15/10/2024
පාන් නැත්තම් කේක් කාපල්ලා කියලා ප්රංශයේ 16 වැනි ලුවී රජතුමාගේ බිසව්තොමෝ ඒ කාලේ කියල තිබ්බලු. ප්රංශ විප්ලවය සිද්ධ වුණා කියන්නෙත් ඊට පස්සෙලු. ඉතිං විප්ලවයක් ඇති වෙන්න තරම් හේතු වෙච්ච මේ කේක් කතාවේ මුලාරම්භය ගැන ටිකක් අපිට හොයලා බලන්න හිතුණා. හැමදාම කේක් බේක් කරල විතරක් හරියන්නේ නැහැ. දැනුම පොඩ්ඩක් බෙදා ගන්න එකත් වැදගත් කියලා හිතුණා.
කේක් හදන කලාව මුලින්ම පටන් අරන් තියෙන්නේ ඊජිප්තු ශිෂ්ටාචාරයෙන් කියල ඉතිහාසයේ සඳහන් වෙනවා. ආහාර තාක්ෂණය පිළිබඳ ඉතිහාසඥයින්ට අනුව, පැරණි ඊජිප්තුවරුන්ට උසස් මට්ටමේ පිළිස්සීමේ කුසලතාවන් තිබි ඇති බවට සාක්ෂි හමුවෙලා තියෙනවලු. ඒ හින්දා Bake කරන වැඩේට දක්ෂයෝ හින්දා Cake හදන වැඩේ පටන් ගන්න ඇති කියල අපිටත් හිතා ගන්න පුළුවන් නේ.
මෙහෙමයි හැබැයි, ඒ කාලේ හදපු කේක් දැන් කාලේ කේක් තරම් රසවත් නොවුණු බවටයි අනුමාන කරන්නේ. මොකද පාන් සහ මී පැණි සහ ඇට වර්ග ඇසුරින් තමයි මේ කේක් හදන වැඩේ ඒ කාලේ කරල තියෙන්නේ. (බිත්තර දාන සීන් එක දැනගෙන ඉදලා නැහැ) හැබැයි සූර පප්පා කාටූන් එකේ මකබාස් හදන කේක් එකට නම් නයි බිත්තර හරි දානවා 😅
ආහාර ඉතිහාසඥයින්ට අනුව අයිසින් සහිත වටකුරු කේක් හදලා තියෙන්නේ 17 සියවසයේ මැද භාගයේ යුරෝපය කේන්ද්ර කරගනිමින්ලු. මෙන්න මේ කාලේ දී නම් බිත්තර, හොඳම වර්ගයේ සීනි සහ රසකාරක වර්ගත් කේක් හදන්න භාවිත කරල තියෙනවලු. ඉතිං අපි රස කර කර කන කේක් කෑල්ලකට මේ තරම් ඉතිහාසයක් තියෙනවා කියලා දැනගත්තාම ඒ ගැන තවත් දේවල් හොයන්න හිතෙනවා නේද? අපි බලමු ඉස්සරහදී කේක් වර්ග හැදිච්ච හැටි ගැනත් රසවත් විදියට කතා බහ කරන්න.
එහෙනම් ගිහින් එන්නම්! කේක් කතා with Butter Twist
