Dantella cake دانتيلا كيك

Dantella cake دانتيلا كيك Contact information, map and directions, contact form, opening hours, services, ratings, photos, videos and announcements from Dantella cake دانتيلا كيك, Donut Shop, Alexandria.

أهلاً وسهلاً بكم في دنتيلا كيك 💗
المكان المخصص لعشاق الطعم الحلو والذوق الراقي!
نوفر لكم أشهى أنواع الحلويات المصنوعة بكل حب واهتمام، من الكيكات الفاخرة إلى الحلى البارد، و الكب كيك و البسكويت، والتارت بأنواعه 🍰🍪
ذوّقوا الفرق معنا💕

28/08/2026

لولا البنات... ما كانش هيبقى للجمال والدلع ده أي وجود 😉💋
كيكة الميك أب الجذابة لـ SALMA 💄👑
الجمال و الدلع كله في كيكة واحدة 😍
Happy Birthday SALMA 💋🎉
📲 للتفاصيل وطلبات الأوردر تواصلوا معنا عبر الرسائل أو الواتساب

26/08/2026

مفاجأة أم لأشطر بطل فولي 🏐❤️
مامي مصطفى حبت تفاجئه بتورتة تعبر عن شغفه ولعبته المفضلة الكرة الطائرة وطلبت يكون فيها كورة الفولي والتيشيرت الخاص بيه وسابت لي مطلق الحرية في تفاصيل الديزاين! 🎨✨
ترجمت الحب ده في ديزاين بسيط ولطيف الشبكة والكورة فوق التيشيرت الأحمر برقم 17
مع الإطار الذهبي اللي أضاف لمسة فخامة للديزاين لو حابة تفاجئي ابنك أو بنتك بتورتة تفصل مع الألعاب أو الهواية اللي بيحبوها.. ابعتي لنا فكرتهم وسيبيلنا الباقي ونطلع لك ديزاين يفرحهم! 🎂🏆

22/08/2026

دانتيلا هي النور وهي السنيور! 👑🎂
جولة سريعة بين أحدث كيكات Dantella Cake اللي صنعتها بكل حب ♥️
انهي كيكة في الفيديو خطفت قلبكم أكتر؟ اكتبولي في التعليقات! 👇❤️

سر سلطع الجديد اتكشف! 🤫مستر سلطع ساب وصفة "برجر سلطع" وجاي يجري ورا كيكات Dantella Cake بنفسه! 😂حتى شمشون قاطّع كل حاجة...
22/08/2026

سر سلطع الجديد اتكشف! 🤫
مستر سلطع ساب وصفة "برجر سلطع" وجاي يجري ورا كيكات Dantella Cake بنفسه! 😂
حتى شمشون قاطّع كل حاجة وبيدور على طريقة يقفش بيها السر وسبونج بوب وبسيط مش مستوعبين الجمال اللي في الصورة🎂🌸
مش بس أهل الإسكندرية اللي بيحبوا كيكاتنا.. دي وصلت لقاع الهامور كمان! 🌊🦀
📲 للطلب والاستفسار: ابعتوا لنا رسالة على الصفحة، ومتنسوش.. لا حد يخبر شمشون! 😉👇

20/08/2026

الازرق يليق بيك 💙🩵
في كدا بوكيهات بتخرج من عندى بيكون ليها معزه و حب من جوايا اول ما بشوفها بتلمس قلبي و بستشعر الفرحة ال كانت وصلانى وقت تنفذيها و البوكيه دا منهم لاسباب كتيرة منها العميلة القمراية و دا اكبر الاسباب و كمان سبب شخصي انا حد بيعشق الوان الازرق كلها بحس براحة نفسيه فيها فظيييييعه خصوصاً ال sky blue الوان جبال الجليدية و السماء و بحر العلمين التركوازى و الفيروزى فظااااع جداً و مريحة جداً ليا الوان دى
انتم بقا بتفضلوا ايه الالوان ال تكون مريحة كدا لعيونكم و راحتكم النفسية 👀🩵

