25/02/2026
ආදරයෙන් ආරම්භ වූ ජීවිතය… ලේ රැxල්ලකින් අවසන්! වේල්සය කම්පා කළ ඝාxතන නඩුවේ අවසානය
බ්රිතාන්යයේ වේල්සයෙහි පදිංචිව සිටි 32 හැවිරිදි ශ්රී ලාංකික කාන්තාවක වන නිරෝධා කල්පනි නිවුන්හැල්ල මහත්මිය අතිශය අමානුෂික ලෙස ඝාxතනය කිරීමේ වරදට ඇයගේ සැමියා වන 37 හැවිරිදි තිසර වේරගලට ජීවිතාන්තය දක්වා සිරදඩුවම් නියම කිරීමට බ්රිතාන්ය අධිකරණය තීන්දු කර තිබේ.
නිව්පෝට් මහාධිකරණයේදී (Newport Crown Court) නඩු විභාගය පැවැත්වුණු අතර, විනිසුරු ඩැනියෙල් විලියම්ස් මහතා නියෝග කළේ විත්තිකරු සිය සිරදඩුවමෙන් අවම වශයෙන් වසර 23යි මාස 9ක කාලයක් අනිවාර්යයෙන්ම සිරගතව සිටිය යුතු බවත් එම සිර දඩුවම ගෙවා අවසන් වූ පසුව නව ඇපීල් කමිටුවකට ඉදිරිපත් කර ඊළඟ සිර දඬුවම් කාලය තීරණය කරන බවයි.
ඝාතනය සැලසුම් කළ ආකාරය: "මාxරක රැකසිටීම"
නඩු විභාගයේදී අනාවරණය වූ කරුණු අනුව, 2025 අගෝස්තු 21 වන දින කාඩිෆ් හි රිවර්සයිඩ් ප්රදේශයේදී මෙම අපරාධය සිදුකර ඇත.
2017 වසරේදී විවාහ වී 2022දී උසස් අධ්යාපනය සඳහා බ්රිතාන්යයට පැමිණි මෙම යුවළ අතර කලක සිට ආරවුල් පැවතී තිබේ. ඝාxතනය සිදුවන විට ඔවුන් දෙදෙනා වෙන්ව ජීවත් වී ඇති අතර නිරෝධා මහත්මිය වෙනත් පුද්ගලයෙකු සමඟ ප්රේම සබඳතාවක් පවත්වමින් ඔහුගේ නිවසේ පදිංචිව සිට ඇති බවත් නඩු විභාගය වන මොහොතේ වාර්තා වීය.
නිරතුරුවම තම බිරිදට තමාගේ නිවසට පැමිණෙන ලෙස තිසර කළ ඉල්ලීම් නිරෝධා ප්රතික්ෂේප කර තිබුණි.
ඝාxතනයට පෙර දින සුපිරි වෙළඳසැලකින් පිහියක් මිලදී ගෙන ඇති විත්තිකරු, අපරාධය සිදුවූ දින අලුයම 5 සිට ඇය පදිංචිව සිටි නිවසේ රථගාලේ රැක සිට ඇත. නිරෝධා රථගාලට පැමිණි අවස්ථාවේදී ඔහු ඇයට 17 වතාවක් පිහියෙන් ඇxන ඇති බව පශ්චාත් මරණ පරීක්ෂණ වාර්තා සනාථ කරයි.
සිxයදිවි නxසාගැනීමේ උත්සාහය සහ අත්අඩංගුවට පත්වීම
ඝාxතනයෙන් පසු සිය මෝටර් රථයෙන් පළාගිය තිසර, ධාවනය වෙමින් තිබූ ලොරි රථයකට පැන සියදිxවි හාxනිකර ගැනීමට උත්සාහ කර ඇත. එහිදී සුළු තුවාල ලැබූ ඔහු පොලිසිය විසින් අත්අඩංගුවට ගෙන රෝහල්ගත කෙරිණි. මුලදී මිනීxමැරුම් චෝදනාව ප්රතික්ෂේප කළද, පසුව ඔහු අධිකරණය හමුවේ වරද පිළිගත්තේය.
අධිකරණයේ නිරීක්ෂණය සහ පවුලේ අයට සිය ශෝකය පළකල රජයේ නීතිඥ එමා ඩේවිස් මහත්මිය අධිකරණය හමුවේ ප්රකාශ කළේ මෙය ඉතා සූක්ෂ්ම ලෙස සැලසුම් කරන ලද (Premeditated) ඝාxතනයක් බවයි. "ඔහු කිහිප වතාවක්ම එම ප්රදේශයේ සැරිසරමින් ප්රහාරය සැලසුම් කර මාxරක ආයුxධය මිලදී ගෙන තිබෙනවා," යැයි ඇය පැවසුවාය.
