Shinedi Cake

17/04/2025

Rocky's 1st year

02/07/2023

29/04/2023

චොකලට් කේක්

කේක් එක හදන්න නම් දැං අපි හැමෝම දන්නවනෙ. ඒත් සමහර අයට වරදින්නෙ එක් එක් ප්‍රමාණයේ කේක් වලට ගන්න ඕනෙ අමු ද්‍රව්‍ය ප්‍රමාණයන්. ඉතිං මම කියල දෙන්නම් අපි සාමාන්‍යයෙන් නිතර හදන ඒ කියන්නෙ 500g, 1Kg, 1.5Kg සහ 2Kg ප්‍රමාණ වල කේක් වලට ගන්න ඕනෙ අමු ද්‍රව්‍ය ප්‍රමාණයන්. මොකද අපි කලබලේට ගනන් හදල ගත්තට එක ජාතියකින් හරි පොඩ්ඩක් අඩු වැඩි වුනොත් කවදාවත් කේක් එක හරියට එන්නෙ නෑ. මේ මම දීල තියෙන ප්‍රමාන වලින් ගත්තම කොහෙත්ම වරදින්නෙ නැතුව හරි ලස්සනට කේක් එක එනව. මේ හැම ප්‍රමාණයේම කේක් හදල අත්දැකීමෙන්මයි කියන්නෙ. එහෙනම් අපි බලමු.

500g සඳහා
පිටි - 105g
සීනි - 125g
බටර් - 125g
බිත්තර - 125g
චොකලට් පවුඩර් - 20g
වැනිලා තේ හැඳි 01
බේකිං පවුඩර් තේ හැඳි 01
බේකිං සෝඩා තේ හැඳි 1/4 ටත් චූට්ටක් අඩුවෙන් ගන්න
කිරි මේස හැඳි 1

1Kg සඳහා
පිටි - 210 g
සීනි - 250 g
බටර් - 250 g
බිත්තර - 250 g
චොකලට් පවුඩර් - 40 g
වැනිලා තේ හැඳි 2
බේකිං පවුඩර් තේ හැඳි 2
බේකිං සෝඩා තේ හැඳි 1/4
කිරි මේස හැඳි 2

1.5 Kg සඳහා
පිටි - 315 g
සිනි - 375 g
බටර් - 375 g
බිත්තර - 375 g
චොකලට් පවුඩර් - 60 g
වැනිලා තේ හැඳි 03
බේකිං පවුඩර් තේ හැඳි 03
බේකිං සෝඩා තේ හැඳි 1/4 ට චුට්ටක් වැඩියෙන් ගන්න
කිරි මේස හැඳි 03

2Kg සඳහා
පිටි - 420 g
සීනි - 500 g
බටර් - 500 g
බිත්තර - 500 g
චොකලට් පවුඩර් - 80 g
වැනිලා තේ හැඳි 04
බේකිං පවුඩර් තේ හැඳි 04
බේකිං සෝඩා තේ හැඳි 1/2
කිරි මේස හැඳි 04

ඉතිං ඔය විදියට ප්‍රමාන වලින් ගන්න.

ඉස්සෙල්ලම පිටි, බේකිං පවුඩර් බේකිං සෝඩා , චොකලට් පවුඩර් එකට දාල තුන් පාරක් හලාගෙන පැත්තකින් තියන්න. ඊට පස්සෙ බටර් ටික බීට් කරල ඒකට සීනි ( සිහින් වෙන්න බ්ලෙන්ඩ් කර ගත්) දාල බීට් කරන්න . ඊ ළඟට බිත්තරය බැගින් දමමින් බීට් කරන්න . දැං වැනිලා සහ කිරි එක් කරන්න. සියල්ල හොඳින් බීට් වූ පසු පිටි මිශ්‍රණය එක් කරන්න. පිටි එකතු කිරීමේදී බීට් නොකර හැන්දකින් හොඳින් මිශ්‍ර කරන්න. ඒත් 2Kg වගේ ටිකක් ප්‍රමානය වැඩි කේක් එකක් හදනකොට මම නම් පිටි එකතු කරල තත්පර 5 ක් වගේ පුංචි වෙලාවක් බීට් කරල ඉන් පසු හොඳින් හැන්දකින් මිශ්‍ර කරනව. එතකොට හොඳින් කලවම් වෙනව.
ඊට පස්සෙ බටර් ගාල හදා ගත්ත ට්‍රේ එකකට බැටර් එක දාල තුන් පාරක් ටැප් කරල 180 Cට ෆ්‍රී හීට් කල අවන් එකක ඒ උෂ්ණත්වයේ ම විනාඩි 40ක් බේක් කර ගන්න . උෂ්නත්වය නම් අවන් එකෙන් අවන් එකට පොඩි පොඩි වෙනස්කම් තියෙනව.

