hushush ice cream . coffee

hushush ice cream . coffee Homemade ice cream shop with specialty coffee & chocolate.

5月 hushush coffee subscription 同一個品種兩個產區兩個極端的風味一個除了水果，只有水果，也是我很久以來少有極淺烘焙的厭氧豆，士多啤梨、白提子、蘋果啫喱另一個就是朱古力底，楓樹糖漿，棗類甜感的不好意思，剛剛才安排...
19/05/2026

5月 hushush coffee subscription
同一個品種
兩個產區
兩個極端的風味
一個除了水果，只有水果，也是我很久以來少有極淺烘焙的厭氧豆，士多啤梨、白提子、蘋果啫喱
另一個就是朱古力底，楓樹糖漿，棗類甜感的

不好意思，剛剛才安排出貨，已本身在西貢店pick up的客人，由於西貢店暫時進行裝修，明天會逐個聯絡你們出貨安排🙏🏻

不便之處，敬請原諒。🙇🏻‍♂️由於招牌外牆位置等需要清拆，再次營業時間有待裝修師傅確認，有確切日子的時候再通知大家。另外如果有Barista有興趣的話，我們現正邀請新成員。Full time & Part time ( 至少每月若能工作8天...
10/05/2026

不便之處，敬請原諒。🙇🏻‍♂️
由於招牌外牆位置等需要清拆，
再次營業時間有待裝修師傅確認，
有確切日子的時候再通知大家。

另外如果有Barista有興趣的話，我們現正邀請新成員。
Full time & Part time ( 至少每月若能工作8天起優先考慮 )
CV 請電郵至 [email protected]

鋪頭門口滴水滲漏問題已經超過一年，久唔久outdoor sitting會嘔泡泡，滴水位置張户外木凳生發霉生青苔之外，久唔久仲會喺我抽氣口灌水入鋪，識我都知我好懶，所以咁耐都只係搵看更，叫佢同樓上溝通一下看看什麼時候能維修，得出嘅結果就係久不...
17/04/2026

鋪頭門口滴水滲漏問題已經超過一年，久唔久outdoor sitting會嘔泡泡，滴水位置張户外木凳生發霉生青苔之外，久唔久仲會喺我抽氣口灌水入鋪，識我都知我好懶，所以咁耐都只係搵看更，叫佢同樓上溝通一下看看什麼時候能維修，得出嘅結果就係久不久關一下水掣敷衍我，幾日後又滴到停唔到，但我都冇企硬，俾佢一直拖一直拖。所以上個星期終於我天窗牆身因為潮濕發霉，所以自己上個星期約咗裝修師傅報價，自費重新將窗台部份翻身。

尋日終於第一次見到個業主，講俾佢知前兩日好猛太陽的日子，佢水喉嚴重滴水導致全場跳電，連總錶都死埋。揾師傅嚟整剪咗受滲漏影響嘅電掣才恢復，總共整咗$400，問佢會否考慮claim返俾我。

點知佢完全當我透明，一個反應都冇俾我。

所以我決定直接同政府部門溝通，而當我喺佢面前打電話嘅時候，佢仲出手搶咗我手嗰$400整電掣的單據。😒當然我最尾搶返。

而當我同政府投訴部門溝通，之後發現牽涉三個唔同政府部門，補返之前所有漏水嘅時間證據，佢哋會發現驗牆身發報告給我直接入稟法律途徑追討。而且今日先至發現樓上業主琴日突然間會過嚟搵師傅整，係原來佢本身喺我哋呢邊嘅滲漏問題，已經影響到附近其他舖。整係有整過 ，不過整極都漏水。

重點我想講嘅係，等所有政府部門來蒐集證據之後，我五月應該會重新翻新裝修，所以短期內的會serve 好season 嘅menu.

日本三洋清貨套餐 #1 $200一set ( 運費到付，價值$580) 只限50套1) 有田燒平腳單孔101 一至二杯用Dripper x 1 (可選白色、橙色、深啡色 ) 2) Tsubame Mill手磨 TM18x1 3) 平腳Aba...
14/04/2026

日本三洋清貨套餐 #1 $200一set ( 運費到付，價值$580)
只限50套

1) 有田燒平腳單孔101 一至二杯用Dripper x 1 (可選白色、橙色、深啡色 )
2) Tsubame Mill手磨 TM18x1
3) 平腳Abaca濾紙100張 x1

其餘特價貨品會慢慢清完一轉貨後再陸續推出。

發訊息請留意下資訊。

順豐收貨聯絡人姓名、收貨地址、收貨人聯絡電話、有田燒陶瓷dripper 顏色

某些貨品存貨量不一定很多，所以確認訂單已先發訊息這為主。
暫時只接受IG message下單，三天內會陸續回覆，確認收款後會陸續出貨。由於出貨前所有貨品會重新檢查，出貨時間有待訊息確認。
而出貨方式只有一種，就是安排順豐到付，不會再作其他選項。

