წაიკითხე

01/03/2026

დიდი ხნის შემდეგ დავბრუნდი...❤️❤️❤️
"თევზი ხეზე" არის წიგნი,რომელიც ყველა მოსწავლემ და მასწავლებელმა უნდა წაიკითხოს.ეს საოცარი ამბავი ბავშვებსაც და მოზრდილებსაც უდავოდ დაგარწმუნებთ,რომ "შეზღუდული შესაძლებლობა" პირობითი ტერმინია;რომ სინამდვილეში,როგორც ცნობილი მეცნიერი ალბერტ აინშტაინი იტყოდა:"ყველა ჭკვიანია,მაგრამ თუ თევზის შესაძლებლობებს იმის მიხედვით განსჯი,ხეზე ასვლა შეუძლია თუ არა,ის დაიჯერებს,რომ სულელია".
სხვათა შორის,დისლექსია ბავშვობაში აინშტაინს და კიდევ ბევრ ცნობილ ადამიანს ჰქონდა.😉

25/05/2025

ყოველი ახალი წიგნის წაკითხვისას ვარ ბედნიერი!
მიხარია და ვამაყობ საკუთარი თავით,რომ რაღაცა კარგს ვუკეთებ საკუთარ თავს!
როგორ მინდა ირგვლივ მყავდეს ადამიანები,ვისთანაც კონკრეტულ წიგნზე ვისაუბრებ,თუმცა სამწუხაროდ ძალიან მწირია რაოდენობა კლასგარეშე მკითხველისა.
ყოველთვის აღტაცებული ვუყურებდი საკუთარ მამას,რომელიც მუდამ წიგნებს კითხულობდა და კითხულობს დღესაც.
შვილებს მიეცით მაგალითი,წაიკითხონ,შეიყვარონ და განვითარდენ.დღეში 20 წუთი დაუთმეთ თავიდან სრულებით საკმარისია,შემდეგ კი წიგნს მიანდეთ,თავისი უნდა ქნას 🥰❤️
ეს წიგნი კი....
ეს წიგნი არის წიგნი,რომელსაც უნდა დავარქვა,აქამდე როგორ არ წავიკითხე🥹

ზებულონი“ უნდა წაიკითხო, თუ:
• გინდა იცხოვრო გაცნობიერებულად
• გაინტერესებს, როგორ რჩება ადამიანი ადამიანად — როცა ყველა გზა თითქოს ჩაკეტილია
• გინდა, რომ შენი რწმენა და სიმშვიდე შიგნით იპოვო — არა გარეთ

ეს წიგნი მარტივად წამეკითხა – მაგრამ სულზე მომეკრა.
და მაინც მახსოვს. ყოველთვის. იმიტომ, რომ ზებულონი – მე ვარ. და ალბათ შენც.

16/05/2025

💖ლამაზი,ჰარმონიული,მშვიდი,საინტერესო და
სევდიანად ლამაზი რომანი, რომელიც აერთიანებს დეტექტივის, სიყვარულისა და ბუნების სიღრმისეულ აღქმის ელემენტებს.🍀
წიგნის მარტოობა, ბუნებასთან ერთიანობა, სიყვარული, ჩაგვრა და გადარჩენა.

✔️ეს არ არის მხოლოდ ამბავი გოგოზე, რომელიც მარტო იზრდება. ეს არის სიყვარულისა და მარტოობის, ბუნებისა და ადამიანობის, ბრალდებისა და სიმართლის ისტორია.
კაია კლარკი – ჭაობის გოგო – გვასწავლის, როგორ გადავრჩეთ მაშინაც კი, როცა მთელი მსოფლიო გვიწუნებს.
✔️თუ გიყვართ ემოციური, სავსე და სიურპრიზებით დატვირთული ისტორიები – ეს წიგნი აუცილებლად უნდა წაიკითხოთ.

14/05/2025

ჩემი ფავორიტი წიგნებიდან ერთ-ერთი❤️

სიყვარული, წარსულის დაძლევა, ოჯახური ვალდებულებები, პოლიტიკური არასტაბილურობა და ემიგრანტის ცხოვრება.

