26/06/2026
Við vorum að hreinsa eldri jarðarberjaplöntur úr gróðurhúsunum hjá okkur núna þar sem nýjar plöntur eru á leiðinni inn. Þá verða alltaf hlutfallslega fleiri kíló af berjum sem eru ekki alveg nógu falleg til að fara í fyrsta flokks öskjurnar en eru samt dísæt og bragðgóð. 🍓
Þessi síðustu, minni ber sem eru eftir á plöntunum eru nefnilega oft þau sætustu. Við nýtum þau því í sultur, sýróp, bakstur og aðrar vörur sem verða til í Sólskinsbúðinni. Gott hráefni á alltaf skilið að nýtast.
Við eigum líka alltaf nokkrar öskjur af öðrum flokki til sölu ferskar í hverri viku og núna vorum við einnig að fylla á kílópokana af frosnum jarðarberjum í frystinum.
Lítið sólskins-ráð fyrir sumarið: Ef þið eruð að fara að gera rabbabarasultu eða aðrar berjauppskriftir, prófið að bæta nokkrum jarðarberjum út í. Þau eru það sæt að oft má nota minna af sykri. 🍓🌱