日本三洋電磁爐對應細口咖啡手沖壺Tsubame Wood 1000ml$320只剩幾個
14/04/2026

日本三洋電磁爐對應細口咖啡手沖壺
Tsubame Wood 1000ml

$320

只剩幾個

終於有時間做日本CAFEC Clearance Sales.今年擺咗幾次Pop Up之後，Roastery開始冇位放豆同雜物，批發咖啡豆又多咗，加上要多很多位置做朱古力，所以終於跟住的起心肝，做個低過成本價，同埋一定平過淘寶嘅sales. ...
14/04/2026

終於有時間做日本CAFEC Clearance Sales.
今年擺咗幾次Pop Up之後，Roastery開始冇位放豆同雜物，批發咖啡豆又多咗，加上要多很多位置做朱古力，所以終於跟住的起心肝，做個低過成本價，同埋一定平過淘寶嘅sales.

日本三洋清貨套餐 #1 $110一set ( 運費到付 )
只限40套

1) 有田燒Cone1 Dripper x 1 ( 有六個顏色可選，請詳細見第二及第三張照片，除Matt black 特別版外同價 )
2) 400ml 樹脂製下壺 x1 ( 可用於微波爐食品級素材 )
3) T92 Light/ T90 Medium/ T83 Dark roast 40張濾紙各一包

其餘特價貨品會慢慢清完一轉貨後再陸續推出。

發訊息請留意下資訊。

順豐收貨聯絡人姓名、收貨地址、收貨人聯絡電話、有田燒陶瓷dripper 顏色

某些貨品存貨量不一定很多，所以確認訂單已先發訊息這為主。
暫時只接受IG message下單，三天內會陸續回覆，確認收款後會陸續出貨。由於出貨前所有貨品會重新檢查，出貨時間有待訊息確認。
而出貨方式只有一種，就是安排順豐到付，不會再作其他選項。

今次要介紹呢隻豆係幾特別來自El Salvador Finca Santa Sofia. 尋日收到生豆，今日朝早炒，啱啱第一次cupping完。暫時只留coffee subscription 嘅客人，同平時一樣都有幾包多咗嘅會留落去舖頭。其...
06/04/2026

今次要介紹呢隻豆係幾特別
來自El Salvador Finca Santa Sofia.
尋日收到生豆，今日朝早炒，啱啱第一次cupping完。

暫時只留coffee subscription 嘅客人，同平時一樣都有幾包多咗嘅會留落去舖頭。其他嘅話我哋會喺下個星期期推出El Salvador Box Set，詳細資料遲啲再公布。

首先呢隻豆有咩特別呢？

薩爾瓦多的咖啡產業中以其標誌性的Bourbon, Pacas和Pacamara加起來佔該國咖啡總產量的約90%。雖然這些品種將始終是薩爾瓦多咖啡身份不可或缺的一部分，但越來越多的咖啡農正在種植傳統的非洲品種，以使該國的咖啡產業越來越多樣化。

而今次介紹給大家的Kenya Variety，卻是少數其實豉油薩爾瓦多培育的一個咖啡品種，由波旁品種的自然變異而成。
是不是喝了這麼久Kenya 的Kenya 也不知道呢？

我們常常說產地風味，這一次就讓你親身感受到，我們喝了這麼久Kenya，原來果汁糖的風味也會在El Salvador 裏面找得到。

而且它是少見的日曬 El Salvador. 好好喝的。

而今次coffee Subscription另外一款豆也是來自El Salvador, 不過給大家懷下舊，是我比較少烘的Pacamara，亦都等大家有個比較大家等收貨啦~~~

快連杯都沒了，所以我們今天會堤早收擋😌謝謝大家 謝謝我的girl team 辛苦了
08/03/2026

快連杯都沒了，所以我們今天會堤早收擋😌謝謝大家
謝謝我的girl team
辛苦了

仁至義盡，凌晨12點開始，三個鐘執完相砌埋個Menu。 希望唔會俾你哋捉到我又打錯嘢。🧖🏼因為大家都知我久唔久腦霧⋯⋯今次喺啟德會用實驗性質嘅菜單，用上好幾個方法去處理材料。有milk wash，有maceration，有cold / dr...
04/03/2026

仁至義盡，凌晨12點開始，
三個鐘執完相砌埋個Menu。 希望唔會俾你哋捉到我又打錯嘢。🧖🏼因為大家都知我久唔久腦霧⋯⋯

今次喺啟德會用實驗性質嘅菜單，用上好幾個方法去處理材料。
有milk wash，有maceration，有cold / dry extract，有fermentation，有emulsion，有oil extract aromatic，加上第一次用緊而家外國好流行嘅prebatched espresso, 認真的，很期待大家試完之後嘅feedback，如果完咗之後有時間嘅話，應該會喺西貢舖大改個Menu。

