11/08/2025
දයාබර හිතමිතුරනි,
හදවත පිරී යන කෘතවේදීත්වයක් සහ ඒ හා සමාන වේදනාවක් සහිතව මෙම පණිවුඩය අපි ඔබට රැගෙන එන්නෙමු
2025 අගෝස්තු 16 වන දා සිට මොරටුව පිහිටි අප ආයතනයේ ව්යාපාරික කටයුතු යම් කාලයකට නවතා දැමීමට අප තීරණය කොට ඇත. මෙය අවසානයක් නොව, කෙටි විවේකයක් වන නමුත් මගේ ජීවිතයේ අගනා කාල පරිච්ඡේදයක එක්තරා අවසානයක් වන මේ මොහොතේ මා සමඟ වසර නමයක් පුරා රැඳී සිටි ඔබට ස්තූතියි යැයි නොකියා මෙය අවසන් කළ නොහැකි ය.
2015 ඔක්තෝම්බර් මස මා Cuppies ආයතනය අරඹන විට, ෆොන්ඩන්ට් අයිසින් සැකසීම යනු කුමක්දැයි හරි හැටි නොදැන සිටි මා ඉන්පසු ගෙවුණු කාලය තුළදී පාසල් දරුවන්ට, සුළු පරිමාණ ව්යාපාරිකයන්ට සහ වෘත්තීමය කේක් සැකසුම්කරුවන්ට යනාදී වශයෙන් විවිධ කාණ්ඩවල මිනිසුන්ට ෆොන්ඩන්ට් අයිසින් සැකසීමේ සිට බොහෝ දෑ ඉගැන්වීමට වාසනාවන්ත වූයෙ මි. අත්හදා බැලීමක් ලෙස ඇරඹූ ව්යාපාරයක් මගේ ජීවිතයේ අනපේක්ෂිත මෙන්ම ඉතා අගනාම අත්දැකීම බවට පත් විය. වසර ගණනාවක් පුරා ඔබ ඔබේ වටිනාම සැමරුම් සඳහා රස එකතු කිරීමේ සහයකයා ලෙස මා තෝරාගෙන ඇත. උපන්දින, විවාහ, සංවත්සර, සහ අනේකවිධ සැමරුම් ඔබ මා සමඟ බෙදා ගත්තේ ය. ඒ පිළිබඳව මට ඇත්තේ නිහතමානී ආඩම්බරයකි. දස දහස් ගණනක් මිනිසුන්ගේ සතුට බෙදාගැනීමට ඉඩ ලැබීම ගැන ආඩම්බර නොවී සිටිය හැක්කේ කෙසේද?
මා අතින් නිමවූ සෑම කේක් නිමැවුමක්ම අමුද්රව්යවල එකතුවක් පමණක් ලෙස මම නොදකිමි. ඒ සෑම තැනකම කතාවක්, මතකයක්, සහ බෙදාගත් මොහොතවල් තිබිණි. ඔබ බොහෝ දෙනෙක් ඔබේ අදහස් සමඟ මට අභියෝග කරමින් නව මානයන් වෙත මා යොමු කෙරූ අතර, ඔබ මා කෙරෙහි තැබූ අසීමිත විශ්වාසය තුළින් මා සවිමත් කළේ ය. ඔබේ මුහුණුවල ඇඳුණු සිනහවන් සහ ඔබ මට නොකඩවා පැවසු කාරුණික වචන මම ඉතාම ගෞරවයෙන් මා සමඟ තබා ගනිමි. රැගෙන යමි.
මගෙන් අධ්යාපනය ලැබූ සෑම ශිෂ්යයෙකු සහ ශිෂ්යාවකටම, මා තුළ ධෛර්ය සහ නිර්භීතභාවය ස්ථාපිත කිරීම ගැන මම ස්තූතිවන්ත වෙමි. අවුරුදු 12 මෙන්ම අවුරුදු 72 ශිෂ්යයන්ද/ශිෂ්යාවන්ද මගේ පන්ති කාමර තුළදී මට මුණගැසිනි. ඉගැන්වූ සියල්ලක්ම මා සතුව කිසිදු රහසක් තබා නොගෙන මම ඔබට ඉගැන්වූවෙමි. මින් ඉදිරියටද ඔබ නව ක්රම හා සමඟ ගැටෙමින්, මේ කාර්යය කෙරෙහි ඇති ආදරයෙන් කේක් සකසන්නන් ලෙස ගමන් කරනු ඇතැයි මම සිතමි. ඔබ නොබියව නව අත් හදා බැලීම් කරනු ඇතැයිද, මා සමඟ ලියූ කතාවෙන් නොනැවතී ඔබේම කතා ලියමින් ඉදිරියට යනු ඇතැයිද මම සිතමි. ඒ බව සිතීමම මට විශාල සතුටකි.
