21/04/2026
Story brand
حكاية OSHA
" ليه أشتريه لما ممكن أعمله "
القصة بدأت من بنت صغيرة بتحب جدتها وعلطول واقفة معاها فى المطبخ بتتعلم منها😍
حبيت المطبخ وكان حلمى ادخل اقتصاد منزلى
كبرت ودخلت حقوق وتلاشى الحلم
بس حب المطبخ كان موجود
وبما إنى كنت بحب التحدى كنت دايماً أقول
" ليه اشتريه لما ممكن أعمله "
أخدت كورسات و بحثت وشوفت واتعلمت وجربت
وف كل مرة كنت بدوق حبايبي واخد تقيماتهم عشان أحسن الجودة
اشتغلت مُعلمة وكنت بعمل لأصحابى فى الشغل حلويات وكل مرة كانوا بينبهروا بيها
بدأت الفكرة تكبر لحد م حبايبي شجعونى أعمل صفحة
وقعت وقمت ومريت بحاجات كتير ووقفت كتيير بس كان حلمي بصفحتى بيكبر في الخلفية دايما معايا
وطبعا حبايبى اللى كانوا بيشجعونى دايما وكل لما اقف يطلبوا منى حاجات وارجع اشتغل
قعدت من الشغل عشان بنوتى ورجعت تاني لمطبخى وحلوياتى ❤️
بستمتع وانا بعمل الحلويات
وكل تعبى بيروح لما بشوف تعليقاتكم وريفيوهاتكم
وسعادتى لما بحس انى أدخلت السرور عليكم بحلوياتى
كبرت وثبت وهكبر بيكم دايماً ❤️
وطبعا بفضل ربنا وكرمه 😍
#حكايتنا
