29/09/2025
مهندس انتاج مسك القسم جديد قام سأل علي انتاج المهندس اللي قابله كان كام باتشه قالوله ٢٠ باتشه
المهندس عشان يثبت كفاءته راح رافع الانتاج ل ٣٠ باتشه وراح بلغ مدير الانتاج ومدير الانتاج قام صارف له مكافأة تميز
مدير الانتاج بلغ مدير المصنع بتحسين الإنتاج قام مدير المصنع صرف له مكافأة
مدير المصنع طلع بلغ العضو المنتدب بزيادة الانتاج قام صرف له مكافأة
العضو المنتدب قاعد مع استشاري الشركة وبيعرض عليه إنجازه الكبير انه زود الانتاج وهو ساند ظهره علي الكرسي لورا كده وقال ايه انه انتصر
الاستشاري قاله ثواني نفهم
ال ٢٠ باتشه دول كانوا بيطلعوا منتج تام كام قطعة وال ٣٠ بيطلعوا كام قطعة
قاله ثواني هسأل والاجابة كانت مفاجأة
ال ٢٠ باتشه كانوا بيطلعوا ٢٠٠٠ قطعة
وال ٣٠ باتشه بيطلعوا ١٩٠٠ فقط
قام الاستشاري قاله يا فندم حصل انخفاض في الإنتاجية قدره 37% يعني حضرتك خسرت كتير جدا وكمان ضيف عليهم المكافآت عشان تعرف قيمة الخسارة
للاسف يا فندم حضرتك ولا عندك مدير مصنع ولا مدير انتاج ولا حتي مهندسين
انت عندك ناس بتزق الدنيا وبس
#منقول
