Karagheusian Association-Lebanon

Karagheusian Association-Lebanon And support their physical, moral, and social development in their environment.

The primary goal of the Association is to provide services for the complete well-being of the child and nurture the total development in their families and surroundings.

02/06/2026

WE ARE HIRING !
Աշխատանքի Ծանուցում – Ատամնաբուժարանի Օգնական

Մեր հաստատութիւնը կը փնտռէ ատամնաբուժարանի օգնական՝ միանալու մեր մասնագիտական խումբին։

Եթե ունիք պատասխանատուութեան զգացում, սիրով եւ հոգածութեամբ աշխատելու պատրաստակամութիւն, եւ կը հետաքրքրուիք առողջապահական ոլորտով, ուրախ պիտի ըլլանք ձեզ մեր ընտանիքին մէջ ընդունելու։

Պահանջներ՝
* Կազմակերպուած եւ պատասխանատու մօտեցում
* Լաւ հաղորդակցական եւ համագործակցական հմտութիւններ
* Համապատասխան փորձառութիւնը կամ նախնական գիտելիքը կը նկատուի առաւելութիւն

Հետաքրքրուողները կրնան իրենց ինքնակենսագրականը (CV) ուղարկել [[email protected]] հասցէին կամ կապ հաստատել 01-263030, ext: 109-ով։

Սպասենք ձեզ՝ մեր խումբին մաս կազմելու համար։

29/05/2026

Healthy gums matter 🦷
Watch out for these early signs of gum disease before they become serious.

Այսօր՝ 29 մայիսին, Գարակէօզեան հաստատութեան կազմակերպութեամբ ընթացող խնամատարներու (Caregiver) պատրաստման դասընթացքը շար...
29/05/2026

Այսօր՝ 29 մայիսին, Գարակէօզեան հաստատութեան կազմակերպութեամբ ընթացող խնամատարներու (Caregiver) պատրաստման դասընթացքը շարունակուեցաւ իր երրորդ դասապահով։

Դասապահի նիւթը ներկայացուց ծերաբուժութեան մասնագէտ տոքթ. Լամա Ապի Խալիլ, որ մասնակիցներուն փոխանցեց ծերաբուժութեան (Geriatric Care) հիմնական սկզբունքները, անդրադառնալով տարեցներու առողջական կարիքներուն, յաճախ հանդիպող խնդիրներուն եւ անոնց հանդէպ ցուցաբերուելիք պատշաճ խնամքի եղանակներուն։

Հանդիպումը առիթ հանդիսացաւ նաեւ հարց ու պատասխանի, փորձառութիւններու փոխանակման եւ գործնական գիտելիքներու ձեռքբերման՝ մասնակիցներուն աւելի պատրաստ դարձնելով տարեցներու եւ խնամքի կարիք ունեցող անձերու հոգատարութեան պատասխանատու առաքելութեան մէջ։

Այս դասընթացքը կը շարունակէ իր կարեւոր դերը՝ պատրաստելով գիտակից, հոգատար եւ արհեստավարժ խնամատարներ մեր համայնքի աճող կարիքներուն ընդառաջ։

Ուրբաթ՝ 22 մայիսին, Մանուկներու խնամատարութեան պատրաստութեան դասընթացքը շարունակուեցաւ իր երկրորդ դասապահով՝ մանկաբուժու...
23/05/2026

Ուրբաթ՝ 22 մայիսին, Մանուկներու խնամատարութեան պատրաստութեան դասընթացքը շարունակուեցաւ իր երկրորդ դասապահով՝ մանկաբուժութեան մասնագէտ բժշկուհի Ռանտա Մախուլի մասնակցութեամբ։

Դասապահին ընթացքին քննարկուեցան մանուկներու աճման եւ զարգացման տարբեր տարիքային փուլերը, անոնց ֆիզիքական, մտային եւ հոգեկան կարիքները, ինչպէս նաեւ՝ իւրաքանչիւր տարիքային շրջանին համապատասխան մօտեցումներն ու հոգատարութեան ձեւերը։ Բժշկուհին մասնակից տիկիններուն հետ բաժնեց նաեւ գործնական օգտակար ցուցմունքներ՝ մանուկներուն հետ առողջ, ապահով եւ գիտակից կերպով վարուելու մասին։

Հաստատութեան տնօրէն՝ Սերոբ Օհանեան, իր կարգին շնորհաւորեց մասնակից տիկինները՝ իրենց նուիրուած մասնակցութեան եւ յանձնառութեան համար։ Ան շեշտեց, որ պիտի շարունակենք ամէն ջանք ի գործ դնել՝ մեր համայնքի անմիջական կարիքներուն ընդառաջելու եւ օգտակար, պահանջուած ու գործնական ծրագիրներ իրականացնելու համար։

