08/04/2025
හොද්දකට, කිරි මාළුවකට උළුහාල් තේ හැඳි භාගයක් විතර එකතු කලාම එන රසය අපි හැමෝම හොඳට දන්නවා.
ඉස්සර අපේ අත්තම්මලා උළුහාල් එක්ක කරපිංචා ටිකකුත් කබලේ බැදගෙන බෝතලයක දාගෙන හිටියේ හදන හොද්ද වඩාත් රසවත් කරගන්න.
මේ විදිහට උළුහාල් වල රසය අපේ කෑම වලට මුසුවෙන්න ගත්තේ අනාදිමත් කාලයක ඉඳලයි. ඒත් ඇත්තටම අපි මොනවද උළුහාල් ගැන දන්නේ. අපි උළුහාල් ගැන මුකුත් දැනගෙන හිටියේ නෑ නේද කියලා මේ ලිපිය කියවන කොට ඔයාලටම තේරුම් යයි.
දේශීය වෙදකමේදී හා ආයුර්වේද වෛද්ය විද්යාවේදී උළුහාල් කුළුබඩුවක්, රසකාරකයක් ලෙස සලකන්නේ නැහැ. එය සලකන්නේ බොහෝ කල්ක, අරිෂ්ඨ, ආසව සඳහා යොදාගන්නා විශ්මිත ගණයේ ඖෂධයක් ලෙසයි.
01- අපේ ශරිරයට අත්යවශ්ය යකඩ, කැල්සියම්, සින්ක්, පොටෑසියම්, සෙලිනියම්, ඛණිජ ලවණ, විටමින් ආදී බොහෝ පෝෂ්ය පදාර්ථ මෙම උළුහාල් වල අන්තර්ගත වෙලා තියෙනවා. ඒ විතරක් නෙවෙයි ඉහළ ආහාරමය තන්තු ප්රමාණයකින් ද, හොඳ ප්රතිඔක්සිකාරක ගුණයකින් ද මෙම උළුහාල් ගොඩක් පොහොසත්.
අප ගන්නා ආහාරයේ ඇති ග්ලූකෝස් රුධිරයට අවශෝෂණය මදක් ප්රමාද කරවන ඉන්සියුලින් හෝමෝනය නිපදවීම ක්රමවත් කරන නිසා මෙම උළුහාල් දියවැඩියාව රෝගීන්ට ඉතාම ගුණදායකයි.
02- උළුහාල් වල ෆෝලික් අම්ලය අඩංගු වන නිසා උළුහාල් ආහාරයට එකතුකර ගැනීමෙන් කිරි දෙන මව්වරුන්ට තම කිරි ස්රාවය හොඳින් වර්ධනය කරගන්නත් එය හොඳින් පවත්වාගෙන යන්නත් පුළුවන්.
ස්වාභාවයෙන්ම ආහාර රස ගන්වන හා සුවඳ ගන්වන ගුණ උළුහාල් වල අඩංගු නිසා අග්නි දීපනය (බඩගින්න ඇතිකිරීම) සිදුකිරීමත්, ආහාර මාර්ගය ආශ්රිත සියලුම ග්රන්ථි උත්තේජනය කිරීමත් එයට අමතරව බඩ පිපුම, අජීර්ණ තත්ව, මලබද්ධය, පණුරෝග, ආහාර මාර්ගය ආශ්රිත පිළිකා හා තුවාල ආදිය සුවකිරීමත් මෙම උළුහාල් වලින් සිදුකරනවා.
03- උළුහාල් වල වාත සමන හා වාත අනුලෝමන ගුණ සහිත නිසා දේහයේ ඇතිවන විවිධ වේදනාවන් විශේෂයෙන් කාන්තාවන්ගේ මාස් ශුද්ධියේදී ඇතිවන වේදනාවන් සඳහා උළුහාල් බොහෝ ගුණ දෙනවා.
