عماد الدين Coffee Shop

09/02/2019

05/01/2019

بسم الله الرحمن الرحيم

" إنا فتحنا لك فتحاً مبيناً "
سيتم بمشيئة الله تعالى إفتتاح كافيتريا بشارع مالك الملك بالهانوڤيل يوم الخميس القادم بأمر الله الموافق 2019/1/10 يشرفنا حضوركم وستجدون كل ما هو جديد وما يسركم والدعوه عامة للجميع والله الموفق والمستعان
" وفي السماء رزقكم وما توعدون "

13/06/2018

اول يوم العيد مع بعض نشجع مصر

23/05/2018

كُنا سبعه 😞

23/05/2018

😍

23/05/2018

رمضان كريم ❤

09/05/2018

كل عام وانتم بالف خير رواد عماد الدين ❤💙

22/01/2018

الهاربــــــــون مـن الواقـــــــــع ..

" 20 " ميزه للقهوه
ـــــــــــــــــــــــــ
1- في القهوه ، بيتقالك يا باشا أو يا معلم أو إسمك الحقيقي ، و بيتقالك من القلب ، مش يا فندم المُصطنعه اللى بتسمعها فى الكافيه ..!

2- القهوه ، تسافر و تغيب و ترجع تلاقيها مستنياك ..!

3- في القهوه ، مفيش حد عامل حجز و لا ممنوع تُقعد على ترابيزه ..!

4- في القهوه ، تجيب أكل من بره و تشرب و تحلي و تدخن و لا حد يكلمك ، بالعكس بيقدملك مياه ببلاش ..!

5- القهوه ، بتغير المود بأقل فلوس ..!

6- في القهوه ، تُقعد فيها لوحدك أو لو معاك حد من غير تناحة و بص من اللي شغالين فيها ..!

7- في القهوه ، القهوجى بيحفظ بدل الطلب 10 طلبات و يبلغُه على الناصبه و الطلب يوصلك زي الفُل ..!

8- في القهوه ، القهوجى عُمرُه ما يغلط في الحساب و لا يقولك " سوري يا فندم في غلط في الشيك " ..!

9- القهوه ، تحتويك لو عندك هموم الدُنيا ..!

10- القهوه ، محدش من صُحابك يعترض عليها ، عشان الحُب مش بالفلوس ..!

11- القهوه ، تتخن و لا تخس ، تغتني أو تفتقر ، هى زي ما هى ثابته و صامده في وش التغيُرات الزمنيه ..!

12- القهوه ، جنبها مطعم أو محل تاكُل منُه و تتغذى ..!

13- القهوه ، مبتنامش بدرى ، و لا هتسمع فيها يا فندم الساعه 12 و نص ..!

14- في القهوه ، الناس بتُطلُب على النوته و مفيهاش minimum charge ..!

15- في القهوه ، بتاع الشيشه إبتسامتُه للجميع رغم إنُه مش عايز بقشيش ، مش يتنح وقت الحساب ..!

16- في القهوه ، مفيهاش تفرُقه عُنصُريه ، كُلُه جنب بعضُه ، الغنى جنب الفقير ، المُحامى و الدكتور و المُهندس و الباشا و الافندى ..!

17- في القهوه ، قاعد مش متكتف و واخد راحتك و ملك زمانك ، تُطلُب كُرسى زياده يجيلك كُرسيين من تحت الارض ..!

18- القهوه ، فيها دوشة الطاوله و الدُمُنه و صوت الناس و خبط المعالق على الكوبيات بس كُلُه في تناغُم غريب مش مُزعج ..!

19- في القهوه ، مشاكل الدُنيا تتحل ، قعدات عرب و تصالُح ..!
20 - في القهوه حياه وترابط من القلب لمن يمتلكون قلباً نقياً

" القهوه هي عالم تانى خالص لا تستطيع البنات معرفتُه و لا يُمكن شرحُه لها ، و دائماً و أبداً سيظل حُبها باقي في القلب ❤ "

15/04/2016