Crianza

29/11/2021

03/10/2021

A semana pasada foi moi intensa. Viñestes a dicirnos "xa nos veremos polo barrio", a manifestar a vosa tristeza polo peche de Crianza Espazo Familiar. Houbo crianzas que choraron. A covid levou por diante a nosa enerxía e o tempo que necesitabamos para despegar. Porén, esperamos que quede unha semente da cal agromen novas Crianzas. Esperamos que Crianza perviva dalgún xeito. Porque estes espazos son necesarios. Porque os puntos de encontro entre familias son vitais. Crianza EF quería sacar a (p)maternidade ao exterior das casas, quería facela comunitaria, como -até hai ben pouco- sempre foi. Non puido ser, pero será. Porque o ser humano é un ser social e precisa de contacto cos seus conxéneres, necesita crear redes, partillar experiencias, aprender: facer o que fai humano ao ser humano. Destes dous anos entrecortados pola pandemia quedámonos coa vosa presenza, coa vosa e a das vosas crianzas, que xa son tamén un pouco as nosas, cos vosos ánimos, coas vosas palabras de cariño. Lembrade, sede crianza!
PD: nas seguintes semanas andaremos polo espazo, facendo a transición, se queredes un día para festexar algún aniversario ou para pasar un par de horiñas de despedida en Crianza, mandádenos un privado polo FB, Ig ou un mail a [email protected].

01/10/2021

Derradeiros cafés e madalenas. Derradeiro calzado nos estantes. Vinde a dicirnos até a próxima!

27/09/2021

Crianza Espazo Familiar comeza a súa derradeira semana cos libros do seu espazo de lectura rebaixados un 5%. Animádevos a botarlle un ollo! Boa semana a todo o mundo ❤️

20/09/2021

Comezamos xa a encaixar a rutina? A nós estanos a custar! 😅 Crianza espéravos para que teñades un respiro 💆 Boa semana a todo o mundo!

16/09/2021

Continuamos por aquí! Neste mes que esperemos non sexa o último de Crianza. Lembrade que temos un espazo libraría, con libros á venda, pequeno pero ben xeitoso. Agardámosvos!

08/09/2021

É un pracer volver facer madalenas en Crianza!