20/12/2021
𝗖𝗼𝗺𝗺𝗼𝗻 𝗺𝗶𝘀𝘁𝗮𝗸𝗲𝘀 𝗼𝗳 𝗰𝗮𝗸𝗲 𝗺𝗮𝗸𝗶𝗻𝗴
කේක් සෑදීම යනු ලෝකයේ පවතින්නා වූ තවත් එක් කලාවකි. ඔබ යම් අත්දැකීමක් ලබා ගන්නා තුරු කේක් සෑදීමේදී යම් යම් වැරදි සිදු වීම යනු පුදුම වීමට කාරණාවක් නොවේ. අද අපි කතා කරන්න යන්නේ කේක් සෑදීමේදී අපි කරන සාමාන්ය වැරදි හතරක් ගැනයි. මෙම සතියේ අපි ඔබවෙත ගෙන එන මෙම පෝස්ටුව, කේක් කලාවේ ආරම්භකයින්ට ඔවුන්ගේ වැරදි වළක්වා ගැනීමට සහ සමහර වැරදි වල හානිය අවම කර ගැනීමට උපකාරී වේ.
𝐃𝐫𝐲 𝐜𝐚𝐤𝐞
“වියළි” යන වචනය යනු කිසිවිටෙක කේක් සම්බන්ධව කතා කිරීමේදී එතරම් හොඳ වචනයක් නොවේ. බොහෝ විට, වියළි කේක් එකක් කරුණු දෙකක ප්රතිඵලයක් ලෙස පැමිණිය හැකිය. වැඩිපුර පිටි භාවිතා කිරීම හෝ ඉතා කුඩා ප්රමාන වලින් බටර් සහ / හෝ බිත්තර භාවිතා කිරීම යනු එම හේතු කාරණා වේ. සෑමවිටම ඔබ පිටි ප්රමාණය නිවැරදිව මනින බවට වග බලා ගන්න. ඔබේ මිනුම් සඳහා භාවිතා කරන කෝප්පය, බෑගයට දමා බෑගයෙන් කෙලින්ම පිටි එලියට ගැනීමට භාවිතා කරනවාට වඩා ඔබේ මිනුම් කෝප්පයට ටිකෙන් ටික පිටි, හැන්දෙන් එක කරගැනීම වඩාත් උචිත වේ. එමගින් වැඩිපුර පිටි එකතුවීම පාලනය කර ගත හැක. නිවැරදි පිටි ප්රමාණය මැනීමට ඇති උචිතම ක්රමය නම් එය මැනීම සඳහා ඩිජිටල් තරාදියක් භාවිතා කිරීමයි. අවාසනාවකට, ඔබේ කේක් එකේ වියලි ස්වභාවය වැඩි උවහොත්, ඔබේ කේක් වෙත තෙතමනය නැවත ලබා ගැනීමට ක්රමයක් තිබේ. ඔබට බටර් ක්රීම් අයිසින් ලේයරයක් එකතු කළ හැකිය.
𝐖𝐫𝐨𝐧𝐠 𝐩𝐚𝐧
කේක් පෑන් විවිධ හැඩයන්වලින්, විවිධ ප්රමාණවලින් පැමිණේ. ඔබේ කේක් අවන් එකේ පිටාර ගලන්නේනම් එය ඉතාම අවසනාවන්ත තත්වයකි. නමුත් ඔබට මෙම අවාසනාවන්ත තත්වය වළක්වා ගැනීමට ක්රම කිහිපයක් තිබේ. වැදගත්ම දෙය නම්, ඔබ 𝐛𝐚𝐤𝐞 කිරීම ආරම්භ කිරීමට පෙර 𝐫𝐞𝐜𝐢𝐞𝐩𝐞 එක හොඳින් කියවා තමන්ගේ කේක් එකට වඩාත්ම උචිතම කේක් පෑන් එක තෝරාගැනීමයි. කිසිවිටෙක පෑන් එකේ කට ලගට එන තුරු බටර් මිශ්රණය පුරවන්න එපා. බටර් මිශ්රණය පෑන් එකට එක කරන විට ⅔ ක ප්රමාණයක් පමණක් පෑන් එක පිරවීමට වග බල ගන්න. එවිට කේක් එකට නිදහසේ බේක් වීමට අවකාශය ලැබේ. ඔබට අමතර ආරක්ෂවක් අවශ්යනම්, පිටාර ගැලීමක් වලක්වා ගැනීමට හැකිවන පරිදි බේකින් පත්රයක් භාවිත කල හැක.
