26/02/2026
🧡💛🤎 تاغتولات ومقيرط الله الله لسهريتكم 🧡💛🤎
الكريمة وحد البنة منحكيش مام لبات بنينة وطرية تهبل
المقيرط تاني طري ويذوب فالفم .....✨🌙✨🌙✨🌙
المقادير 👇:
✅عجينة تاغتولات:
250غ مرغرين + 100غ سكر ناعم + صفار بيضة وبيضة كاملة+ 2 ملاعق كبار زيت +قرصة ملح +فاني .
نضرب المرغرين والسكر جيدا حتى يبياض الخليط ونضيف باقي المكونات ونضرب جيدا ثم نلم بالفرينة حتى نتحصل على عجينة طرية.
الكريمة :
في طاوة نضع كأس حليب نضيفلو 2ملاعق كبار فلان ( فلو ) موز أو أي ذوق تحبوه + 2 ملاعق كبار سكر + بيضة كاملة+ 2 ملاعق نشاء + نخلط كلشي بارد في بارد ونحط فوق النار حتى يثقال الخليط ويعمل فقاعات نحيها بجيه ونضيف قطعة زبدة وقليل من عطر الموز ( إن أمكن) أو فاني مغلفها بالنايلون حتى تبرد تماما.
في وعاء نضع نصف كأس شونتيي + نصف كأس حليب أو ماء ونضرب جيدا ثم نجيب الخليط السابق نضربوه ثم نضيفو على الشونتيي حتى تصبح كريمة ملساء ومتماسكة.
✅المقيرط:
3كيلات سميد متوسط ( كنزة)
كيلة مخلطة سمن وزيدة ذايبين وباردين
كيلة مخلطة بين ماء الزهر والماء
نحكو مليح السميد و السمن ونخلوه بجيه على الأقل ساعتين بعدها نلموه بالماء وماء الزهر نخلوه يتشرب قليلا حتى نوجدو الغرس المنقية نضيفولها القليل من القرفة ونعجنوها بالماء حتى تولي طرية
نقسم العجينة على 3 نشكل الحربوش الأول يكون رقيق ونقطع الحبات نقيس 2 أصابع ونقطع نكونو سخنا الزيت ونقليوه مباشرة ونزيد نشكل الحربوش الثاني ونقلوه كذلك وهكذا بالنسبة للحربوش الأخير نوجد العسل تكون باردة بدون إضافات ونحطوهم حتى يتشربو الحبات مليح وبالصحة والعافية🤗
#حلويات رمضانية #سهرات رمضانية #تارتولات.. #مقيرط....