Երեքշաբթի, 19 մայիսին «Կանանց Հզօրացման Ծրագրի» առաջին խումբի տիկինները ունեցան իրենց Մայիս ամսուան վերջին հանդիպումը։Օր...
22/05/2026

Երեքշաբթի, 19 մայիսին «Կանանց Հզօրացման Ծրագրի» առաջին խումբի տիկինները ունեցան իրենց Մայիս ամսուան վերջին հանդիպումը։

Օրուան նիւթը կը վերաբերէր Յիշողութեան եւ Մտային Կարողութիւններու Սստիճանական Տկարացման (Alzheimer) Հիւանդութեան՝ շեշտադրելով հիւանդութեան նախանշանները, կանխարգիլման միջոցները եւ մտային առողջութիւնը պահպանելու կարեւորութիւնը։

Նիւթը ներկայացուցին (LAU) համալսարանի հիւանդապահութեան բաժանմունքի աւարտական կարգի ուսանողները՝ գլխաւորութեամբ իրենց դասախօսին։

Դասախօսութեան աւարտին տիկինները միասին մասնակցեցան մտային մարզանքի հետաքրքրական խաղերու։

Կազմակերպութեամբ Գարակէօզեան հաստատութեան եւ գործակցաբար «AIWA» կազմակերպութեան, Չորեքշաբթի, Մայիս 20-ին, մեկնարկեց մանո...
21/05/2026

Կազմակերպութեամբ Գարակէօզեան հաստատութեան եւ գործակցաբար «AIWA» կազմակերպութեան, Չորեքշաբթի, Մայիս 20-ին, մեկնարկեց մանուկներու խնամատարութեան պատրաստութեան դասընթացքը։

Նկատի ունենալով մեր շուրջ գտնուող պահանջքն ու անմիջական կարիքը՝ տարեցներու խնամատարութեան պատրաստութեան ծրագրին կողքին սկսանք նաեւ մանուկներու հոգատարութեան պատրաստութեան ծրագիրը, նպատակ ունենալով պատրաստել հոգատար, գիտակից եւ պատասխանատու խնամատարներ։

Ծրագիրը պիտի տեւէ 3 ամիս, ներառելով 9 դասապահ, որոնց ընթացքին մասնակիցները պիտի ստանան մանուկներու խնամատարութեան վերաբերեալ հիմնական եւ անհրաժեշտ գիտելիքներ՝ առնչուած անոնց ֆիզիքական, մտային եւ հոգեկան աճման ու զարգացման։

Իւրաքանչիւր դասապահ պիտի ներկայացուի համապատասխան ոլորտի մասնագէտներու կողմէ՝ ներառեալ մանկաբուժ, փորձառու եւ վկայեալ հիւանդապահուհիներ, հոգեբաններ եւ ընկերային ծառայողներ։

Դասընթացքի աւարտին մասնակիցները պիտի ստանան վկայագիր։

Ծրագրի հիմնական նպատակներէն մէկն է նաեւ աջակցիլ մասնակից տիկիններուն՝ գործի ապահովման հնարաւորութիւններ ստեղծելով, որպէսզի իրենց ձեռք բերած գիտելիքներն ու հմտութիւնները վերածուին արժանապատիւ աշխատանքի եւ ծառայութեան։

Կազմակերպութեամբ Գարակէօզեան հաստատութեան եւ գործակցաբար «AIWA» կազմակերպութեան, այսօր սկիզբ առաւ խնամատարներու (Caregiv...
18/05/2026

Կազմակերպութեամբ Գարակէօզեան հաստատութեան եւ գործակցաբար «AIWA» կազմակերպութեան, այսօր սկիզբ առաւ խնամատարներու (Caregiver) պատրաստման դասընթացքը, ուր 12 տիկիններ մասնակցեցան իրենց առաջին հանդիպումին։

Դասընթացքին նպատակն է պատրաստել արհեստավարժ խնամատարներ, որոնք գիտելիքներով եւ գործնական հմտութիւններով զինուած պիտի կարենան աւելի վստահ ու պատշաճ կերպով հոգ տանիլ տարեցներուն եւ խնամքի կարիք ունեցող անձերուն։

Դասընթացքները աւելի արդիւնաւէտ դարձնելու նպատակով մասնակից տիկինները բաժնուեցան փոքր խումբերու՝ իւրաքանչիւրը 12-14 մասնակիցներով, որպէսզի ապահովուի աւելի սերտ հետեւողականութիւն, գործնական ուսուցում եւ անմիջական փոխգործակցութիւն։