𝐁𝐚𝐝 𝐭𝐚𝐬𝐭𝐞 𝐨𝐧 𝐝𝐚𝐫𝐤 𝐢𝐜𝐢𝐧𝐠 𝐜𝐨𝐥𝐨𝐫𝐬
අඳුරු වර්ණ සහිත අයිසිං සෑදීම තරමක් උපක්රමශීලී වන්නේ ඔබ සුළු වැරැද්දක් කළහොත්, එක්කෝ වර්ණය ඔබ බලාපොරොත්තු වූවාට වඩා වෙනස් වනු ඇත, නැතහොත් කේක් වල රසයට සහ වයනයට අහිතකර බලපෑම් ඇතිවිය හැක. තද වර්ණ සාදන විට දියර(𝐥𝐢𝐪𝐮𝐢𝐝) වර්ණ ගැන්වීම වෙනුවට ජෙල් හෝ කුඩු වර්ණ ගැන්වීම භාවිත කිරීමට වග බලා ගන්න. ඔබේ අයිසිං වර්ණය වඩාත් අඳුරු කිරීම සඳහා ඔබ වැඩි දියර(𝐥𝐢𝐪𝐮𝐢𝐝) වර්ණ ප්රමාණයක් එකතු කළහොත්, ඔබේ අයිසිං එකේ ද්රව ගතිය වැඩි වේ. සෑම විටම කුඩා වර්ණ ප්රමාණයක් එකතු කිරීමකින් ආරම්භ කර ක්රමයෙන් එම වර්ණය එකතු කරමින් අඳුර ගතිය වැඩි කිරීමට උත්සාහ කරන්න. කළු වර්ණය අවශ්ය නම්, වර්ණක විශාල ප්රමාණයක් එකත කිරීමට වඩා වෙනස් ක්රම ඇත. සුදු පාට අයිසින් කළු පැහැයට හැරීම ඉතාමත් දුෂ්කරය ඒ වෙනුවට ස්වභාවිකවම අඳුරු පැහැති අයිසින් පදනමකින් ආරම්භ කිරීම එය මිලියන වාරයක් පමණ පහසු කරයි. ඒ සඳහා කොකෝවා සහ අඳුරු චොකලට් භාවිතා කළ හැකිය.
𝐂𝐚𝐤𝐞 𝐛𝐫𝐨𝐰𝐧𝐞𝐝 𝐮𝐧𝐞𝐯𝐞𝐧𝐥𝐲
ඔබේ කේක් එක 𝐛𝐚𝐤𝐞 කරාට පසු අසමාන ලෙස දුඹුරු පාට පැතිරී ඇති බවට නිරීක්ෂණය වේ නම්, බොහෝ විට එයට හේතුව ඔබේ උඳුනේ ගැටලුවක් පවතින ගැටළුවක් විය හැක. උඳුන තුල උණුසුම් ස්ථාන (𝐡𝐨𝐭𝐬𝐩𝐨𝐭𝐬) හෝ අධික තදබදය(𝐨𝐯𝐞𝐫𝐜𝐫𝐨𝐰𝐝𝐢𝐧𝐠) නිසා අසමාන ලෙස පැතිරුණු දුඹුරු පැහැයක් ඇති විය හැක. හැකි සෑම විටම, ඔබේ උඳුනේ රාක්කවල මැද කේක් එක තබා පිළිස්සීමට උත්සාහ කරන්න. ඔබේ උඳුන නිසා අසමාන ලෙස පිළිස්සීමා සිදු විය හැකි බව ඔබ දන්නේ නම්, ඔබේ කේක් පෑන් එක 𝐨𝐯𝐞𝐧 එක තුල 𝐛𝐚𝐤𝐞 වන විට ටිකෙන් ටික කරකවන්න. වාසනාවකට මෙන්, මෙම ගැටළුව ටිකක් වැඩිපුර අයිසින් තවරා විසඳා ගැනීම ඉතා පහසුය. තවද අයිසින් කිරීමට ප්රථම, පිළිස්සී ඇති තැන් කපා ඉවත්කර දමන්න.
