Decoshi Art of Cake

30/12/2022

තණමල්විල ගැමිගෙදර හෝටලයේ අධ්‍යක්ෂිකා සුනේත්‍රා මහත්මියට නිවන් සැප ලැබේවා..!

23/12/2022

03/06/2022

කටිං බතල හිටවන අප්පච්චිලාට....!

පාර්ලිමේන්තුවේ ඉන්නේ මහජන නියෝජිතයො නං..
ජනාධිපති විධායක නං..
මිනිස්සු සාගතේට වැටිච්ච වෙලාවෙ
ඔය 225 ගමට යවල තමන්ගේ ඡන්දදායකයන්ට වගාකරන්න උදව් කරපල්ලා කියන්න අරගල කාරයො ඕන ද?
පාර්ලිමේන්තුව කැඳෙව්වා..
රටේ තත්ත්වය කිව්වා..
තොපි මහජන නියෝජිතයො නිසයි මේ මේ වරප්‍රසාද දෙන්නෙ...
ආන්න උං මැරෙන්න යනව... තොපි ගිහිල්ලා උංට තියෙන ප්‍රශ්න හොයල බලල.. සුමානෙකිං වරෙව් කියල පාර්ලිමේන්තුව වහල දමනව.
සතියකට පස්සේ එකාට පැය බාගෙ බැගින් දෙනව තමන්ගේ පළාතෙ වගාකරන්න තියෙන ප්‍රශ්න කියන්න.
කෘෂිකර්මය බාර එවුන්ටත් එදාට පාර්ලිමේන්තුවට එන්න කියල උංටත් සුමානයක් දෙනව විසඳුම් දෙන්න.
තුන්වැනි සතියෙ ලෝක ආහාර සංවිධානය, හිතවත් රටවල්වලට කතා කරල උදව් අරගෙන..
ආපහු මන්ත්‍රීලයි.. නිලධාරිනුයි ගමට යවනව මාස තුනකට පාර්ලිමේන්තුව වහල..
පාර්ලිමේන්තුවෙ ඉන්න සේවකයන්ට කියනව බත්තරමුල්ල කෘෂිකර්ම අමාත්‍යාංශයේ ඉන්න සේවකයොත් එක්ක එකතු වෙලා පාර්ලිමේන්තු භූමිය වගාකරන්න කියල...
හැම පොලීසියකට ම, හමුදා කඳවුරකටම අක්කර පහකට වැඩි ආදර්ශ ගොවිපොළක් අනිවාර්ය කරනව...
සෞඛ්‍ය, දුම්රිය, අධ්‍යාපන, ලංගම සේවකයනටත් රාජකාරි භූමිවල වගාව අනිවාර්ය කරනව. අධීක්ෂණය කෘෂිකර්ම දෙපාර්තමේන්තුවෙන්..

විධායක ජනාධිපති කියන්නෙ ගෑනියෙක් පිරිමියෙක් කරන්න විතරක් බැරි බලයක් තියෙන එකක්... ගැරඬියෙකුට උනත් නාග රාජයෙක් වගේ රඟන්න පුළුවන්.. නිකං කොකං පාන්නෙ නැතුව වැඩේට බහිමු ද ආයිබෝං.

මාස තුනක් කරල බලාපල්ලා..

හොඳටම කරන සංසදය

29/05/2022

⁣පින්කෙත හෙළ රන් දෙරණ..
කැත කළෝ කවරහු ද?

