Puntos de venda:
- Obradoiro e despacho: Gándara, 2, Sergude, Boqueixón _ 981511811
- Despacho: Fernando III El Santo, 26, Santiago de Compostela _ 645811056
- Despacho e Cafetería: Campo da Feira 6, Lestedo, Boqueixón _ 604086455
A Panadería Fachal é unha pequena empresa familiar fundada en 1980 no lugar de Sergude, Boqueixón, onde actualmente conta co seu obradoiro e despacho de produtos. Dende
as súas orixes elabora pan artesán co método máis tradicional, empregando fermento, fariña do país e moi pouca levadura. Co paso dos anos foi incorporando novos e modernos sistemas tecnolóxicos cos que pode atender calquera pedido, por extraordinario que sexa, ao longo dunha mañá. Cada fin de semana elaboran e comercializan as máis saborosas e variadas empanadas de peixe, marisco e carne. O seu segredo: "a calidade da materia prima e a cebola pochada no noso obradoiro'. Na súa pastelería pódense atopar exquisitas tortas, pasteis, roscóns e ensaimadas. Baixo pedido, ademais, é posible comprar tortas artísticas de fondant, galletas decoradas e Pop cakes.