අපගේ පන්ති දිගින් දිගටම පැවැත්වෙනු ඇත. එම නිසා ගුරුවරයෙකු ලෙස මට ඔබව මුණගැසීමට අවකාශය තිබේ. එය සතුටකි.
බොහෝ විට ඔබ සියළු දෙනා දකිනා නම සහ මුහුණ මා වුවද මාගේ Cuppies කණ්ඩායම නොවන්නට මේ කිසිවක් ළඟා කරගැනීම හෝ නිර්මාණය කිරීම සිහිනයක්ම පමණක් වන්නට තිබූ යමකි. ඉතාම කාර්යබහුල යුගවලද, දිවා රෑ නොබලාද, තමන්ගේ පවුල මෙන් සලකමින් අප හා සමඟ කරට කර අප ආයතනය වෙනුවෙන් වෙහෙස වූ සේවක මඩුල්ලේ සැමට මම ස්තූතිවන්ත වෙමි. ඔබ අප හා සමඟ සිටි කාලය කුමක් වූවත් ඒ සිටි කාලයේදී ඔබ කෙරූ සේවාව වෙනුවෙන් මම සඳහටම ඔබ සැමට ස්තූතිවන්ත වෙමි.
මගේ ජීවිත ගමනේ සහකාරිය, අප දෙදෙනාගේ දෙමාපියන්, සහෝදරයන්, නෑනා සහ අප පවුල්වල නෑදෑ සියළු දෙනාටද, මිතුරන් සහ අසල්වැසියන් හට ද මම ස්තූතිවන්ත වෙමි. සියළු උස් පහත් වීම් හමුවේ ඔබ මා වටා සිටගත් අතර කිසිදු විටෙක වැටෙන්නට හෝ තනිවන්නට ඉඩ නොහැරියේ ය. අසීමාන්තිකව මා විශ්වාස කරමින් මා සමඟ පැමිණියේ ය. ඔබ සැමට ස්තූතියි.
මෙය අපගේ ජීවිතවල සහ වෘත්තියේ ඊළඟ පියවරට ළඟා වීමට ගන්නා කෙටි විවේකයක් මිස අපගේ ගමන නවතා දැමීමක් නොවේ. විශේෂයෙන්ම මා ඉදිරි කාලය ලබා ගන්නේ අධ්යාපනික සහ අන්තර්ජාතික වෘත්තිය පුහුණුවක් ලබා ගනිමින්, නව අභියෝග සහ අත්දැකීම් හරහා ගමන් කිරීම වෙනුවෙනි. ඒ ලබාගන්නා අත්දැකීම් අපගේ වැඩ කටයුතු නැවත ඇරඹීමේදී අද මා අත් විඳිනා සතුට, නිර්මාණශීලීත්වය සහ විශිෂ්ටත්වය නව මානයකින් ඔබට රැගෙන ඒමට මට හැකිවනු ඇත.
ලෝකය පුරා සහ රට පුරා සිටිනා ශ්රී ලාංකිකයන්ට මම ස්තූතිවන්ත වෙමි. ඔබ මෙරට සිටියදීත්, මින් පිටතදීත් ඔබේ සැමරුම් උදෙසා මා තෝරාගත්තෝ ය. ලංකාවේ ව්යාපාරික නායකයන්ගේ සිට සුරැකුම් නිවාසවල සිටිනා කුඩා දරුවන්ටද කේක් නිපදවීමට මට ඉඩ ලැබිණි. එකම ගෞරවයකින් සහ ආදරයකින් මා ඒ සියළු මොහොතවල් වෙනුවෙන් වෙහෙසුනෙමි.
පළමු කේක් කැබැල්ල කටට ගත් විගස ඒ ‘විමුත් අංකල්ගේ කේක්’ බව හඳුනාගන්නා අවුරුදු හතරේ කුඩා ගණුදෙනුකරුවන් සමඟ මම සිනා සී ඇත්තෙමි. මගේ කාලසටහනට ගැළපෙන පරිදි තම සැමරුම්වල දින සහ වේලාවන් වෙනස් කෙරූ ගණුදෙනුකරුවන් මා සමඟ ඇත. මේ සියළු සිදුවීම් මගේ වෘත්තිය පමණක් නොව මගේ හදවත සහ මා ලෝකය දකිනා ආකාරයද වෙනස් කරනු ලැබීය.
