27/02/2026
" අද මම මාව විශ්වාස කරන , ෆුල් කොන්ෆිඩන්ස් එකෙන් ජීවත් වෙන දවසක් !!!
ගොඩක් වෙලාවට අපිට අපේ ගැනම විශ්වාසයක් නැති වෙන්නේ අනිත් අය අපි ගැන මොනවා හිතයිද කියලා බය වෙන නිසයි. ඒත් මතක තියා ගන්න, ඔයා ඔයාට ගරු කරන්නේ නැත්නම් ලෝකේ කාගෙන්වත් ඒ ගෞරවය ලැබෙන්නේ නැහැ.
අද දවස ඔයාගේ දවසයි !!!!
ඔයාගේ කතාවෙ වීරයා ඔයා ! ඔයාගේ කතාව ලියන්නේ ඔයා !!! අද කොන්ෆිඩන්ස් ඇතුව ජීවත් වෙන දවසක් !!!
ඒ වෙනුවෙන් උදේම ඔයාට පුංචි ටිප්ස් ටිකක්...
🫶කණ්ණාඩිය ඉස්සරහට ගිහින් හිනා වෙන්න.
උදේම කණ්ණාඩියෙන් ඔයාගේ මූණ බලලා පොඩි හිනාවක් දාන්න. 'අද මම හරි ලස්සනයි ' අද මම කොහොම හරි දිනනවා ' කියලා තමන්ටම කියාගන්න. ඇඳුම පිළිවෙළට අඳින්න. ඔයා ඔයා ගැන පැහැදුණොත් විතරයි අනිත් අය ඔයා ගැන පැහැදෙන්නේ. ඔයා දිහා හරි ආඩම්බරෙන් බලන්න. අද කණ්ණාඩිය ඉස්සරහට ගිහිල්ලා ඔයාට ආදරෙයි කියන්න...
🫶කොන්ද කෙළින් තියාගෙන ඇවිදින්න
බිම බලාගෙන, උරහිස් පාත් කරගෙන ඉන්න එපා. කොන්ද කෙළින් තියාගෙන, පපුව ඉස්සරහට දාලා, හරිම ආත්ම විශ්වාසයකින් ඇවිදින්න. කවුරු හරි එක්ක කතා කරනකොට බිම බලන්නේ නැතුව කෙළින් ඇස් දෙක දිහා බලලා කතා කරන්න. ඒකෙන් ඔයාගේ පෞරුෂය ඉබේම ඉහළ යනවා. අද ලස්සන ඇඳුමක් අඳින්න. ඔයා අද යන එන හැම තැනකම බොහොම උජාරුවෙන් සතුටෙන් ගමන් කරන්න.
🫶 මට පුළුවන් !!!
මොන වැඩේ ආවත් අපෝ මට මේක බැරි වෙයිදෝ කියලා සැක කරන්න එපා. ' මම මේක කොහොම හරි කරනවා ' කියලා හිතන්න. අතීතයේ ඔයා කරපු වැරදි අදට අදාළ නැහැ. අද ඔයා අලුත් මනුස්සයෙක් !!! ඔව් අද ඔයා අලුත් මනුස්සයෙක් !!!!
🫶අනුන්ගේ ඕපදූප වැඩක්ම නැහැ !!
කවුරු හරි ඔයාට හිනා වුණොත් හෝ බැලුවොත් ඒ ගැන හිත හිතා වද වෙන්න එපා. ඒක ඒ මිනිස්සුන්ගේ ප්රශ්නයක්. ඔයාගේ වටිනාකම තීරණය කරන්නේ ඔයා මිසක් පාරේ යන මිනිස්සු නෙවෙයි. කවුරු මොනවා කිව්වත් ඔයාගේ ගමන යන්න. ඒ නිසා , කවුරු මොන විදිහට ඔයා දිහා බැලුවාත් ඔයාට කතා කළත් මොන දේ උනත් ඔයා අද ඔයාව විශ්වාස කරන්න !! අපිට වැඩක් නෑ අපි ගැන නොදන්න මිනිස්සු කියන බාගෙට අසම්පූර්ණ කතා ! අද ඔයා ඒවා අහන්නෙත් නෑ ඔයා ඒවා කෙයා කරන්නෙත් නෑ !!
🫶පොඩි වැඩත් හරියටම කරන්න !
අද දවසේ කරන්න තියෙන පොඩිම වැඩේ වුණත් හරිම ලස්සනට, හරියටම කරන්න. ඒ එක වැඩක් ඉවර කරනකොට ඔයාට දැනෙන සතුට ඔයාගේ කොන්ෆිඩන්ස් එක තව වැඩි කරනවා. දන්නවනේ එක වැඩක් වෙලාට පස්සේ ඔයාගේ ඩෝපමින් උත්තේජනය වෙනවා. ඒ කියන්නේ ඔයාගේ සතුටු හෝමෝනයක්. එනිසා පුංචි වැඩෙත් හරියටම කරමු..
🫶 අද ඔයා ඔයාගේ හොඳම චියර් එක වෙන්න !
අද ඔයා ඔයත් එක්කම ධනාත්මක සංවාදයක් අරගෙන යන්න. ඔයා ඔයාටම කියන්න ඔයාට මේක කරන්න පුළුවන් කියලා. ඔයා ඔයාගෙම සතුට වෙන්න. ඔයා ඔයාවම ධනාත්මකව ශක්තිමත් කරන්න ධනාත්මක වචන වලින්...
"මම කිසිම දේකට බය නැහැ. මට ඕනෑම ප්රශ්නයකට මුහුණ දෙන්න පුළුවන්. අද දවස මම දිනනවාමයි!"
" මට මාව විශ්වාසයි ! මට මේක කරන්න පුළුවන් ! "
ඉතින් අද ඔයාගේ හොඳම දවසයි !! සුභ පැතුම් !! මට දැනෙනවා ඔයාගේ හැම දවසක්ම අදින් පටන් බොහෝ සාර්ථකයි !!!
-Gumiho's Diary-