මහා සාගතයක පෙර ලකුණු පහළ වී දැන් වසරකට අධික කාලයක් ගත වී තිබේ. කෘෂිකර්ම විශේෂඥයන් සහ දේශගුණික විශ්ලේෂකයන් මේ බවට අනතුරු ඇඟවූයේ වසර ගණනාවකට පෙර ය. කොවිඩ් වසංගතයට වඩා වැඩි විනාශයක් සාගතය විසින් මෙරට ජන සමාජයට සිදු කරනු ඇති බවට පාසල් ශිෂ්‍යයෝ පවා දැණුම්වත් ව සිටියහ.
මෙරට පාලනය කරන 225 +1 ම කොමිස් ගැහිලි, පගා ගැනිලි, රට සවාරි හා රාජ්‍ය දේපොළ මංකොල්ලකෑම හැර එවැනි අනතුරක් පිළිබඳව වගේ වගක් නැතිව සිටියෝ ය. අදටත්, මේ මොහොතටත් එසේ ය. කට්ටියක් කොස් කොළ, ක්‍රෝටන් කොළ විසඳුම් ගෙනාහ. දැන් සිටින අය ගැරඬිමස්, බලුමස් විසඳුම් ගෙනෙති.

පාලකයන්ගේ ඇස් ඇරුණේ තම සගයන් කිහිප දෙනෙකුගේ දේපල ගිනිතැබීමෙන් අනතුරු ව ය. ඒත් ආණ්ඩු ඇටවීම, ආණ්ඩුක්‍රම ව්‍යවස්ථා සංශෝධන, ඇමති තනතුරු, අගමැති තනතුර ගැන මිසක් ජනතාවගේ අගහිඟකම් හෝ ඉදිරියේ එන සාගතය පිළිබඳ ඔවුන්ට වගේ වගක් නැත.

අද අගමැතිට ඇති ප්‍රශ්නය විධායක ජනාධිපති ධුරය හා වෙස්මිනිස්ටර් පාර්ලිමේන්තු ක්‍රමයයි. ඇමතිවරු පත් කිරීම යි. ආණ්ඩුක්‍රම ව්‍යවස්ථා සංශෝධනය යි. 20 වෙනුවට 21 රැගෙන ඒමයි..

මිනිසුන්ට ඇති ප්‍රශ්නය බඩගින්න බව ඔවුහු නොදනිති. ඔවුන්ට තේරෙන භාෂාව ගිනි තැබීම සහ අන්තවාදය බව ඔව්හු පුන පුනා තහවුරු කරමින් සිටිති.

ඉවත ලන වියළි දණ්ඩක් වුව පැළවෙන මේ පින්බිම අස්වැද්දීමට ගොවි ජනතාව ඉල්ලන්නේ පොහොර ටිකක් පමණි. ඒකත් මුදලට ය. ඩීසල්, පෙට්‍රල්, භූමිතෙල් ඉල්ලන්නේ මුදලට ය. ජනතාව බස් රථයේ, කෝච්චියේ ගියේ මුදලට ය. ගමේ රටේ හැම එකාම පිටරට ගියේ මුදලට ටිකට් ගෙන ය. පාරට වාහනයක් දැම්මේ අටෝරාශියක් බදු ගෙවා ය. ගුරුවරු, වෛද්‍යවරු, ව්‍යපාරිකයන් මතු නොව හිඟන්නන් පවා බදු ගෙවූහ. බුලත් විටේ සිට මිනී පෙට්ටිය දක්වා ම මිනිස්සු බදු ගෙවූහ.

