% wholewheat)

ဆိုင်မှာ ရောင်းနေတာတော့ကြာပါပြီ၊ သေချာလေး မမိတ်ဆက်၊ မရှင်းပြဖူးတဲ့ ပေါင်မုန့်ပါ။ ပြင်သစ်လိုဆို Pain complet (ပန်းကွန်ပလေး) လို့ ခေါ်ပါတယ်။ ပေါင်မုန့်ဆိုင်က Signature ပေါင်မုန့်ဖြစ်တဲ့ country loaf နဲ့ ဘာကွာသလဲဆိုရင် သူက လုံးတီးဂျုံသီးသန့်နဲ့ လုပ်ထားတာပါ။ သူ့ရဲ့အရသာက ပုံမှန်ပေါင်မုန့်တွေထက် ကြမ်းရှရှဖြစ်ပြီး၊ ကျစ်ကျစ်လျစ်လျစ်ရှိပါတယ်။ အခွံမာသီးတစ်ခုခုကို လှော်ထားတဲ့ အနံ့သင်းသင်းမျိုးလည်း ရပါလိမ့်မယ်။

အခွံမချွတ်ထားဘဲ အနှံတစ်ခုလုံးကို ကျောက်သားကြိတ်ဆုံတွေနဲ့ ကြိတ်ပြီးရတဲ့ လုံးတီးဂျုံမှုန့်ကို သုံးထားတာမို့ ဂျုံဖြူပေါင်မုန့်တွေထက် အမျှင်ဓါတ်နဲ့ vitamins ပိုမိုပါရှိပါတယ်။ ဒီဂျုံတွေက ပြည်တွင်းထွက်မို့လည်း အင်မတန်စိတ်ကျေနပ်စရာကောင်းပါတယ်။ ဆိုင်မှာ ဂျုံကြမ်းပေါင်မုန့်ဆိုပြီး အဝယ်များကြပါတယ်။ ပုံမှန်အားဖြင့်တော့ ဥရောပမြောက်ပိုင်းကလာတဲ့ customer တွေ အဝယ်များပါတယ်။ စမ်းပြီးစားကြည့်စေချင်ပါတယ်။ Pain complet တလုံးကို (၁၂၀၀၀) ကျပ်ပါ၊ တဝက်လည်း ခွဲရောင်းပါတယ်။

11/05/2026

သတင်းကောင်းပါပါတယ်။ ဖိုးစိန်လမ်းပေါင်မုန့်ဆိုင်ရဲ့ ဆိုင်ဖွင့်ချိန်တိုးလိုက်ပါပြီဆိုတဲ့ သတင်းလေးပါ။ အခုဆို ဆိုင်ဖွင့်ချိန်က မနက် (၈) နာရီကနေ ညနေ (၅) နာရီအထိ ဖြစ်သွားပါပြီ။ ဟုတ်ပါတယ်၊ ဆိုင်ကို ပုံမှန်လာနေကြသူတွေက အကြံပေး၊ တောင်းဆိုထားကြတာတော့ ကြာလှပါပြီ။ ပြီးတော့ ဆိုင်လာရင် သတိထားမိမှာပါ၊ ဆိုင်ရဲ့ အပေါ်ထပ်ကိုလည်း ဆိုင်ထိုင်စားနိုင်ဖို့ ထိုင်ခုံနဲ့ စားပွဲတွေ ထည့်ထားပါပြီ။

ဒီဆိုင်လေးက လမ်းမပေါ်မှာ မဟုတ်ဘဲ လမ်းသွယ်လေးထဲမှာမို့ အေးဆေးတိတ်ဆိတ်ပါတယ်။ သစ်ရိပ်ကောင်းကောင်းရတာမို့ အပူလည်း လျော့ပါတယ်။ ဆိုင်က နယ်မြို့ရောက်သွားသလိုပဲလို့လည်း တချို့ကပြောကြပါတယ်။ ဆိုင်မှာ ပန်ကာတွေပဲရှိပြီး အဲယားကွန်းတွေ မဖွင့်ပါဘူးဆိုတာရယ်၊ ကားပါကင်က (၅) နေရာစာ ခြံထဲမှာရှိပြီး နေရာမလောက်ခဲ့ရင် အိမ်နီးချင်းခြံထဲမှာ ပါကင်ထိုးဖို့ စီစဉ်ပေးမှာမို့ လမ်းသွယ်ထဲမှာ ကားပိတ်မရပ်ခဲ့ဖို့ဆိုတာကိုတော့ မေတ္တာရပ်ခံချင်ပါတယ်။