25/04/2023

19/04/2023

පොල් ටොෆී

අවශ්‍ය ද්‍රව්‍ය
පොල් 500 g
සීනි 550 g
කැමති පාට කලරින්
එනසාල් කුඩු ටිකක්
ලුනු පිංචක්

පළමුවෙන්ම බටර් ටිකක් තැටියක හොඳින් ගාගෙන කෑලි කපා ගන්න තැටියක් ලෑස්ති කර ගන්න. ඊට පස්සෙ පොල් ටික ග්‍රයින්ඩර් එකට දමා එක වරක් හෝ දෙවරක් කරකවා පොඩ්ඩක් සිහින් කර ගන්න. සීනිත් ඒ ආකාරයටම ග්‍රයින්ඩ් කර ගන්න. දැං සීනි සහ පොල් වලට ලුනු පිංචක් දමා හොඳින් මිශ්‍ර වෙන තුරු හැන්දකින් මිශ්‍ර කරන්න.

එම මිශ්‍රණය ලිපේ තබා මද ගින්නේ හැඳි ගාන විට විනාඩි පහකදී පමන වතුර ගතියක් ඇති වෙනවා. එයින් ටික වේලාවකට පසු කලරින් බිංදු දෙකක් එක් කරන්න. දිගටම හැඳි ගාන්න. නැත්නම් අඩිය අල්ලනවා. මේ සියල්ල කල යුත්තේ මද ගින්දරේමයි. තවත් විනාඩි පහකට පමන පසු අතට තද ගතියක් දැනෙනෙවා. දැං අපේ පදම හරියාගෙනයි එන්නේ. මේ වෙලාවෙදී මිශ්‍රණය මැද හැන්දෙන් ඉරක් ඇඳ බලන්න. එවිට එම කොටස් දෙක එක් වීමට ටිකක් වෙලා යයි නම් ඒක තමා අපේ පදම. දැං ඉක්මනින්ම කෑලි කපා ගන්න තැටියට දාන්න ඕනේ. දැං හොඳින් තුනී කර පිහියකින් කෑලි මාක් කර ගන්න. ටිකක් නිවෙන්නට හැර ඒ කියන්න විනාඩි පහලොවකට විතර පස්සෙ කෑලි වෙන් ක ගන්න.

19/04/2023

අවුරුද්දට

06/04/2023

පෑන් කේක්

අපි අද බලමු ඉක්මනින්ම පෑන් කේක් හදා ගන්නෙ කොහොමද කියල

අවශ්‍ය ද්‍රව්‍ය

පාන් පිටි 250g
පොල් කිරි අඬු කෝප්ප 2
බිත්තර 1
ලුනු ස්වල්පයක්

පැනි පොල් සඳහා
සීනි 200g
පොල් 250g
කරදමුංගු 3ක් හෝ 4ක් (කුඩු කරල ගන්න)

ඉස්සෙල්ල සීනි පොල් සහ කරදමුංගු කුඩු ටික එකට අනාගෙන ලිපේ තියල හැඳි ගාන්න අඩු ගින්දරේ. මේ මිශ්‍රණය රන්වන් පාට වෙලා හැන්දට පොඩ්ඩක් තද ගතිය දැනෙනව නම් පැනි පොල් එක හරි. ඒක ලිපෙන් බාල පැත්තකින් තියන්න.

