12/09/2018
كاوكاو أو الفول سوداني لعشوراء
المقادير للكاوكاو المعسل
رابعة كاوكاو غليض
كاس سكر 150 غ
نصف كاس ماء100 مل
قبصة ملح
الطريقة
ندير جميع المقادير فمقلاة ونديرها على نار متوسطة مللي يغلي الخليط و يتبخر نصف كمية السائل ننقص النار مهيلة بزاف ونبقا نحرك حتى ينشف السائل تماما ويتحجر السكر متخافوش منو فهاد المرحلة وعلى نار مهييلة كتبقاو تحركو متغفلوش عليه حيت هنا فاش كيطيب الكاوكاو من الداخل هاد المرحلة كتاخد شوية وقت باش السكر يرجع يذوب ويبدا يتعسل مللي يتعسل كامل مباشرة وبسرعة فوق ورق الطبخ للي مدهون بزيت وبداو تفرقو فيه بالمعلقة باش ميبقاش ملاصق ومن بعد خليوه يبرد هاد الكاوكاو كيجي تماما تماما بحال للي كنشريو عند مول الزريعة ههه واااعر نتمنى تجربوه
مقادير الكاوكاو المتبل مالح
رابعة كاوكاو مقشر
معلقة صغيرة ملح
نص معلقة بودرة ثوم
نص معلقة بودرة البصل
نص معلقة توابل السمك
ربع معلقة سودانية
بياض بيضة صغيرة
الطريقة
نجيب كيس بلاستيكي ندير فيه الكاوكاو و التوابل نطرب البيض شوية ونضيفو على الخليط ونسد البلاستيكة ونبقا نخلط حتى تنساجم ومن بعد نفرغ الخليط فطاوة مفرشة بورق طبخ و ندخلو لفران سخون نار مهيييلة بزاف ونقابلو بالتحريك باش ميتحرقش حتى يتحمر ويتقرمش
بصحة وراحة
