Hagabakarí

24/05/2026

Kæru vinir og velunnarar,

Nú hefur bakaríinu verið lokað í hinsta sinn.

Við viljum þakka ykkur kærlega fyrir viðskiptin, stuðninginn og vinskapinn í gegnum tíðina. Þessi síðasta vika hefur verið ólýsanleg — að sjá ykkur öll mæta til að kveðja hefur snert okkur djúpt.

Takk fyrir okkur.

Við munum halda Instagram- og Facebook-aðgöngum opnum og láta ykkur vita í framtíðinni ef við tökum að okkur einstök verkefni.

Innilegar þakkir.

13/05/2026

Kæru vinir og velunnarar.

Það fer senn að líða að leiðarlokum hjá okkur í Hagabakaríi og munum við standa vaktina til föstudagsins 22. maí.

Við hlökkum til að sjá ykkur sem flest fram að þeim tímamótum og viljum um leið þakka ykkur kærlega fyrir viðskiptin og stuðninginn á liðnum árum.

„Einu sinni voru sjö bakarí í Breiðholti. Þróunin er að þetta fer allt í stórmarkaðina,“ segir Benedikt Hjartarson, annar eigandi Hagabakarís sem rekið hefur verið við góðan orðstír í Hraunbergi í Breiðholti síðustu áratugina.