ඊට පස්සෙ පිටි පොල්කිරි බිත්තරය සහ ලුනු ස්වල්පයක් බ්ලෙන්ඩර් එකට දාල දෙපාරක් විතර කරකවල ගන්න. මිශ්‍රණය උකුවට වැක්කෙරෙන ගාන නම් පදම හරි. ගනකම වැඩියි කියල හිතෙනව නම් තව පොල් කිරි ටිකක් දාන්න. ගොඩක් දියයි වගේ නම් තව පිටි ටිකක් කලවම් කරල ගන්න.

දැං පෑන් එකක් ලිපේ තියල මේ මිශ්‍රණයෙන් පොල්කටු හැන්දක ප්‍රමානය එයට දමා වටේට කරකවන්න. ඉන් පසු මූඩියකින් වසා විනාඩියක් පමන අඩු ගින්දරේ තබන්න. දැං එය තැටියකට හෝ පිඟානකට දමා මැදින් පැනි පොල් ටිකක් තබා රෝල් කර ගන්න.

මේ විදියට හැදුවාම පොඩ්ඩක්වත් වරදින්නෙ නෑ

02/04/2023

කප් කේක් රු. 100/-
උඩුගම්පොල, ගම්පහ අවට
ඇමතුම්/whatsapp 0763661442

25/03/2023

1Kg රු. 3500.00 සිට
ඇමතුම් හෝ whatsapp 0763661442

18/03/2023

අලුත් අවුරුද්දට අවම මිළ ගනන් යටතේ කේක් මිලදී ගන්න.
බටර් කේක් - 1Kg - රු. 1300.00
චොකලට් කේක් - 1Kg - රු. 1460.00
රිබන් කේක් - 1Kg - රු. 1400.00

ඇණවුම් දින දෙකකට පෙර

උඩුගම්පොල , මිනුවන්ගොඩ ,ගම්පහ අවට

ඇමතුම් හෝ whatsapp 0763661442

12/03/2023

උත්සව සමයට අපෙන් අඩුවට කේක්

උඩුගම්පොල, මිනුවන්ගොඩ අවට

බටර් කේක් 1 Kg - රු. 1300.00
චොකලට් කේක් 1 Kg - රු. 1460.00

ඇණවුම් දින දෙකකට පෙර

0763661442 ට ඇමතුම් හෝ whatsapp මගින්

12/03/2023

කොෆි කේක්

අවශ්‍ය ද්‍රව්‍ය (කේක් එක සඳහා)
බටර් 250g
සීනි 250g
බිත්තර 250g
වැනිලා තේ හැඳි 2
නෙස්කැෆේ තේ හැඳි 2 (ක්ෂණික කෝපි ගන්නත් පුලුවන්)
බේකිං පවුඩර් තේ හැඳි 2

අවශ්‍ය ද්‍රව්‍ය (කොෆී අයිසිං එක සඳහා)
බටර් 200g
අයිසිං සීනි 400g - 600g
නෙස්කැෆේ තේ හැඳි 2

අවශ්‍ය ද්‍රව්‍ය (චොකලට් ගනාෂ් සඳහා)
ඩාර්ක් චොකලට් 100g
කිරි මේස හැඳි 5
බටර් මේස හැඳි 1