නමුත් දැන්...
ෂෙඩ් එකේ පෙට්‍රල් නැත.
ගොවියාට පොහොර නැත..
ලෙඩාට බෙහෙත් නැත...
දරුවන්ට අධ්‍යාපනය තබා කොපි පොතක් වත් නැත..
ගුවන් සේවය, බැංකු, රජයේ දේපොළ ඈවර වෙමින් පවතී.
රටට සිදු වූයේ කුමක් ද? රටේ භාණ්ඩාගාරයට සිදු වූයේ කුමක් ද?
රාජ්‍ය දේපොළ කුණුකොල්ලයට විකුණා ගත් මුදල්වලට සිදුවූයේ කුමක් ද?
ජනතාව සාගතයට සූදානම් වන්නේ කෙසේද?
සියලු දුක්ඛ දෝමනස්සයන් ජනතාවට පටවන...
සියලු සැප සම්පත් පාලකයන් පවරාගන්නා...
රටේ සම්පත් විදේශිකයන්ට විකුණාගෙන කන...
මේ දුර්දාන්ත ආණ්ඩුක්‍රමය තවදුරටත් පවත්වාගෙන යමු ද?
රට වෙනුවෙන් අප නැගී සිටින්නේ අවසාන ශ්‍රී ලාංකිකයා ද මෙලොවින් සමුගත් පසුව ද?
මේ රට උන්ගේ නොව අපගේ ය. අපේ දරුවන්ගේ ය.
උන්ගේ රට මෙය නොවේ. උන්ගේ දරුවන් උගත්තේ... දේපොළ රැස් කළේ මේ රටේ නොවේ...
අපට ඇත්තේ මේ රට පමණෙකි. එය රැකගත යුත්තේ අප විසිනි.. සපුමල් කුමාරයා සිටින්නේ ද, රාවණා ජීවත් වන්නේ ද අප තුළ ය. අපි ඔවුන් අවදි කරවමු. අභියෝගය ජයගනිමු. අපිත් රැකෙමු. රටත් රකිමු.

කෝකිල අවන්ත හෙට්ටිආරච්චි

05/01/2022

පෙරුම් පුරාගෙන ආ සංසාරේ
පැතුම ද සුණු විසුණුව වැටුණේ
කාට ද රිදුනේ කවුරු ද හැඬුවේ
දුම්රිය මොහොතක්‌ නතර උනේ

මලක්‌ වගේ රොන් සුවඳ වගේ
ජිවිතයේ සුව අපමණ වේ ..//
දොළක්‌ වගේ දිය දෝත වගේ
ජිවිතයේ අම සිසිල දැනේ

පෙරුම් පුරාගෙන ..

වරක්‌ නෙතග කදුළැලි පිරුණාදෝ
සිතට දරාගනු බැරි වී දෝ..//
දිවිය මොනතරම් සුන්දර දෝ
දුක ම කොයි තරම් සතුටක්‌ දෝ
පෙරුම් පුරාගෙන ....

දිනක් අනුරාධපුර සිට කොළඹ දක්වා එන දුම්රියකට ස්වාමීන් වහන්සේ නමක් ගොඩවුණා..

අනුරාධපුර සිට කොළඹ බලා ගමන්කරන දුම්රිය සුපුරුදු පරිදි අනුරාධපුර නැවතුම්පොළින් පිටත් වුණා..

දුම්රියේ මුල්ලක තිබුණු අසුනක අසුන් ගත්ත ස්වාමීන් වහන්සේ නිහඬ ව ගමන වඩිනවා..

දුම්රිය අනුරාධපුරයෙන් පිටත් වෙලා ටික දුරක් එනවා.

වැඩිය ජනාකීර්ණ නොවුණු නැවතුම්පොළක් නැති තැනක හදිස්සියේ ම දුම්රිය නතර කරනවා..

මිනිස්සු ඒ මේ අත හරි ම කලබලෙන් දුවනවා..

ස්වාමීන් වහන්සේට කාරණාව යන්තමින් වැටහෙනවා..

ළඟ ඉන්න කෙනා කියනවා "හාමුදුරුවනේ ජෝඩුවක් කෝච්ච්යට පැනලා.. කෑලි කුඩු වෙලා" කියලා..

ටික වෙලාවකින් කෝච්චිය සුපුරුදු ලෙස ම පිටත් වෙනවා.. ස්වාමීන් වහන්සේ නෝට් පොතක් අතට අරන් හරි අපූරු පද පෙළක් ලියනවා..

*"පෙරුම් පුරාගෙන ආ සංසාරේ පැතුම ද සුණු විසුණු ව වැටුණේ..."*

උඹලා සංසාරයක් පතාගෙන ආ පැතුමට ද මේ සමාජය කෘෘරකම් කළේ?..
දුවගෙන ඇවිත් දෙන්නත් එක්ක ම කෝච්චියට පනින්න තරම්.... හොඳයි දැන් ඒකත් ඉවරනේ.... පැන්නාත් කියමුකො....
උන්වහන්සේ නැවත ලියනවා..