مساء الخير على أجدع وأحلى عملاء 🩷معاكم إيمان قاسم أونر براند Dantella Cakeدايماً بكون في قمة سعادتي وأنا بشارككم أحلى من...
19/08/2026

مساء الخير على أجدع وأحلى عملاء 🩷
معاكم إيمان قاسم أونر براند Dantella Cake
دايماً بكون في قمة سعادتي وأنا بشارككم أحلى مناسباتكم وبكون جزء من فرحتكم بس عشان نضمن دايماً إن الخدمة والجودة تطلع بأفضل شكل يرضيكم كان في كام نقطة مهمة حابة أوضحها لكم لأن الموضوع ده بيتكرر كتير جداً
1️⃣ الأوردرات المستعجلة (قبل المناسبة بيوم أو يومين):
الأوردر المستعجل للأسف مش بيكون في صالحك أبداًلعدة أسباب فنية:
خبز الأسپونج الكيك بعد الخبز لازم يرتاح يوم كامل قبل التقطيع والشغل عشان ما يفرولش ولا يتكسر والأسپونج كل ما يقعد ويرتاح كل ما جودته وطعمه يبقوا أحسن بكتير
التماسك و التشريب : الحشو بياخد وقته الكامل بيقعد يوم في الفريزر ثم ساعات تبريد عشان الكيك يتشرب الطعم صح وتطلع الكيكة متماسكة وجميلة
الفينش والتفاصيل: التفنيش النهائي بياخد يوم والوقت الزيادة ده بيديني مساحة أتصرف وأجهز كل تفاصيل الديزاين براحتي (من طباعة أو تاج أو مجسمات عجينة السكر) قبل البدء في الكيك نفسه
رسوم العجلة: الأوردرات المستعجلة بيكون عليها إضافة 200 جنيه وأنا بجد حابة إنك توفري المبلغ ده لنفسك وتستفيدي بيه 🙂 لأن الشغل المكثف في يوم أو يومين بدل 4 أيام بييجي على حساب صحتي ومجهودي وإحنا الاثنين في غنى عن ده 😉

2️⃣ تأكيد الحجز ودفع كامل المبلغ:
الحجز لا يُعتمد إطلاقاً إلا بعد دفع كامل قيمة الأوردر وأي كلام قبل الدفع يُعتبر مجرد استفسار عشان متفاجئش قبل المناسبة إن الأوردر مجهزش (وده كلام بنوضحه دايماً في رسائل البيدج والواتساب من بداية التواصل).
💡 "طيب يا إيمان أضمن حقي إزاي وأثق في أونلاين إزاي؟
سؤال منطقي جداً وإجابته بسيطة:
سمعتنا واسمنا أنا بفضل الله معروفة جداً في مجالي وفي منطقتي ولو سألتِ في كليوباترا عن قاسم ألف مين هيوصلك لبيتي ومكاني
اسم البراند أنا مستحيل أغامر باسمي وتعب السنين وشقايا عشان أوردر
الصفحات غير الموثوقة بتسرق صور شغل غيرها فتلاقي الخلفيات مختلفة لكن عندي هتلاقي كل الصور والفيديوهات بخلفية ثابتة واللوجو بتاعي واضح على كل قطعة
فأنتِ معايا في أمان وتثقي تماماً.. وفي المقابل بما إننا مش بنتقابل وش لوش فإثبات جدية الحجز الوحيد المتاح هو دفع قيمة الأوردر كامل

3️⃣ مشاكل التحويلات والديبوزيت:
أنا مش مسئولة نهائياً عن حل مشاكل التحويل أو رصيد المحافظ الإلكترونية (زي "معيش رصيد أحول دلوقتي" أو "الشبكة معلقة").
فكرة تحويل جزء من المبلغ أو ديبوزيت ناقص (زي إن حد يحول 100 جنيه مثلاً ويقول هكمل بعدين) مرفوضة تماماً الحجز مش بيتأكد غير بكامل قيمة الأوردر من أول مرة عشان نكون على نور
شكراً جداً لوقتكم وطولة بالكم معايا وأتمنى دايماً أكون عند حسن ظنكم وأشارككم كل لحظاتكم الحلوة 🩷
Emaan Kasem
Dantella cake دانتيلا كيك