რომანი,რომელიც მახსოვრობაში იბეჭდება სამუდამოდ,სასიამოვნო და საინტერესო წასაკითხი.
გთავაზობთ ამონარიდებს :

1.ზოგი სიყვარული მთელი ცხოვრება გრძელდება

2.ბევრჯერ ვიფიქრე, როგორ შეიძლებოდა ყველაფერი სხვაგვარად განვითარებულიყო, მაგრამ ცხოვრება არჩევანის კი არა, გადარჩენის ამბავია.

3.ეს მაღაზია სიტყვების სახლია, სიტყვები კი ცოცხლობენ. და სადაც სიტყვები ცოცხლობენ, იქ არცერთი გული მარტო არ არის.

4.როცა წარსულს გავურბივართ, ის მაინც გვეწევა. თუნდაც სხვა ქვეყანაში ვცხოვრობდეთ, სხვა ენაზე ვლაპარაკობდეთ.

5.შენ ჩემი წარსული იყავი, მაგრამ ასევე იქნები ჩემი ბოლო გვერდიც.

❤️❤️❤️❤️

30/03/2025

და დადგა ჯერი გაგიზიაროთ ჩემი პირველი წიგნი,რომელიც ზრდასრულ ასაკში წავიკითხე.

ეხება დიდ სიყვარულს,რომ ცხოვრება სავსეა მტკივნეული გამოცდილებებით, მაგრამ შრომისმოყვარეობა, ინტელექტი და მორალური რწმენა გეხმარება გადალახო ყველა გამოწვევა.

ჯეინ ეარი,რომელიც იბრძვის თავისი ადგილისთვის, დამოუკიდებლობისთვის და თანასწორობისთვის.

ამასთანავე სიყვარული❤️

ჯეინ ეარის“ მთავარი სილამაზეა, რომ ეს სიყვარული არა მხოლოდ ფიზიკური და ემოციური, არამედ მორალური და ინტელექტუალური ურთიერთობაა.

ყველა შეყვარებულმა ადამიანმა უნდა წაიკითხოს ეს ერთ-ერთი საუკეთესო კლასიკური ლიტერატურული ნაწარმოები❤️‍🔥

21/03/2025

დღეს უნივერსიტეტში გვქონდა აქტივობა,კერძოდ:ჩვენ სტუდენტები განვასახიერებდით უსინათლო ადამიანს და გვყავდა გიდი.მე ავირჩიე ვყოფილიყავი უსინათლო,გავიკეთე სპეციალური სათვალე და გიდს დაავალეს ჩავსულიყავით დაბლა სართულზე.ისე ჩავედი და ამოვედი,დაძაბულობა ახლაც თან მდევს.შიში კიბეზე დავგორებულიყავი ან რაღაცას დავჯახებოდი,მიუხედავად იმისა,რომ გიდი მკარნახობდა,დამეუფლა რაღაც ენით უთქმელი გრძნობა,მართლა ვერ გადმოვცემ.რამხელა ბარიერია რომ ვერ ხედავ,მაგრამ უნდა იცხოვრო და ისწავლო ცხოვრება.არსებობენ ადამიანები,რომლებიც უსინათლოები არიან,მაგრან სრულფასოვნად ცხოვრობენ.ხელები ამიწევია 🫡

და სახლში დაბრუნებულს,გამახსენდა ნოდარ დუმბაძის "მე ვხედავ მზეს".ხატია,რომელიც უსინათლო იყო,მაგრამ ის ხედავდა მზეს.
თან გული მტკივა,თანაც არ უნდა მტკიოდეს,ეს ხომ განაჩენი არ არის.

და კიდევ ერთხელ,შეზღუდული შესაძლებლობები არ არსებობს თუ მასთან ერთად ცხოვრებას ისწავლი ❤️

19/03/2025

წიგნი,რომელიც გულგრილს ვერ დაგტოვებს,გულს აგიჩუყებს და იაზრებ თუ როგორი სასტიკი და დაუნდობელია ზოგჯერ ცხოვრება.როცა არ ხარ ღირსი,მაგრამ მაინც განწირული ხარ.