Իւրաքանչիւր խումբ երկու ամսուայ ընթացքին պիտի մասնակցի 9 դասապահերու, որոնց աւարտին մասնակիցները պիտի ստանան վկայագիր։

Դասընթացքները պիտի փոխանցուին փորձառու մասնագէտներու կողմէ՝ ծերաբուժութեան բժիշկներու, փորձառու վկայեալ բուժքոյրերու, physiotherapist-ի, հոգեբանի եւ ընկերային ծառայողի մասնակցութեամբ, իւրաքանչիւրը ներկայացնելով իր մասնագիտութեան կարեւոր բաժինը։

Ծրագրին հիմնական նպատակներէն մէկն ալ դասընթացքը աւարտած տիկիններուն աշխատանքի հնարաւորութիւններ ստեղծելն ու գործի ապահովման աջակցիլն է, որպէսզի անոնք իրենց ձեռք բերած գիտելիքները վերածեն մասնագիտական գործունէութեան եւ կայուն եկամուտի աղբիւրի։

Այս նախաձեռնութիւնը մեծ կարեւորութիւն ունի, քանի որ մեր օրերուն արհեստավարժ եւ գիտակից խնամատարներու կարիքը աւելի քան երբեք զգալի է։ Այս դասընթացքը ոչ միայն մասնագիտական զարգացումի առիթ է, այլ նաեւ մարդասիրական ծառայութեան պատրաստուելու կարեւոր քայլ մը՝ նպաստելով մեր համայնքին մէջ աւելի որակաւոր խնամքի ամրապնդման։

Գարակէօզեան Հաստատութեան «Կանանց Հզօրացման Ծրագիր»ի երրորդ խումբի տիկինները տօնեցին Քրիստոսի Սուրբ Համբարձումը՝ իր գեղեց...
15/05/2026

Գարակէօզեան Հաստատութեան «Կանանց Հզօրացման Ծրագիր»ի երրորդ խումբի տիկինները տօնեցին Քրիստոսի Սուրբ Համբարձումը՝ իր գեղեցիկ աւանդութիւններով։

Օրը սկսաւ տեսաերիզի դիտումով, ուր տիկինները առիթ ունեցան վերարժեւորելու Աստուծոյ անսահման սէրն ու մեծ զոհողութիւնը, հասկնալու անոր խոր իմաստն ու արժէքը մեր կեանքերուն մէջ։

Ապա ծրագրի պատասխանատու Ժանին Դանիէլեան խօսեցաւ Աստուծոյ զոհողութեան իսկական նշանակութեան մասին, շեշտելով թէ ինչպէս աստուածային սէրը կրնայ լեցնել մեր կեանքերը խաղաղութեամբ, յոյսով ու ներքին ուրախութեամբ՝ հեռու աշխարհային դատարկութենէն։

Ան նաեւ յիշեց մեր մեծ հայրերուն ու մայրերուն ամուր հաւատքը, որոնք հակառակ դժուարութիւններուն՝ իրենց կեանքը վստահած էին Աստուծոյ եւ ապրած էին ներքին խաղաղութեամբ ու ուրախութեամբ։

Աւարտին տիկինները վիճակ քաշեցին՝ պահպանելով Համբարձման գեղեցիկ աւանդութիւնը։

12/05/2026

Nursing is a ministry, a mission to care and to guide.

We are proud of our nurses who are the cornerstone of our ministry in providing the best possible primary healthcare services for all.

Այսօր մեր կազմակերպած հագուստի պազարը շատ պարզ, բայց գեղեցիկ իմաստ ունէր։Նուիրուած հագուստները այսօր նոր արժէք ստացան եւ...
12/05/2026

Այսօր մեր կազմակերպած հագուստի պազարը շատ պարզ, բայց գեղեցիկ իմաստ ունէր։

Նուիրուած հագուստները այսօր նոր արժէք ստացան եւ դարձան օգտակար ուրիշներու համար։ Այս փոխանակումը միայն հագուստի մասին չէր․ անիկա նաեւ հոգատարութեան, կիսելու եւ իրարու կողքին կանգնելու գեղեցիկ արտայայտութիւն մըն էր։

Այսպիսի փոքր քայլերով մենք միասին կը ստեղծենք աւելի հոգատար եւ մարդկային միջավայր ։

Address

Marash Street, Karagheusian Avenue, Karagheusian Building
Burj Hammud
1203

Opening Hours

Monday 08:00 - 16:00
Tuesday 08:00 - 16:00
Wednesday 08:00 - 16:00
Thursday 08:00 - 16:00
Friday 08:00 - 16:00

Website

https://www.karagheusianassociation.org/

Alerts

Be the first to know and let us send you an email when Karagheusian Association-Lebanon posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Karagheusian Association-Lebanon:

Shortcuts

Share