17/07/2026
දැන් අපි අම්මලා… තාත්තලා… ❤️
දැන් එයාගෙන් එන Call එකක් පටන් ගන්නෙ,
“බබා කෑවද?”
“ඔයා කෑවද?”
“හවසට මොනවද ගේන්න ඕනේ?”
“Diaper තියෙනවද?”
කියන ප්‍රශ්නවලින්…
ඉස්සර වගේ,
“මොනවද කරන්නෙ?”
“මාව මතක් වුණාද?”
“ඔයාව බලන්න ආසයි…”
කියලා පැය ගණන් කතා කරන දවස් දැන් මතකයක් විතරයි.
කසාද බඳින්න කලින්,
එක මූණක් දැකගන්න කිලෝමීටර් ගණන් ගිය මිනිස්සු…
විනාඩි පහක් කතා කරන්න පැය ගණන් බලාගෙන හිටපු මිනිස්සු…
Phone එක cut කළාට පස්සෙත්,
“තව ටිකක් කතා කරමු…” කියලා ආයෙම Call කරපු මිනිස්සු…
නිදිමරාගෙන කතා කරපු මිනිස්සු
අද ඒ දෙන්නාම,
දරුවෙක්ගෙ හිනාව වෙනුවෙන්
මහන්සි වෙන අම්මෙක්… තාත්තෙක්…
ආදරේ අඩු වෙලා නෙවෙයි…
ආදරේ හැඩය වෙනස් වෙලා.
අද එයා,
මල් පොකුරක් අරගෙන එන්නෙ නැති වෙන්න පුළුවන්…
ඒත් බබාට ඕන දේ අමතක නොකර ගෙදර එනවා.
“ඔයා ලස්සනයි” කියලා හැමදාම නොකියන්න පුළුවන්…
ඒත් ඔයාට මහන්සි වෙන්න දෙන්නෙ නැතුව,
බර ටික බෙදාගෙන යන්න උත්සාහ කරනවා.
කලින් වගේ පැය ගණන් ආදර කතා නැතුව ඇති…
ඒ වෙනුවට,
“පරිස්සමෙන් ඉන්න.”
“කාලා බෙහෙත් බොන්න.”
“මම එන ගමන්.”
කියන වචන ටික ඇතුළෙත් ආදරේම තියෙනවා.
ජීවිතේ ලස්සන වෙන්නෙ,
හැමදාම “I Love You” කියන නිසා නෙවෙයි…
දවස අවසානයේ,
තමන්ගේ පවුල වෙනුවෙන් වෙහෙස මහන්සි වෙලා,
තවමත් එකම වහලක් යට,
එකම හීනයක් වෙනුවෙන් ජීවිතේ ගෙනියන මිනිස්සු නිසයි.
ආදරේ කියන්නේ කාලයත් එක්ක නැති වෙන දෙයක් නෙවෙයි…
වගකීම් එක්ක තවත් ගැඹුරු වෙන බැඳීමක්. ❤️
කාලය වෙනස් වුනත් අපි අපිමයි
~Copied~
