28/04/2026
Денот на Гемиџиите – Солунските атентатори го одбележавме на најубав можен начин – со насмевки, детска радост и многу љубопитност, заедно со најмилите од Детската градинка „Димче Мирчев“.
Во рамки на проектот „Малите граѓани на големиот град“, реализиравме прекрасна активност „Од житница до лепчиња“, при што дечињата имаа можност одблиску да се запознаат со процесот на подготовка на лебот преку посета на нашата фурна.
Преку вакви едукативни и практични искуства, децата на возраст од 5 до 6 години учат како функционира заедницата, ги запознаваат локалните бизниси и развиваат чувство на припадност кон градот.
Особено ни е драго што бевме дел од нивното мало, но значајно патување – од житото до топлото лепче.
Градиме вредности, создаваме спомени и вложуваме во иднината – затоа што токму овие мали граѓани утре ќе бидат двигателите на нашиот град.
#МалитеГраѓаниНаГолемиотГрад