ဆိုင်ကိုလာဖို့ လမ်းညွှန်ကတော့ တာမွေ၊ ဖိုးစိန်လမ်း၊ Holiday Hotel မျက်နှာချင်းဆိုင်လမ်းက ပေါင်မုန့်ဆိုင်သို့ဆိုတဲ့ လမ်းညွှန်ဆိုင်းဘုတ်ရှိတဲ့လမ်းသွယ်အဆုံးပါ။ အချိန်ရရင် လာလည်ပါဦး။ ပြင်သစ်ပေါင်မုန့်တွေနဲ့ ရှမ်းပြည်ကကော်ဖီတွေ ရနိုင်ပါတယ်။ ဆိုင်လိပ်စာကို ထပ်ပြီး ဝေမျှပေးပါရစေ။

ဖိုးစိန်လမ်းပေါင်မုန့်ဆိုင်�
အမှတ် (၄၆)၊ ဖိုးစိန်လမ်း၊ တာမွေမြို့နယ်၊ ရန်ကုန်မြို့။
ဖုန်း - 09 266 481 813
Opening hours: 8 am to 5 pm
Google map link: https://maps.app.goo.gl/5XcjvQakvmj8ziHs7

04/05/2026

ဒီပေါင်မုန့်ကို ဝယ်စားနေကျ customer တချို့ကတော့ အစေ့အဆန်ပေါင်မုန့်လို့ပဲ အလွယ်ခေါ်ကြပါတယ်။ Pain aux noix (ပန်းအူနွား ဟု အသံထွက်ပါ) လို့ ခေါ်ပါတယ်။

ပြင်သစ်ပေါင်မုန့်ကြမ်းထဲကို အစေ့အဆန်ရယ်၊ သစ်သီးခြောက်ရယ် ရောထည့်ထားတာပါ။ မနက်စာအတွက် အရမ်းသင့်တော်ပါတယ်။ ပေါင်မုန့်ဆိုင်ပိတ်တဲ့ တနင်္လာနေ့တွေအတွက် ကြိုပြီးဝယ်ကိုဝယ်ထားသင့်တဲ့ ပေါင်မုန့်ပါ။

သူက အထားလည်း ခံပါတယ်။ အကုန်လုံးကိုကြိုမဖြတ်ထားဘဲ ကိုယ်စားမယ့်ပမာဏကိုပဲ ဖြတ်ပြီး သိမ်းထားရင် (၃) ရက်လောက်ထိ အထားခံပါတယ်။ ရေခဲသေတ္တာထဲ ထည့်ထားစရာ မလိုပါဘူး၊ အပြင်မှာပဲ လေလုံလုံလေး သိမ်းထားပါနော်။ တစ်လုံးကို (၁၇၀၀၀) ကျပ်ပါ။

27/04/2026

မနက်ဖြန် ပေါင်မုန့်ဆိုင် ပြန်ဖွင့်ပါပြီ။

ပိတ်ရက်မှာ နားထားတဲ့သူတွေရော၊ ကဲထားတဲ့သူတွေရော၊ ခရီးသွားထားတဲ့သူတွေရော ဆိုင်ပြန်ဖွင့်ဖို့ကို စိတ်စောနေကြပါတယ်။ အားမာန်အပြည့်နဲ့ ပြင်သစ်ပေါင်မုန့်တွေလုပ်ကြဖို့၊ ရောင်းချပေးဖို့ အဆင်သင့်ဖြစ်နေကြပါပြီ။

မနက်ဖြန်ကစပြီး နွေရာသီရဲ့ရာသီစာလေးဖြစ်တဲ့ Mango pie လည်း ရနိုင်ပါပြီနော်။ ချိုချဉ်မွှေးလေးမို့ သေချာကို မြည်းစမ်းကြည့်စေချင်ပါတယ်။

တဆက်တည်းမှာပဲ အဖွင့်အပိတ်သတင်းတွေများနေတာမို့ မသေမချာဖြစ်နေတဲ့မိတ်ဆွေများကို ပေါင်မုန့်ဆိုင် (၃) ဆိုင်လုံး ဖွင့်ပါတယ်ဆိုတဲ့အကြောင်းလေးလည်း ထပ်မံအသိပေးလိုပါတယ်။