18/08/2026

«وَلَوْ بَسَطَ اللَّهُ الرِّزْقَ لِعِبَادِهِ لَبَغَوْا فِي الْأَرْضِ وَلَٰكِن يُنَزِّلُ بِقَدَرٍ مَّا يَشَاءُ ۚ إِنَّهُ بِعِبَادِهِ خَبِيرٌ بَصِيرٌ»
والرزق مش بس فلوس الرزق خطوة مباركة وزهرة جميلة بتكبر وتتزين بالحجاب 🤍🌸
كيكة مباركة الحجاب لأحلى بنوتة كبرت وبقت عروسة قمر ربنا يحفظها ويبارك فيها وفي أهليها🎀
📲 للطلب والاستفسار عن كيكات المناسبات الخاصة، تواصلوا معنا من خلال رسايل البيدج او واتس اب 01127935888

البوست هنا مش هتكلم عن جمال التورته و رقتها و تفاصيلها انا في مجال شغلى لما بلاقى حاجة حلوة ممكن الكل يستفاد منها حقيقي ...
12/08/2026

البوست هنا مش هتكلم عن جمال التورته و رقتها و تفاصيلها انا في مجال شغلى لما بلاقى حاجة حلوة ممكن الكل يستفاد منها حقيقي بكون عاوزة اعرف الزملاء كلها عنها علشان الاستفادة تعم ع الجميع هنا كلامى عن الجميلة الخلوقة صفيه اونر براند

https://www.facebook.com/share/1EqawpFAhG/?mibextid=wwXIfr
انا اتعاملت مع مطابع اشكال و الوان تحت ضغط و وقت صغير و ارقات بيكون في مساحة في الرقت الوحيدة حرفياً ال محستش معاها بمعاناه نهائي و قلبي اتطمن ان اوردرى هستلمه بدرى مع ان طالبة الاوردر متاخر خالص ودا انا عارفه اد ايه بيكون ضغط عليها بس بجد محسستنيش بدا نهائي ومش بس كدا كوالتى شغلها عالى جداً تستاهل ان كله يجربها اولاً بجد لحسن اخلاقها لان دا شيىء مهم جداً بالنسبة ليا في اى تعامل و ثانياً لجمال شغلها ال شكرت فيه العميلة قبلى انا شخصياً علشان كدا برشحها ليكم بكل ثقة
كمان ال بيدور ع الحروف و الارقام و الاسامى هى بتنفذها ادخلوا عندها و شوفوا الجمال
اتمنالك التوفيق دايماً يا قمراية
انا الفترة الجاية هاخدكم معايا في اماكن ال بشترى منها الماتريال بتاعت شغلي يارب الكل يستفيد 🌷🩷

11/08/2026

كل تفصيلة صغيرة اتعملت بكل حب عشان تطلع بالجمال ده الفراشات الألوان وروح ربانزل 💜👑
تفتكروا إيه المفاجأة اللي محضرينها لكم البوست الجاي؟ استعدوا وخليكم متابعين🔥👀

06/08/2026

الجمال دايماً في التفاصيل البسيطة🍒
الكيكة الفينتاج دي معمولة بكل حب وتفاصيل كلاسيكية مبهجة بداية من فنيش الكريمة والأحمر الدافئ لـ رسمة الكرز الصغيورة مناسبة جداً لأي حد بيحب الأناقة والهدوء في المناسبات🤍
📥 احجزوا كيكة مناسبتكم بالتفاصيل والأطعم اللي بتحبوها عبر الرسائل

Address

Alexandria
03

Telephone

+201015169332

Website

Alerts

Be the first to know and let us send you an email when Dantella cake دانتيلا كيك posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Dantella cake دانتيلا كيك:

Shortcuts

Share

Category