04- සමෙහි ඇතිවන රැළි වැටීම්, අවපැහැ ගැන්වීම් වළක්වා ගැනීම සඳහා රූපලාවණ්යය කටයුතු වලදී උළුහාල් කුඩු මඟින් සාදාගත් ෆේස් පැක් හා ස්ක්රබ් වර්ග භාවිතා කරන ලබනවා.
හිසකෙස් අකලට වැටීම, හිසකෙස් තුනී වීම, හිස්හොරි ඇතිවීම, තට්ටය පෑදීම වැනි බොහෝ ශීර්ෂ ගැටළු වලටත් තරුණයින්ගේ රැවුල වැවීමේ මද බවටත් මෙම උළුහාල් බොහෝ ගුණදෙනවා.
05- විදුරු මස් නිරෝගී කරවන උළුහාල් මුඛ දුර්ගන්ධයටද කදිම ඔසුවක්. ඒ විතරක් නෙවෙයි සෙම් රෝග හා උගුරේ ඇතිවන ආසාදන තත්වයන් වලටද මෙම උළුහාල් හොඳ ඖෂධයක්.
06- උළුහාල් ස්වභාවයෙන්ම රක්ත ශෝධන ගුණ සහිත නිසා සම ආශ්රිතව ඇතිවන ආසාත්මිකතා, කැසීම්, රතුවීම්, පළු දැමීම්, උෂ්ණ බිබිලි, දද, හා විවිධ කුෂ්ඨ වර්ග ඇති වීම පාලනයත්, ශරීරයේ උණ පාලනයත් හරි ලස්සනට සිදුකරනවා. මුඛයේ තුවාල, බඩ පිපුම, ගැස්ට්රයිටිස්, ලිංගික බෙලහීනතාවය, මුත්රාගල්, වාත රෝග, සන්ධි වේදනා, පිළිකා, අක්මා හා මොළයේ ගැටළු වලටද මෙම උළුහාල් දිව්ය ඖෂධයක්.
07-ස්වභාවයෙන්ම තීක්ෂණ, උෂ්ණ හා ලඝු ගුණ අන්තර්ගත වන උළුහාල් සිරුරේ සියලු අවරෝධ වූ නාල හා මාර්ග (ස්රෝතස්) පිරිසිදු කිරීමට උපකාරී වන නිසා කොලෙස්ටරෝල්, අධිරුධිර පීඩනය වැනි රෝග තත්ව වලට ද ඉතා හොඳ ඔසුවක්.
කොලෙස්ටරෝල් වලට හා දියවැඩියාවට ගුණදෙන විශ්මිත ආයුර්වේද පානය
අවශ්ය ද්රව්ය
* යන්තමට කොටාගත් උළුහාල් මේස හැඳි 02 ක්
* තලාගත් ඉඟුරු කැබැල්ලක්
* වතුර කෝප්ප එක හමාරක්
සාදාගන්නා ආකාරය
01. වතුර සාස්පානකට දමා උණු කරගන්න. වතුර නටද්දී ලිපෙන් ගන්න.
02. වැසිය හැකි කෝප්පයකට දමන්න. එයටම තලාගත් උළුහාල් සහ ඉඟුරු දමන්න.
03. පැය 03 ක් වසා තබන්න. පුරා රැයක් තිබ්බට ගැටළුවක් නැහැ.
04. උදෑසන හිස්බඩ බොන්න.
05. මේ පානය දිනපතාම රාත්රියට හදා තබා උදේට උදේට පානය කිරීමෙන් විශ්මිත ගුණයක් ලැබේ.
කොලෙස්ටරෝල් වලට තවත් පානයක්…
උළුහාල් ස්වල්පයකට සුදුළූණු බික් 01 ක්, කළුදුරු ස්වල්පයක්, ගොරකා බික් 01 ක් දමා තම්බා එයින් අඬු කෝප්ප 1/2 ක් රාත්රී ආහාරයෙන් පසු පානය කරන්න.