*"කාට ද රිදුණේ, කවුරු ද හැඬුවේ....
දුම්රිය මොහොතක් නතර වුණේ.."*

දැන් උඹලා පැන්නානේ..
රිදුණේ උන්ට ද ? නෑ උඹලට ම යි නේ ද ?
කවුද හැඬුවේ ?
උඹලගෙ අම්මලා තාත්තලාට දුක් ගින්නක් දීපු එක මිසක් වෙන මොනාද වුණේ..?

කෝච්චිය ටිකක් නතර කරපු එක විතරයි නේද ළමයිනේ..?

උන්වහන්සේ දිගට ම ලියනවා..

*"මලක් වගේ රොන් සුවඳ වගේ..*
*ජිවිතයේ සුව අපමණ වේ..*

*දොළක් වගේ දිය දෝත වගේ..*
*ජිවිතයේ අම සිසිල දැනේ..*

මේක හැමෝට ම ලොකු පාඩමක්..
ස්වාමීන් වහන්සේ මේ ගැන දැනුවත් කරන්න ගීතය යොදා ගන්නවා..

පරිසරයට උපමා කරලා ජීවිතය ගැන කියනවා.. මලක් වගේ.. පරවෙන පිපෙන එකත් සුන්දරත්වයක් ජීවිතය ඇතුළෙ.. නින්දා ප්‍රශංසා එක විදියට විඳගෙන ජීවත්වෙයල්ලා..

අපිට මේ ජීවිතේ ගොඩක් දේවල්වලට මුහුණ දෙන්න වෙනවා. ඒ හැම දෙයක් ම සතුටක් නම් අපිට දෙන්නේ නෑ.. රොන් සුවඳ වගේ අරන් අරන් ජීවත් වෙන්න වෙනවා .

දිය පාරක් වගේ ගලාගෙන යන එකට ජීවිතය කියනවා..
ජීවිතය ගැන ඒ විදියට හිතපන් කියලා සමාජයට උපමාවක් ලියලා ස්වාමීන් වහන්සේ නැවත කෙල්ලගෙයි, කොල්ලගෙයි පැත්තට හැරෙනවා..

*වරක් නෙතඟ කදුළැලි පිරුණා දෝ..*
*සිතට දරාගනු බැරි දුක් වී දෝ..*

ඇස්වලට කදුළු එන,
හිත රිදවන දෙයක් ඔබට වෙන්න ඇති..
ඒක හිතට දරාගන්න බැරිවෙන්න ඇති..

උන්වහන්සේ දිගට ම ලියනවා..

ඒත් ඔයාට ඒවාට මුහුණ දෙන්න තිබුනා.. ඇයි ?

*දිවිය මොන තරම් සුන්දර දෝ..*
*දුක ම කොයි තරම් සතුටක් දෝ..*

මේ වගේ මනුෂ්‍ය ජීවිතයක් ලබන්න කොච්චර අමාරු ද ? මේ අපිට ලැබෙන දුක තුළත් මොන තරම් අවබෝධයක් ගන්න අපිට පුලුවන් ද ?

ඒක හැමෝට ම පොදු දෙයක්නේ..
මේ දුක තුළ සැඟැවුණු සතුට ඔබ දෙදෙනාට තේරුම් ගන්න බැරිවුණා ද ?

අඩු තරමින් මේක කියවන ඔබවත් එය තේරුම් ගත්තා ද ?

*✍️ කිරුළපන ධම්මවිජය ස්වාමීන් වහන්සේ..*
සංස්කරණය:
කෝකිල අවන්ත හෙට්ටිආරච්චි

01/10/2021

1.25kg chocolate cake 🌺🌹
Covered butter icing
& Happy b'day 🎂

01/08/2021

Lovely doll 💗
with

10/07/2021

Thank you for your oder 🧡🍫
with

26/06/2021

Thank you for the oder 🤗
1.5kg btter cake with butter icing 💙