მანუშაკა,ქალი,რომელიც მუდამ სჯეროდა და ელოდებოდა მის ერთადერთ და ნამდვილ სიყვარულს.ის აძლევდა იმედს,რომ ეცოცხლა.

ხანდახან მეტირება,როცა ვფიქრობ როგორი უსამართლოა ცხოვრება უდანაშაულო ადამიანის მიმართ.

ეს წიგნი აღწერს თუ რა ძალა აქვს იმედს და ბრძოლას.

გვირაბის ბოლოს ყოველთვის სინათლე მოჩანს❤️

19/03/2025

მინდა წაიკითხოთ აღწერა!

ამ წიგნს შეუძლია აგატიროს და დაგანახოს როგორი სასტიკია ხოლმე ცხოვრება.ნამდვილად ღირს,2-3 დღით გადაიკარგო და წაიკითხო რაღაცა,რაც უფრო განგანათლებს და შეგიცვლის აზრს რაღაც მიმართულებით.

ხანდახან უნდა დატოვო ყველაფერი, რაც გიყვარს, რომ ისიც გადაარჩინო.” – კრისტინ ჰანა, “ოთხი ქარი”

📚 “ოთხი ქარი” — სიძლიერისა და დედობრივი თავგანწირვის დაუვიწყარი ისტორია. ელისა მარტინელი გვაჩვენებს, რამდენად შორს შეუძლია ადამიანს წავიდეს სიყვარულისა და იმედის სახელით.

1. გამძლეობა და გადარჩენა:
ელისას ისტორია აჩვენებს, როგორ შეუძლია ადამიანს გაუძლოს ყველაზე მძიმე დროებს — შიმშილს, სიღარიბეს, მტვრის ქარიშხლებს — როცა მის უკან სიყვარულისა და პასუხისმგებლობის ძალა დგას.
2. დედობრივი სიყვარული:
ელისას მიზანია შვილების გადარჩენა და მათთვის უკეთესი მომავლის შექმნა, რაც მთელი რომანის ემოციური ხერხემალია. ეს ხაზს უსვამს, რამდენად ძლიერი და თავგანწირული შეიძლება იყოს დედა.
3. სოციალური უსამართლობა:
წიგნი ეხება მუშათა უფლებებს, მიგრანტების ჩაგვრას და იმ დროის ეკონომიკურ უთანასწორობას. ელისას ბრძოლა მხოლოდ პირადი გადარჩენისკენ კი არ არის მიმართული, არამედ ფართო საზოგადოებრივ საკითხებსაც ეხება.

19/03/2025

10/03/2025

კითხვა ერთგვარი თერაპიაა,რომლის პროცესშიც ადამიანი სხვა განზომილებაშია.
სამწუხაროდ ყოველთვის არ მაქვს წიგნის კითხვის განწყობა,მაგრამ ვცდილობ წავიკითხო ხოლმე.თქვენ?

ათასი მოელვარე მზე ხალიდ ჰოსეინის ემოციურად დამუხტული რომანია, რომელიც ავღანელი ქალების – მარიამისა და ლაილას – რთულ ცხოვრებაზე მოგვითხრობს.

რომანი ეხება ქალთა ჩაგვრას, სიყვარულსა და მსხვერპლს, ომის საშინელებებსა და გადარჩენის ძალას. ეს არის ისტორია ტკივილის, მაგრამ ასევე იმედისა და თავისუფლებისკენ სწრაფვის შესახებ.

საბოლოოდ ვიტყოდი რომ ადამიანი ადამიანისთვის მზეა,მით უმეტეს,როცა ქალური სოლიდარობა ყველაზე მნიშვნელოვანია დღეს ქალისთვის,ყველას გირჩევთ წაიკითხოთ,არ ინანებთ 💕