දැං අපි කේක් එක හදමු.ඉස්සෙල්ලම නෙස්කැෆේ තේ හැඳි 2 උතුරන වතුර මේස හැඳි 1 1/2 ක කෑලි නොහිටන පරිදි හොඳින් දිය කරල නිවෙන්න පැත්තකින් තියන්න. ඉන් පසු බටර් කේක් හදන විදියටම (අවශ්‍ය නම් මගේ බටර් කේක් රෙසිපි එක බලන්න) පිටි වලට බේකින් පවුඩර් මිශ්‍ර කරල තුන් පාරක් හලා ගන්න. සීනි ටික ග්‍රයින්ඩ් කර ගන්න. ඊට පස්සෙ බටර් සහ සීනි බීට් කර එයට බිත්තරය බැගින් දමමින් බීට් කරන්න. දැං වැනිලා දමා තව ටිකක් බීට් කරන්න. මිශ්‍රණය ක්‍රීම් එකක් වගේ ආවම බීට් කරන එක නවත්වන්න. දැං පාන් පිටි ටික ටික දමමින් බැටර් එක මිශ්‍ර කරන්න. ඒ අතරට හොඳින් නිවුන නෙස්කැෆේ වලින්ද ටික ටික දමමින් මිශ්‍ර කරන්න. ඊට පස්සෙ බටර් හා පිටි ගාල කලින් සකස් කර ගත් 1Kg ට්‍රේ එකකට බැටර් එක දමා හැන්දකින් හැම තැනම එක ගානට එන පරිදි සකසා ( ලෙවල් කර) තුන් වරක් සමතලා මේසයක් මතට තට්ටු කරන්න. ඉන්පසු 170C ට විනාඩි දහයක් ප්‍රීහීට් කල අවන් එකක 170C ට විනාඩි 40ක් බේක් කර ගන්න.

කොෆී අයිසිං සෑදීම
නෙස්කැෆේ තේ හැඳි දෙක උතුරන වතුර තේ හැඳි දෙකක පමන දිය කර නිවෙන්න තියන්න. දැං බටර් ටික යම්තම් ක්‍රීම් ගතියක් එනතුරු බීට් කර එයට අයිසිං සීනි ටික ටික දමමින් බීට් කරන්න. ඒ අතරතුර හොඳින් නිවුන නෙස්කැෆේ වලින්ද ටික ටික එක් කරමින් බීට් කරන්න. බීටරය ඉස්සු විට අයිසිං එක උල් ලෙස උඩට ඉස්සී තිබේ නම් එය තමා පයිප් කල හැකි අයිසිං වල පදම. එවිට බීට් කිරිම නවත්වන්න

චොකලට් ගනාෂ් සෑදීම
චොකලට් ටික කුඩාවට කාපාගෙන භාජනයකට දමා ගන්න. උතුරන වතුර ලොකු භාජනයකට දමා එම භාජනයේ චොකලට් දැමූ භාජනය ගිල්වා චොකලට් කලවම් කර කිරි මේස හැන්දක් එකතු කර කලවම් කරන්න. මදිනම් තවත් කිරි මේස හැන්දක් දමා චොකලට් ටික දිය කරන්න. කැට වගේ තිබේ නම් තවත් කිරි මේස හැන්දක් දමා දිය කරන්න. මෙයට කැමති නම් බටර් මේස හැන්දක්ද එක් කර දිය කරන්න. එවිට ලස්සන දිලිසෙන ගතියක් ලැබේ. කැබලි ගතිය නැතිවී උකුවට වැක්කෙරෙන ප්‍රමාණයට සාදා ගන්න. මෙය හොඳින් නිවෙන්න තබන්න

ඉතිං දැං කේක් එක මැද සැන්විච් කර කැමති විදියට අයිසිං වලින් සරසා ගන්න. චොකලට් ගනාෂ් එක වටේට වැක්කෙරෙන විදියට දැම්මම ලස්සනයි.

ඉතිං මේ පෝස්ට් එකෙන් ඔයාල මොනව හරි දෙයක් ඉගෙන ගත්තනම් මගේ page එකත් like කරන්න. තව දවසක තවත් කේක් එකක් හදන විදිය කියල දෙන්නම්. අහන්න දෙයක් තියෙනවනම් comment එකක් දාල අහන්න. ඕනෙම දෙයක් කියල දෙන්නම්.

හරියටම නොසෙල් පාවිච්චි කරන හැටිත් නොසෙල් වලින් එක එක විදියට පයිප් කරන හැටිත් ඉදිරියේදි වීඩියෝ එකකින් කියලා දෙන්නම්..