මේ අතර, නිරෝධාගේ පවුලේ සාමාජිකයන් ඇය පිළිබඳව සංවේදී සටහනක් තබමින් කියා සිටියේ,
"නිරෝධා යනු සැමට ආදරය කළ, කරුණාවන්ත දියණියක් සහ මිතුරියක්. ඇයගේ නික්මයාම අපට දරාගත නොහැකි පාඩුවක් වුවද, ඇය බෙදාගත් ආදරය අප සමඟ සදාකාලිකව පවතිනු ඇත." යන්නයි
මෙම තීන්දුවත් සමඟ කාන්තාවන්ට එරෙහි ප්රචණ්ඩත්වය පිටුදැකීමට බ්රිතාන්ය නීතිය උපරිමයෙන් ක්රියාත්මක වන බවට එරට බලධාරීන් යළිත් අවධාරණය කර සිටියි.
මෙවැනි ඛේදවාචකයන් හුදෙක් මාධ්ය වාර්තාවකට පමණක් සීමා නොවිය යුතුය. මිනිස් ජීවිතයක වටිනාකම සහ සබඳතාවල ඇති සංකීර්ණතාව වටහාගෙන, මෙවැනි අවාසනාවන්ත ඉරණමකින් මිදීමට අවසන් වශයෙන් "කතෘ සටහනක්" තබමි.
රුධිරයෙන් ලියැවෙන පාඩම් සහ ජීවිතයේ වටිනාකම
සබඳතා බිඳ වැටීම ලෝක ස්වභාවයකි. නමුත් එම බිඳ වැටීම මරණයකින් හෝ ජීවිතාන්තය දක්වා සිරබත් කෑමකින් කෙළවර වීම ශිෂ්ට සම්පන්න සමාජයකට නොගැලපෙන අඳුරු පැත්තකි. මෙවැනි ඉරණමකින් තොරව ගෞරවාන්විතව ජීවත් වීමට පහත කරුණු සිහි තබා ගැනීම වටී
අත්හැරීම හුරු කරගන්න
යම් සබඳතාවක් ඔබට වේදනාවක් මිස සතුටක් ගෙන නොදෙන්නේ නම්, එය බලහත්කාරයෙන් රඳවා ගැනීමට උත්සාහ නොකරන්න. "අත්හැරීම" යනු පැරදීමක් නොව, තමාගේත් අනෙකාගේත් නිදහස සහ ජීවිතය ගරු කිරීමකි.
ආවේග පාලනය (Anger Management) කරන්න
ක්ෂණික කෝපය යනු මොහොතක උමතුවකි. එම මොහොතේ ගන්නා වැරදි තීරණයකින් මුළු ජීවිත කාලයම පසුතැවීමට හෝ විනාශ වීමට ඉඩ ඇත. තමන්ට තනිව පාලනය කරගත නොහැකි ආවේග පවතින බව දැනේ නම්, වහාම වෘත්තීය මනෝ උපදෙස් ලබාගැනීමට මැලි නොවන්න.
පෞද්ගලික නිදහසට ගරු කරන්න
අනෙකා තමාට අයිති වස්තුවක් ලෙස නොසලකන්න. ඕනෑම පුද්ගලයෙකුට තමන්ගේ ජීවිතය පිළිබඳ ස්වාධීන තීරණ ගැනීමට අයිතියක් ඇත. එම තීරණ ඔබට රිදවන්නේ වුවද, ඒවා ප්රචණ්ඩත්වයෙන් වෙනස් කිරීමට උත්සාහ කිරීම සාපරාධී ක්රියාවකි.
විදේශගත වීමේදී ඇතිවන මානසික පීඩනය
හඳුනාගන්න
විදේශ රටක හුදකලා වූ විට ඇතිවන ආතතිය සහ අනාරක්ෂිත බව සබඳතා බිඳ වැටීමට තවත් හේතුවක් විය හැක. එවැනි අවස්ථාවලදී පවුලේ හිතවතුන් හෝ උපදේශන සේවා සමඟ විවෘතව කතා කරන්න.
නීතිය සහ ආචාර ධර්ම වලට ගරු කරන්න
නීතියට ඉහළින් කිසිවෙකුට යා නොහැක. තමන්ට සිදුවූ අසාධාරණයකට වුවද විසඳුම නීතිය අතට ගැනීම නොව, නීත්යානුකූල මාවතක ගමන් කිරීමයි.
අවසාන වශයෙන්, ප්රේමය යනු අනෙකාගේ ජීවිතය සුන්දර කිරීම මිස, එය උදුරා ගැනීම නොවේ. ඔබ අද ගන්නා ඉවසිලිවන්ත තීරණය හෙට දවසේ ජීවිත දෙකක් ආරක්ෂා කරනු ඇත.
සටහන : සම්පත් දිල්ලිමුණි
