22/12/2024
გამარჯობა,
პირველ რიგში, უღრმესი მადლობა ჩვენს ერთგულ მომხმარელს, რომელთა თანადგომაც „ნინას ნოსტალგიის“ თითოეული თანამშრომლისთვის უდიდეს მოტივაციის წყაროს წარმოადგენს!
ჩვენი მიზანი ყოველთვს იყო, შეგვექმნა უმაღლესი ხარისხის მრავალფეროვანი პროდუქტი, რომლის დაგემოვნების შესაძლებლობა აქამდე მეტ-ნაკლებად ჰქონდათ ქართველ მომხმარებელს და ამგვარად, გაგვემრავალფეროვნებინა თქვენთვის არჩევანის შესაძლებლობა.
სამწუხაროდ, აღნიშნულის განსახორციელებლად, საკმარისი არ აღმოჩნდა გულწრფელი მიზანი, დაუღალავი სულისკვეთება და ამ საქმის უზომო სიყვარული.
ქართულ ბაზარზე ხარისხიანი ინგრედიენტების სიმწირე თუ არამიზნობრივად მაღალი ფასი, ზოგადი არასტაბილური გარემო, ფაქტობრივად ძირგამომთხრელი აღმოჩნდა ჩვენნაირი პატარა საწარმოსთვის. მიუხედავად იმისა, რომ მაქსიმუმი გავაკეთეთ ყველაფრის შესანარჩუნებლად, სამწუხაროდ ამ ეტაპზე ჩვენ ფაქტობრივად ამოვწურეთ ჩვენს ხელთ არსებული ყველანაირი რესურსი.
ამგვარად გვიწევს ჩვენთვის საშინლად მტკივნეული და სამწუხაროდ რეალისტური გადაწყვეტილების მიღება და ვწყვეტთ ფუნქციონირებას.
თუმცა, მაქსიმალურად ვეცდებით, რომ საახალწლოდ ჩვენს ერთგულ მომხმარებელს ჰქონდეს ჩვენი პროდუქციის მიღების შესაძლებლობა.
დასანანია, რომ ამდენი ბრძოლისა თუ დაბრკოლების, ძალიან დიდი მსხვერპლის მიუხედავად მაინც გვიწევს თქვენთან დამშვიდობება.
უღრმესი მადლობა თითოეულ თანამშრომელს და ყველა იმ ადამიანს, ვინც წვლილი შეიტანა ამ წამოწყებაში და ყოველთვის იდგა ჩვენს გვერდით. რომ არა მათი დაუღალავი შრომა,
შეუძლებელი იქნებიდა ამ შედეგების მიღწევა.
კიდევ ერთხელ გიხდით მადლობას ერთგულებისთვის!
სიყვარულით,
ნინა