මගේ දිවියේ ඊළඟ පියවර ගන්නා මේ මොහොතේ, විමුත් සුවිපුන් ප්රනාන්දු සහ Cuppies යන නාමයන් ප්රචලිත කෙරූ සහ ලෝකය පුරා මා රැගෙන ගිය ශ්රී ලාංකික ආදරය මා සමඟ මා රැගෙන යමි. කාලය ඉඩ සලසන අයුරින් ඊළඟ පියවරේ කෙටි මතක ඔබ හා බෙදාගැනීමට මම බලාපොරොත්තු වෙමි. වසර නමයක් පුරා ඔබ සිදු කෙරූ අයුරින්ම ඉදිරියටද මා සමඟ ඔබ ඇවිද යනු ඇතැයි මම සිතමි.
ඉදිරි අනාගතයේ දිනයකදී අගනගරයේදී Cuppies නම රැගත් කැෆේ එකක් තුළ උණු කේක් කෑල්ලක් සමඟ ඔබ ඇණවුම් කරනා තේ හෝ කෝපි කෝප්පයක් බෙදාගනිමින් මේ වසර නමයද, ඉන් එහා ලියැවෙන කාලයද පිළිබඳව අප හා කතා කරන්නට ඔබ පැමිණෙනු ඇතැයි මම සිතමි.
ඒ දිනය එනතෙක් දැනට මේ අවසන් කේක් ඇණවුම් කිහිපය බාරගනිමින් මම සුබ පැතුම් කියමි.
මොරටුවෙන් නොකඩවා වසර නමයක් හමා ආ උණු කේක් පිච්චෙන සුවඳට කෙටි විරාමයක් දී ලෝකයේ වෙනත් කොණක සිට ඔබට නැවත විස්තර කියන්නට මම පොරොන්දු වෙමි.
හදවත පිරී යන කෘතවේදීත්වය සහ මා විශ්වාස කරනා දෙවියන්ගේ ආශිර්වාදය ඔබට ප්රාර්ථනා කරමි
නැවතත් ස්තූතියි කියමි,
~ විමුත් සුවිපුන් ප්රනාන්දු
Dear Friends,
It is with a heart full of gratitude, and a little heaviness, that I share this news.
From the 16th of August 2025, we will be temporarily pausing our operations in Moratuwa, Sri Lanka. While this is a pause, not an end, it feels like the closing of a very precious chapter in my life. And I cannot let this moment pass without saying a deeply heartfelt thank you.
When I started Cuppies in October 2015, I knew nothing about fondant, let alone imagine teaching it to schoolchildren, home bakers, and aspiring professionals. What began as an experiment soon became one of the most unexpected and beautiful journeys of my life. Over the years, you have trusted me with your most treasured celebrations, birthdays, weddings, anniversaries, and milestones, and I have been humbled and overjoyed to play a part in them.
Every cake was more than sugar and flour. It was a story, a memory, a shared moment. You challenged me with your ideas, inspired me with your trust, and rewarded me with the smiles on your faces and the kind words you shared. Those smiles, those messages of joy, will forever be my most treasured keepsakes.
To my students, thank you for placing your confidence in me. It has been my joy to teach you everything I know, holding nothing back. My greatest hope is that you will keep baking, keep experimenting, and keep creating beautiful cakes that tell your own stories. And yes, our online classes will continue, so our journey together isn’t ending here.
To my incredible Cuppies Team, none of this would have been possible without you. You stood beside me in the busiest seasons, through long nights and countless challenges. I am forever grateful for your dedication and friendship.
To my partner, our parents and brothers, sister in- law, relatives, neighbours, and friends, thank you for your unwavering support. You have carried me through every high and low.
This pause is not a farewell, but a step towards growth. I am taking this time to gain more knowledge, to explore new adventures, and to return with fresh inspiration, so that when we resume, I can continue to bring you the same happiness, creativity, and care you have always known.
I am profoundly grateful to the many Sri Lankans, here and across the world, who have trusted me with your celebrations. From serving top business leaders to bringing joy to children in care homes, every order has been an honour. I have smiled with four-year-olds who could recognize my cakes at their very first bite. I have been touched by customers who postponed their own parties just so they could have a Cuppies cake. These moments have shaped not only my career, but my heart.
As I step into this next chapter, I carry with me the Sri Lankan love that has lifted me up and made me who I am. I promise to share glimpses of my journey whenever I can, and I hope you will continue to walk beside me.
Someday, I dream of welcoming you to sit with me in the capital, to share a slice of warm cake and a cup of tea or coffee, and to reminisce about the memories we’ve baked together.
With nothing but gratitude and blessing in my heart,
~ Vimuth Suvipun Fernando
