Unforgettable day

Unforgettable day مشروعنا الصغير هدفه مساعدة اصحاب المناسبات لتنظيم منا?

13/11/2017

ممكن نحجزولكم في اي صالة أفراح تبوها
اعطونا عدد معازيمكم والمنطقة اللي تبوها والميزانية اللي محددينها للصالة واحني نعطوكم مجموعة خيارات تسهل عليكم
الميزة اللي عندنا ان نقدرو ننصحوكم بخصوص الخدمات اللي في الصالة .... العاملات .... النظافة .... المطبخ .... المشرفة .... المنظومة وكل شي تحبو تستفسرو عليه

بسم الله الرحمن الرحيماول مناسبة استلمناها كانت لعروسة من درنة اسمها تفاحة وهي زي التفاحة .... العروسة هادي بنت عم صديقت...
13/11/2017

بسم الله الرحمن الرحيم
اول مناسبة استلمناها كانت لعروسة من درنة اسمها تفاحة وهي زي التفاحة .... العروسة هادي بنت عم صديقتنا .... العروسة من درنة بس عريسها اللي هو ولد عمها عايش في طرابلس .... دارت عرس في درنة ودارت عرس في طرابلس .... كلمتني وقالتلي بالتفصيل شن خاطرها تدير وتناقشنا في التليفون ونتذكر اخر كلمة قالتهالي ديريلي اللي كنتي حتديريه لنفسك وهذا اللي صار .....
حددتلي عدد معازيمها ومعازيم حوش العريس وبما ان حوش العريس في الحشان اخترتلها صالة ستار لايت قريبة وجديدة وواسعة ونازكة هلبة
بطاقات الدعوة خدمناهم عند ماس في النوفليين
فيلو العروسة شارياته هي من تركيا
الشكلاتة خدمتها بنوتة اسمها دعاء عندها صفحة اسمها Daoka cake طبعا درناها كبيرة شوية وكلها كراميل وألواز ودرنا معاه عصير فرش .... العصير جبنا شاب اسمه عبادي داره ... عبادي معروف في الإنستا ويخدم حاليا مع موزارت
الروزاتة والعبمبر الزمنيات حلاوتهم من ميس الريم ... زي العسل
بعدين عبادي دارلنا كابوتشينو وهوت شوكليت وقدمنا معاها ميني كيك نفس ديزاين تورتة العريس والعروسة .... واللي خدمتهم نفس البنوتة دعاء
بعدها طبعا العشي .... العشي عبارة عن مقبلات وصحن سلطات مشكل وشوربة عدس وصحن مشاوي فيه 4 أسياخ من أبلة جميلة البحباح وطبعا جي زي العسل بنة وصنة
بعدها فروت سالاد من هافانا خيال
وفي النهاية في مدخل الصالة حطينا بدل البقلاوة الزمالة الزمنية بالعسل الحقاني طبعا من العسال وزي مايقولو الطعم يأخدك الى هناك
طبعا التجهيزات هادي خدت مننا حوالي شهر
مع الأسف ما صورناش بس نوعدكم ان المناسبات الجاية كلهم حنصوروهم

Address

Al Serraj
Tripoli

Telephone

+218910000011

Website

Alerts

Be the first to know and let us send you an email when Unforgettable day posts news and promotions. Your email address will not be used for any other purpose, and you can unsubscribe at any time.

Shortcuts

Share