ဆိုင်လိပ်စာတွေနဲ့၊ ဖွင့်တဲ့အချိန်လေးတွေကို ဝေမျှပေးပါရစေ။

La Boulangerie Pho Sein | ဖိုးစိန်လမ်းပေါင်မုန့်ဆိုင်
၄၆A၊ ဖိုးစိန်လမ်း၊ တာမွေမြို့နယ်။
ဆိုင်ဖွင့်ချိန် - မနက် (၇)ခွဲမှ နေ့လည် (၃) နာရီ

La Boulangerie Downtown | Downtown ပေါင်မုန့်ဆိုင်
၁၁၆၊ ဘိုကလေးစျေးလမ်း၊ ဗိုလ်တစ်ထောင်မြို့နယ်။
ဆိုင်ဖွင့်ချိန် - မနက် (၈) နာရီမှ ညနေ (၆) နာရီ

La Boulangerie Sanchaung | စမ်းချောင်းပေါင်မုန့်ဆိုင်
၁၊ သုခမိန်လမ်း၊ စမ်းချောင်းမြို့နယ်။
ဆိုင်ဖွင့်ချိန် - မနက် (၉) နာရီမှ ညနေ (၇) နာရီ

Delivery Order မှာယူဖို့ဆို 09266481813 ကို ဆက်သွယ်ပေးပါနော်။

မနက်ဖြန် တွေ့ကြမယ်နော်! À demain !

26/04/2026

ပေါင်မုန့်ဆိုင်မှာ Baker position အတွက် အလုပ်ခေါ်နေပါတယ်။ Bakery ဆိုင်တစ်ခုခုမှာ (၁) နှစ်နှင့်အထက် လုပ်သက်ရှိတဲ့သူဆိုရင် အဆင်ပြေပါတယ်။ စိတ်ဝင်စားတဲ့သူများ [email protected] ကို CV ပို့ပြီး လျှောက်ထားနိုင်ပါတယ်။

03/04/2026

ဒီနှစ်နွေဟာ မြန်မြန်ရောက်လာပြီး အပူဟာ ပိုတိုးလို့ ပြင်းနေပါတယ်။ ပေါင်မုန့်ဆိုင်အဖွဲ့သားတွေကလည်း စိန်ခေါ်မှုတွေနဲ့ ခန့်မှန်းရခက်တဲ့ အပြောင်းအလဲတွေကြားထဲမှာ မပြောင်းလဲတဲ့အရသာနဲ့ပေါင်မုန့်တွေ ထုတ်နိုင်ဖို့အတွက် နေ့တိုင်းကြိုးစားလျက်ရှိပါတယ်။

ဆိုင်ရဲ့ အစဉ်အလာအတိုင်းပဲ အဖွဲ့သားတွေ အနားယူ၊ အားပြန်ဖြည့်ဖို့ နွေရာသီပိတ်ရက်ယူကြမယ့်အကြောင်း အသိပေးပါရစေ။ ဧပြီ (၁၂) ရက်နေ့ကနေ ပေါင်မုန့်ဆိုင် (၃) ဆိုင်လုံး ပိတ်မှာဖြစ်ပြီး ဧပြီ (၂၈) ရက်နေ့မှာ (၃) ဆိုင်လုံး ပြန်ဖွင့်ပါမယ်။ ဒီရက်များမှာ ဆိုင်ကိုလာလည်ဖို့နဲ့ ပိတ်ရက်မတိုင်ခင်မှာ order လေးတွေ တင်ဖို့လည်း ဖိတ်ခေါ်လိုက်ပါတယ်နော်။ အားပေးမှုအတွက် အမြဲကျေးဇူးတင်လျက်ပါ။

03/01/2026

Edit: လူရသွားပါပြီ။

ပေါင်မုန့်ဆိုင်မှာ Service အပိုင်း (၂) ဦး လိုနေပါတယ်။ စိတ်ဝင်စားသူများ လျှောက်ထားနိုင်ပါတယ်။