首先今次我哋會有個同 合作嘅Combo，
1+1 coffee & chocolate
咖啡方面，做返我哋10萬年都咁好買嘅Apple cold brew,
分別係今次個juice 我哋用咗土耳其嘅黃桃混合日本蘋果汁之後做咗Milk wash，其實仲有少量嘅日本白桃汁，口感乾淨得來會酸質比較清晰，上面就配咗厄瓜多爾COE莊園嘅cold brew, 配埋一杯一樣都有tropical fruit 同stone fruit 風味嘅越南朱古力，係一個春天氣息嘅水果炸彈。

01 一樣都係以我哋最好買嘅Apple cold brew 作參考，不過個base就複雜好多喇，將香檳提子thermal shock 再加本地龍眼冷發酵咗兩日再箤取基底，配上慢日曬處理嘅埃塞俄比亞Sidamo Bensa G.1 cold brew, 飲落去會好似飲rose wine。

02 啱啱喺澳門嘅pop up 我哋都有用BlackBerry 配咖啡，不過上次係熱嘅areobrew, 今次係可以當可以熱飲嘅Areocano.
同01一樣用返Sidamo Bensa. 不過係SOE roast.

03 呢杯係今次Menu入面，我覺我可以日日飲嘅一杯神奇嘅咖啡。第一佢有hushush咖啡，佢有ramie嘅朱古力，佢飲落去好Delicate，但同時間亦都好Rich，Fruity得嚟又幾nutty, 甜得來又有啲鹹，鹹得來又帶少少酸，佢係一杯你唔飲咖啡唔飲朱古力唔飲果汁，你應該都會鍾意飲嘅嘢。試咗四隻SOE，最尾揀咗Colombia.

04 我唔知有冇人仲記得hushush整過幾次甘酒配黑朱古力雪糕，呢兩個九唔搭八嘅材料，又係一個好神奇咁harmony Combination，第一佢應該係今次整最耐嘅一杯嘢飲，我淨係試發酵米麴比例，就試咗四次，配上ramie第一次推岀而暫時只會喺呢個Event度飲到嘅喀麥隆drinking chocolate.

我呢個臨急抱佛腳嘅人，兩個星期次爆腦去幻想所有嘢嘅味道去set個Menu同recipe，一個禮拜前開始Prep啲要發酵嘅嘢，我都係三個鐘頭前先至試飲同finalise 個recipe，由於好憎浪費材料，而全部嘢都係Prebatch. 今日備完貨之後，雪櫃冇位乜都塞唔落，所以⋯⋯買完bye bye.

聽日又要擔泥咁去搬嘢入場~~~~💃🏻
今次冇豆賣，冇手沖，有咩返西貢講。

嚟緊3月6號至8號hushush會走出西貢去啟德同大家見面，由於老闆嗰日會做ACMF signature coffee 嘅judge, 為咗響應返呢個比賽嘅主題，今次唔做手沖，我哋會夥同 係ASIA COFFEE MUSIC FEST- ...
23/02/2026

嚟緊3月6號至8號hushush會走出西貢去啟德同大家見面，
由於老闆嗰日會做ACMF signature coffee 嘅judge, 為咗響應返呢個比賽嘅主題，今次唔做手沖，我哋會夥同 係ASIA COFFEE MUSIC FEST- 亞洲咖啡音樂節一齊設計幾杯signature coffee

先俾大家睇睇個Menu

1. 厄瓜多爾葡萄冷萃咖啡特調
2. 秘魯朱古力咖啡浮台
3. 流沙黑莓果朱古力咖啡
4. 73% 喀麥隆朱古力甘酒特調
5. Chocolate & Coffee Combo
78% 越南單品朱古力+ 土耳其黃桃蘋果冰釀咖啡 + 送一片單品朱古力

所有飲品都係為咗今次亞洲音樂咖啡節而設計，賣完即止。
嗰幾日仲會有好多海外同埋香港本地嘅咖啡店，仲會有海外獨立歌手演出，到時見！

地址:
East Village (Area A & B), Kai Tak Sports Park
啟德體育園東營 (A及B )
日期:
6/3/2026 (FRI) 10:00–12:30 Media Tour 傳媒導賞
12:30–20:30 Open to Public 公眾開放
7/3/2026 (SAT) 10:00–20:30 Open to Public 公眾開放
8/3/2026 (Sun) 10:00–20:30 Open to Public 公眾開放

Address

G/F, No. 2 Kam Po Court, Sai Kung Hoi Pong Square
Sai Kung

Opening Hours

Wednesday 10:30 - 19:00
Thursday 10:30 - 19:00
Friday 10:30 - 19:00
Saturday 10:30 - 19:00
Sunday 10:30 - 19:00

Website

Alerts

Be the first to know and let us send you an email when hushush ice cream . coffee posts news and promotions. Your email address will not be used for any other purpose, and you can unsubscribe at any time.

Contact The Business

Send a message to hushush ice cream . coffee:

Shortcuts

Share