සියලු රෝග වලට ගුණදෙන උළුහාල් ව්යාංජනය… අවශ්ය ද්රව්ය
• උළු හාල් ග්රෑම් 200 ක් පමණ
* රතුළූණු ගෙඩි කිහිපයක්
* අමු මිරිස් කරල් 02 ක් පමණ
* රම්පෙ
* කරපිංචා
* මිරිස් කුඩු තේ හැඳි 01ක්
* කහ ඉතාම ස්වල්පයක්
* බැදපු තුනපහ කුඩු තේ හැඳි 01ක්
* කුරුඳු පොතු කැබැල්ලක්
* රස අනුව ලුණු
උළුහාල් ව්යාංජනය සාදාගන්නා අන්දම :-
ප්රථමයෙන් උළුහාල් හොඳින් සෝදා ගරා වේලාගත යුතුයි. ඉන්පසු තාච්චියකට පිරිසිදු පොල්තෙල් මේස හැඳි 02ක් දමන්න. මේ සඳහා හැකි නම් බටර් පාවිච්චි කළ හැකියි. එය හොඳින් රත් වූ පසු රන්වන් පාට වනතුරු බැදගන්න. උළුහාල් බැදුණු විට හොඳ සුවඳක් දැනෙනු ඇත. එවිටම තාච්චිය ලිපෙන් ඉවත්කරගත යුතුයි. ඉන්පසු භාජනයට ලියාගත් රතුළූණු, අමු මිරිස්, අඹරාගත් කරපිංචා, මිරිස් කුඩු, රම්පා, කහ යනාදී සියල්ලම එකතු කරන්න. එයටම මිටිකිරි කෝප්පයක්ද මිශ්ර කර එයටම උළුහාල් ටික එකතු කරන්න. රස අනුව ලුණු ද එකතුකර අවසානයේ දී බැදපු තුනපහ කුඩු ටික ද එකතු කරන්න. බැදපු තුනපහ කුඩු ටික උළුහාල් ව්යාංජනය ළිප තබා පිස ගන්නා අතරතුර අවසානයේදී එකතු කිරීම වඩා යෝග්ය වේ. යන්තම් ඉස්ම තිබියදී ළිපෙන් බාගෙන කෑමට ගන්න
මුඛයේ තුවාල ඇති විට…
* උළුහාල් තැම්බූ වතුරින් කට සෝදන්න.
* අඹරාගත් උළුහාල් මී පැණි සමඟ ආලේප කරන්න.
01- වාත රෝග සඳහා…
උළුහාල් වලට සුදුළූණු එක්කර තම්බා බොන්න.
02- සන්ධි වල වේදනාවන් සඳහා…
උළුහාල් ඇල් දියෙන් අඹරා ගාන්න.
03- බඩ පිපුමට, මාස් ශුද්දියේ ඇතිවන වේදනාවට හා ගැස්ට්රයිටිස් වලට
උළුහාල් තැම්බූ වතුර පානය කීරීමෙන් යම් සහනයක් ගෙන දෙයි.
04- හිස්හොරි වලට
දෙහිගැට හා උළුහාල් තම්බා හොඳින් අඹරා ගත් තලපය හිස් කබලේ ආලේප කර සම්බාහනය කරන්න.
05- හිසකෙස් සම්බන්ධ ගැටළු සඳහා (අකලට හිසකෙස් වැටීම, හිසකෙස් තුනී වීම, හිසකෙස් තද පැහැ නොවීම)
හොඳින් අඹරාගත් උළුහාල් තලපය පිරිසිදු පොල්තෙල් හා මිශ්රකර මදක් රත්කර හිසේ ආලේප කරන්න.
06-තට්ටය පෑදීම හා රැවුල වැවීමේ මද බවට
උළුහාල් ඇට වලින් නිස්සාරණය කර ගන්නා උළුහාල් තෙල් (Fenugreek Oil) භාවිතා කරන්න.
උපුටා ගැනීමකි
ස්තුතියි මුල් අයිතියට
