25/02/2026
ကိုယ်လက်မအီမသာဖြစ်နေသလား❔
ယခုရက်ပိုင်း ပဲခူးဖြစ်ကိုဖြတ်ကူးနေတဲ့အချိန်မှာ တံတားပေါ်ကနေပြီး သန်လျင်မြို့ကြီးကို လှမ်းမျှော်ကြည့်ရင် အုံ့အုံ့မှိုင်းမှိုင်းဖြစ်နေတတ်တာကိုသတိထားမိကြမှာပါ။အဲ့ဒါဟာ နှင်းကျတာမဟုတ်ပါဘူး....
တကယ်တော့... လေထုညစ်ညမ်းမှူဖြစ်ပေါ်နေတာပါ။
နံနက်အစောပိုင်းနဲ့ ညဉ့်နက်ပိုင်းတွေမှာ လေထုညစ်ညမ်းမှုပိုမိုဖြစ်ပေါ်တတ်ပါတယ်။
စက်ရုံ၊အလုပ်ရုံတွေက ထုတ်လွှတ်တဲ့ ကာဗွန်ဒိုင်အောက်ဆိုက်နဲ့ မြစ်ပြင်ပေါ်က ရေငွေ့တို့ပေါင်းစပ်ပြီး ခဲရောင်သန်းနေတဲ့ မြူခိုးတွေကိုတွေ့မြင်နေရတာပါ။ ယခုလို ဆောင်းအကုန် နွေအကူးကာလတွေမှာ လေထုညစ်ညမ်းမှုပိုမိုဖြစ်ပွားတတ်ပါတယ်။
❓ ဘယ်လိုအကျိုးသက်ရောက်မှူတွေရှိနိုင်သလဲ..???
ဒီကနေ့ လေထုညစ်ညမ်းမှူ ညွှန်းကိန်း
AQI အရ 99 - 120 ဝန်းကျင်ရှိနေပါတယ်။ အရမ်း အန္တရာယ်များတဲ့ အနေအထားမဟုတ်ပေမယ့် သတိထားရမယ့်အခြေအနေပါ။
လည်ချောင်း၊နုတ်ခမ်းတွေခြောက်တာ.. အသက်ရှုကျပ်တာ၊ကိုယ်လက်မအီမသာဖြစ်တာ၊ချောင်းဆိုးတာ လန်းဆန်းမှုမရှိပဲ နုံးချိနေတာတွေဖြစ်စေနိုင်ပါတယ်။အသက်ရှူလမ်းကြောင်းဆိုင်ရာရောဂါအခံရှိတွေအတွက် ပိုမိုခက်ခဲနိုင်ပါတယ်။
PM 2.5 လို့ခေါ်တဲ့ ဖုန်မှုန့် အသေးစားလေးတွေက အဓိကပြဿနာပါ။
❌ ရှောင်ရန်
နံနက်စောစော လေ့ကျင့်ခန်းလုပ်ခြင်းကိုရှောင်ကျဥ်သင့်ပါတယ်။ အဓိကက အသက်ပြင်းပြင်းရှူရတဲ့ လေ့ကျင့်ခန်းမျိုး။
အပြေးလေ့ကျင့်ခြင်း
လမ်းလျောက်ခြင်း
စက်ဘီးစီးခြင်း အစရှိတာတွေပေါ့။
အမှိုက်မီးမရှို့ပါနဲ့ ။ အမှိုက်မီးရှို့လို့ထွက်တဲ့မီးခိုးငွေ့တွေဟာလည်း လေထုညစ်ညမ်းမှုကို ပိုတိုးစေပါတယ်။
ကလေးငယ်တွေနဲ့ သက်ကြီးရွယ်အိုတွေကို အိမ်အပြင် အရမ်းမထွက်ခိုင်းပါနဲ့။သူတို့က ခံနိုင်အားပိုနည်းတတ်ကြပါတယ်။
ပြီးတော့ သန်လျင် တံတားပေါ်ကဖြတ်တဲ့အခါ ''ရှူလို့ကောင်းလိုက်တာ'' ဆိုပြီး လေတွေအရမ်းမရှူမိဖို့သတိပေးပါရစေ။အဲ့ဒီအထဲမှာ ဖုန်မှုန့်တွေပါနေပါတယ်။
❤ ပြုမူသင့်သည်များ
လေထုညစ်ညမ်းမှုအများဆုံးဖြစ်ပေါ်တတ်တဲ့ နံနက်အစောပိုင်းနဲ့ ညပိုင်းတွေမှာ ပြတင်းပေါက်တွေကို လုံအောင်ပိတ်ထားပါ။
မလိုအပ်တဲ့ ပြင်ပ ကိုယ်လက်လှုပ်ရှားမှူတွေကိုလည်း လျော့ချသင့်ပါတယ်။
အပြင်ကိုထွက်တဲ့အခါ N-95 လို ဖုန်မှုန့်တွေကို စစ်ထုတ်ကာကွယ်နိုင်တဲ့ Mask ကိုတပ်ထားသင့်ပါတယ်။ ရိုးရိုး Mask တပ်မယ်ဆိုရင်လည်း အတွင်းမှာ တစ်ရှူး တထပ်ခံပြီး တပ်လို့ရပါတယ်။ဒါမှမဟုတ်ရင် နှစ်ထပ်တပ်ပါ။
ရေများများသောက်ပါ။ ခန္တာကိုယ်ထဲက အဆိပ်အတောက်တွေကိုဖယ်ရှားဖို့နဲ့ လည်ချောင်းထဲက အမှုန်အမွှားတွေကို ဖယ်ရှားနိုင်ဖို့.. ရေကို ပုံမှန်ထက် ပိုပြီးသောက်ပေးပါ။
သန့်ရှင်းရေးလုပ်ပါ ။ အပြင်ကပြန်လာရင် လက်နဲ့ မျက်နှာကို သန့်ရှင်းအောင် သေချာဆေးကြောပေးပါ။
ကိုယ်လက်မအီမသာဖြစ်တာတွေအတွက် Vitamin C ဖြည့်စွက်စာတွေကိုစားပေးပါ.. ။ အချဥ်ဓာတ်ပါတဲ့ အစားအစာတွေမျိုးပေါ့.။ ဒါမှာမဟုတ်ရင် Vitamin C ပါတဲ့ ဆေးသောက်ပါ။
အပင်လေးတွေစိုက်ပါ။ သစ်ပင်လေးတွေက ကာဗွန်ဒိုင်အောက်ဆိုက်ကို လျော့ချပေးသလို ဖုန်မှုန့်တွေကိုလည်းကာကွယ်ပေးပါတယ်။
အားလုံးကျန်းမာကြပါစေ။
M&Z Cake & Bakery (Thanlyin)
Photo credit
