16/10/2026
#منقولة
بعد ارتفاع الاسعار في السلع الخاصة الحلويات
بيض بلاطو بـ700 دج 🥲💔
شونتي بـ1750 دج 🥲💔
كريمة سائلة بـ500 دج 🥲💔
ومبعد تجيني وحدة بكل براءة تسقسيني:
«كاش كيك بـ50 ألف؟» 🙂😂
يا أختي حبيبتي، بـ50 ألف واش تحبي نديرلك؟ كيك ولا نصنعلك معجزة اقتصادية؟ 😭🔪😂
جوز أصلاً داخلين في الكيك يقدرو يوصلو لـ300 دج، مازال ما حسبنا لا البيض، لا السكر، لا الفرينة، لا الحشو، لا التزيين، لا الكهرباء، لا الغاز، لا تعبي ووقتي! 😭💔
والله ماشي حنا اللي غلّينا الكيك، السلعة هي اللي طلعت للسما وحنا ما زلنا نحاولو نلحقو فيها! 😂🚶🏻♀️
وزيد تجيك وحدة تقولك: «فلانة راهي تخدم بـ50 ألف!»
يا حبيبتي ربي يباركلها في صحتها ورزقها، كل وحدة حرة في خدمتها وفي السعر اللي تحددو، وأنا ثاني حرة نقيم تعبي وسلعتي! ❤️
ماشي على جال فلانة تبيع بسعر معيّن، لازم أنا ثاني نبيع بالخسارة باش نرضي الناس! 🙂❌
اللي يناسبها سعري مرحبا بيها ونحطها فوق راسي 👑❤️ واللي ما يناسبهاش، ربي يسهّل عليها، الخيارات كاينة!
تقدري تشري طارطة من الباتيسري، تقدري تخدمي موسكوتشو في دارك، تقدري حتى تديري كيك بالخيال تاعك 😂😂 بصح ما تطلبيش من صانعة حلويات تخدم بالخسارة وتقوليلها المهم الزبون يرضى! 😭🔪
سؤال برك لجماعة الـ50 ألف: حابين كيك بالمواصفات تاع 150 ألف، والمواد تاع 200 ألف، والسعر يبقى 50 ألف؟ 😂😂💔
جاوبوني بصراحة، راني حابة نفهم الاقتصاد الجديد هذا! 👀🤣👇
