18/05/2026
Para nós, unha bandexa de pasteliños variados sempre foi isto: porcións das nosas elaboracións tradicionais e artesás. Torta de queixo, améndoa, torta de piña... o tipo de pastelería que levamos facendo toda a vida no noso obrador.
Non traballamos con produto industrial nin conxelado, e tampouco facemos as cousas ao azar. Quen encarga aquí normalmente xa coñece o noso estilo, sexa polas redes, por recomendación ou porque xa probou os nosos produtos.
Entendemos perfectamente que poida haber malentendidos ou que unha persoa supoña outra cousa diferente á que nós ofrecemos. Iso pódese falar e explicar con total normalidade.
O que nos parece completamente fóra de lugar é chamar a un pequeno negocio para dicir, de maneira irónica, que “xa se falará por aí ben de nós”, intentando usar iso como unha ameaza.
Por sorte, levamos anos escoitando falar de nós “por aí”. E sinceramente, debe ser bastante bo, porque cada vez sodes máis os que confiades no noso obrador, nos recomendades e valorades o traballo artesanal que hai detrás de cada produto.
Nós seguiremos quedándonos coas críticas construtivas, coas persoas que suman e coa xente que entende o que é realmente un obrador artesanal.
