11/08/2025
സ്നേഹനിധിയായിരുന്ന ഡോക്ടർ.
"തേവലക്കാരുടെ സ്വന്തം ഡോക്ടർ"ഹാജി അഹ്മ്മദ് സാഹിബ് ഇനി ഓർമ്മ.ജന്മം കൊണ്ട് ക്ലാപനയാണങ്കിലും തേവലക്കര ഗവൺമൻ്റ് ഹോസ്പിറ്റലിലെ സേവന പഥത്തിൽ ശൈഖുനാ ഷഷീദ് അലവിക്കുഞ്ഞ് ഉസ്താദ് (ന:മ:) മഹാനവറുകളുടെ നിർദേശപ്രകാരം തേവലക്കരയിൽ സ്ഥിര താമസമാക്കുകയാരിന്നു.
സാമ്പത്തിക മികവ് നോക്കാതെ മാനുഷീക മൂല്യങ്ങൾക്കും ജീവനുകൾക്കും വില കൾപ്പിച്ച്,രാവും പകലും നോക്കാതെ,സമ്പന്നരേയും ദരിദ്രരേയും വേർതിരിക്കാതെ, എല്ലാവരേയും സ്നേഹിക്കാൻ മാത്രം അറിയുന്ന സർവ്വമതസ്തരുടേയും അഹ്മദ് ഡോക്ടർ ഇനി നമ്മോടൊപ്പമില്ല.
പണ്ഡിതന്മാരേയും മുതഅല്ലിമുകോളേയും അതിരറ്റ് സ്നേഹിച്ച് എത്ര തിരക്കിലും അകത്തേക്ക് വിളിച്ച് ഒരുപോലും ഫീ ഈടാക്കാതെ ട്രീറ്റ് ചെയ്യുന്ന, സ്വാലീഹങ്ങളെ ആദരിച്ചിരുന്ന പുഞ്ചിരിയോടെ സർവ്വരേയും വരവേറ്റിരുന്ന ആ മുഖം ഈ നാടിന് മറക്കാൻ കഴിയില്ല.എൻ്റെ പിതാവിൻ്റെ വലിയ ഇഷ്ടക്കാരനുമായിന്നു ഡോക്ടർ എന്നതിനാൽ എന്നോടും എനിക്കും അപ്രകാരം ആദരവും ബഹുമാനവും സ്നേഹവുമായിരുന്നു.ചരിത്രമുറങ്ങുന്ന തേവലക്കര ചാലിയത്ത് മുസ്ലിം ജമാഅത്തിൽ ധാരാളം സ്വാത്വികരെ ഏറ്റുവാങ്ങിയ ഖബർസ്ഥാനിൽ ഇനി അഹ്മദ് ഡോക്ടർക്ക് അന്ത്യവിശ്രമം.
