Ghada's kitchen _ مطبخ غادة

03/08/2024

حواوشي خطير 🔥❤️
الطريقه هاتنزل انهارده 🫶

28/03/2024

الكحك الدايب ع البارد احلي من المحلات🫶
المقادير
كيلو دقيق
‎550 جرام سمنه
ربع معلقه صغيره بيكنج بودر
ربع معلقه ضغيره خميره
‎ اي ما يعادل نص كوب مايه 100 ميلي من المايه الدافيه
60 جرام من السكر البودره
80 جرام من السمسم المتحمص ما يعادل 3 معالق كبار
‎معلقه كبيره من ريحة الكحك
الطريقه
السمنه تكون ساقعه ومرمله من التلاجه هانضيف عليها السكر ونضربهم دقيقتين بالمضرب او ع ايدينا اول ما يختلطو كويس ننزل عليهم ب كيلو الدقيق وباقي المكونات الجافه ماعدا المايه ونبسهم كويس جدا بالعجان او ع ايدك بس المرحله دي بتاخد وقت شويه يعني مش اقل من ربع ساعه بس ع الايد لحد مانوصل لمرحلة ان الخليط يبقي شبه عجينة البيتي فور بيلزق كدا
ف المرحله دي هانكون وصلنا للبس المظبوط ودا مش هايخلي العجينه معاكي تشقق كل ما خدمتي الكحكايه كويس ف البس كل ما هاتطلع دايبه ومظبوطه
وبعدين نضيف المايه ونلم العجينه احنا مبنعجنهاش بعد ما بنضيف السوايل عشان العرق بتعها ميشدش احنا بس بنلمها كويس
وبعدين نبتدي بالشكيل علطول سواء بالمكبس او بالمنقاش
بتاخدي قطعة عجين وتدعكيها كويس بين راحة ايدك او ف بطن الكف مرتين تلاته وتكوري وتشكلها وبس كدا لما الكميه تخلص ابتدي سوي علطول
بيدخل فرن سخن ع درجة حراره 180 ف الرف اللي ف النص بيقعد حوالي نص ساعه او نص ساعه و10 دقايق حسب فرنك دا الساده
اما الكحك المحشي ملبن بيدخل ع درجة حراره 200 حجم الكحكايه 20 جرام وحجم الحشو 5 جرام وبياخد حوالي 20 دقيقه لحد ماياخد لون كويس

ملحوظات مهمه

الكحك ع البارد بيتعمل لما نكون هانعمل كميه صغيره يعني كيلو او اتنين هايتاكل ويخلص بسرعه اما لو هانعمل كميه كبيره يبقي كحك ع السخن لانه بيعيش وقت اطول
الفرق بين الكحك البارد والسخن البارد اخف شويه ع المعده وشبه بتاع المحلات اما السخن بنقدح فيه السمنه كويس وننزل ع المكونات بيكون تقيل شويه بس بيعيش وقت اطول وشبه ف الطعم بتاع البيت
السوائل اعجن ب مايه ولا لبن
اللبن بيدي الكحكايه خشونه شويه وبيخلي عمر الكحك اقصر بيرطب بسرعه المايه بتخافظ شويه ع الكحكايه
الكحك مبيتشلش من الصاج وهوه سخن لازم نسيبه اقل حاجه 3 ساعات يبرد ف مكانه ع الصاج
افضل تسويه بتكون ف صواني المونيوم او صيجان المونيوم
المقادير دي لكحك مظبوط ناعم ودايب
لو بتحبي فيه سنه قرمشه او خشن شويه خلي السمنه نص كيلو وخلي المايه 200 ميلي او كوبايه كامله دا هايخلي الكحك خشن شويه
مينفعش نزود كمية البيكنج بودر او الخميره عشان هايخلي الكحكايه تفرش ف الفرن والنقشه هاتروح
طيب لو حسيتي الكحكايه ع الصاج شققت يبقي ة متخدمتش كويس اثناء مرحلة البس
هاتخدي العجينه بين ايدك وتبسيها كويس
وتشكليها عادي
بيتحفظ ف علبه محكمة الغلق

12/03/2024

27/01/2023

احلي كب كيك بمكونات بسيطه بدون تعقيد ❤️❤️

15/01/2023

احلي مسقعه جربوها بالطريقه دي ومش هاتبطلو تعملوها ✌️❤️