13/05/2026
اليوم اتممت عاماً جديداً من عمرى ♥️✨
اللهم إنى استودعك عاماً مضى من عمرى فإغفِر لى ما مضَى وبآرِك لى فى عامى الجديد .اللهم عاما بلا خذلان بلا وجع بلا هم يارب "اللهم اني اشهدك باني قد رضيت بكل ما اردته في عامى الماضى" فأرضنى فى عامى الجديد بفرح وجبر " اللهم آمين
ف اللهم اغفر لي ما مضى ... وبارك لى فى ماهو آت والحمد لله على ماهو مضى.
واجعل اللهم هذا عام بداية تحقيق أحلامى واجعلنى يا الله أكتر قربا منك وأكتر إيمانا بك....🤲🏻
كان نفسى احتفل معاكم بعيد ميلادى و قبول الورق و رجوع الصفحة ولكن مع الأسف الورق اترفض تانى النهاردة قدر الله وما شاء فعل ومش عارفة هعمل ايه الفترة الجاية ولا الموضوع هيتحل ولا لاء وإيه إللى هيحصل بعد كدة بس أحب اقولكم كانوا ٤ سنين صعبين عليا أوى كان فيهم الحلو والوحش وكان فيهم ذكريات كتير حلوة وكبرت معاكم وكنتم جميعا أخواتي انا معنديش اخوات وكنت بعتبركم كلكم اخواتي صعبان عليا إنى مش هكمل المشوار إللى بدأته من سنين بس قدر الله وما شاء فعل ورب الخير لا يأتى إلا بخير بمناسبة عيد ميلادى هقدم هدية لنفسى أنا فى أجازة لحد ما مشكلة الصفحة تتحل يعنى إذا اتحلت او حتى استعيد نفسى مش عارفة هقدر أبدأ المشوار من الأول وأبدأ من جديد ولا لاء لو قدرت أكيد هبلغكم ولكن حاليا انا أجازة من الأوردرات والمحتوى وكل حاجة حتى حدوث أى جديد لكم منى جزيل الشكر والاحترام وربنا يوفقكم جميعا
الفديوهات على الصفحة صدقة علم جارية ياريت أى حد يستفيد منها ميبخلش عليا بدعوة من قلبه ❤️❤️
هتوحشونى جدا 💔💔
يارب اصلحنى فيما بقى لى من العمر يالله 🤲🏻
اللّهُمّ إنّي استودِعُك بُعمري خيراً واستودعتك أقداري فجمّلها لي بما شئت♥️
لقد كان عاماً مليئاً بلطف وستر من الله ♥️
Manar Mahmoud Mousa