- Barista သင်တန်းတက်ထားပြီးသူ
- အင်္ဂလိပ်စကားအခြေခံအဆင့် ရေးနိုင်၊ ပြောနိုင်သူ
- လစာ (၅) သိန်း (F&B Service အတွေ့အကြုံရှိရင် ပိုပေးပါမယ်)
- နေစားငြိမ်းမဟုတ်ပါ
- အတန်းပညာနှင့် လုပ်ငန်းအတွေ့အကြုံမရှိသေးလည်း လျှောက်ထားနိုင်ပါတယ်။
- တစ်ပတ် (၆) ရက်၊ တစ်နေ့ (၈) နာရီ၊ တနင်္လာနေ့သာ ဆိုင်ပိတ်ပါတယ်။
- မိမိနေရပ်လိပ်စာနဲ့ နီးတဲ့ ပေါင်မုန့်ဆိုင်မှာ ဦးစားပေး ခန့်အပ်သွားပါမယ်။
- CV ကို email ဖြင့်သာ ပို့ပေးပါနော်။

18/12/2025

မိုးကုန်ပြီး ပွင့်လင်းရာသီရောက်ရင် ပေါင်မုန့်လေးတွေ ပိုရောင်းရတာမို့ ပေါင်မုန့်မြတ်နိုးတဲ့ ပေါင်မုန့်ဆိုင်အဖွဲ့သားတွေ အထူးပျော်ရွင်ရပါတယ်။ ရှမ်းပြည်၊ တောင်ကြီးက လတ်လတ်ဆတ်််ဆတ်ခူးပြီးပို့ပေးတဲ့ စတော်ဘယ်ရီတွေနဲ့ ပြုလုပ်ထားတဲ့ strawberry pie များကိုလည်း customer တွေ အထူးနှစ်ခြိုက်အားပေးကြလို့ ဝမ်းသာရပါတယ်။ နှစ်တစ်နှစ်ရဲ့အဆုံးသတ်ဖြတ်တဲ့ ဒီဇင်ဘာလရောက်တဲ့အခါ ချစ်ခင်ရသူတွေနဲဲ့ အားလပ်ရက်များ အတူဖြတ်သန်းကြရမှာမို့ အားလုံးရဲ့ စိတ်ထဲမှာလည်း အထူးကိုလန်းဆန်းနေကြမယ်ထင်ပါတယ်။

ပေါင်မုန့်ဆိုင်အဖွဲ့သားများလည်း မကြာခင်မှာ နှစ်စဉ်ယူနေကြဖြစ်တဲ့ နှစ်ကုန်ပိတ်ရက်ရှည် ယူကြတော့မယ်ဆိုတဲ့အကြောင်းလေး သတင်းစကားပါးလိုပါတယ်။ အခုလာမယ့် weekend က ပေါင်မုန့်ဆိုင်ရဲ့ ဒီနှစ်အတွက် နောက်ဆုံးဖွင့်တဲ့ရက်လေးတွေဖြစ်ပြီး နောက်နှစ် ၂၀၂၆၊ ဇန်နဝါရီ (၇) ရက်နေ့မှပဲ ပေါင်မုန့်ဆိုင် (၃) ဆိုင်လုံး ပြန်ဖွင့်ပါမယ်နော်။ နှစ်မကုန်ခင်လေး ပေါင်မုန့်ဆိုင်က မုန့်လေးတွေ လာရောက်အားပေးကြဖို့လည်း ဖိတ်ခေါ်လိုက်ပါတယ်။ အားလုံးပဲ ပျော်ရွှင်စရာကောင်းတဲ့အချိန်များ ပိုင်ဆိုင်နိုင်ကြပါစေ။

ပေါင်မုန့်ဆိုင် (၃) ဆိုင်ရဲ့လိပ်စာလေးတွေ ထပ်ရေးပေးလိုက်ပါတယ်။

စမ်းချောင်းပေါင်မုန့်ဆိုင်�
၁၊ သုခမိန်လမ်း၊ စမ်းချောင်းမြို့နယ်၊ ရန်ကုန်။

ဖိုးစိန်လမ်းပေါင်မုန့်ဆိုင်
၄၆A, ဖိုးစိန်လမ်း၊ တာမွေမြို့နယ်၊ ရန်ကုန်။

Downtown ပေါင်မုန့်ဆိုင်
116, ဘိုကလေးစျေးလမ်း၊ ဗိုလ်တထောင်မြို့နယ်။

Order မှာယူရန် 09 266 481 813

ပေါင်မုန့်ဆိုင်

01/06/2026

25/05/2026

18/05/2026

11/05/2026

04/05/2026

27/04/2026

26/04/2026

03/04/2026

03/01/2026

18/12/2025

Address

Telephone

Website

Alerts

Shortcuts

Share

Listing takedown request