Rey Del Pan

05/09/2026

️ بشرى سااااارة للجميع ❤

أرواح خلي إعجاب وتعليق ودير مشاركة للمنشور
باش يوصل لأكبر عدد ممكن وخلي الجميع يستفاد

بعد ما ضاعولي قنوات الدورات المجانية على التلغرام بمحتواهم
وبالمشتركين لي كان عددهم أكثر من 20 ألف مشترك
الحمد لله وبتوفيق من ربي قدرت نسترجع كامل المحتوى

لبارح فتحت قناة جديدة ورجعت فيها كل الدروس والفيديوهات من جديد
وراح نحطلكم رابط القناة في التعليقات تضغطو عليه فقط وتدخلو مباشرة

‼️وحبيت أيضا نوضح حاجة مهمة…‼️

وقت كانت الدورات مدفوعة دخل واحد أو وحدة للقناة بطريقة عادية
وخلص الاشتراك وبعدها سرق كامل المحتوى بطريقة ملتوية
وراح حطو في قناة خاصة بيه بالمجان للناس

يعني حاب يدير الخير بمحتوى مسروق ويحوس على الأجر بالتعدي على حقوق الناس… الله المستعان

لهذا نقولها بكل وضوح:
لا أسمح لأي شخص مهما كان أنه ينسخ أو يسرق الفيديوهات
أو يعاود ينشرهم في قناة أخرى أو يستغلهم تجاريا

أنا بنفسي اخترت نخلي هاذ الدورات مجانية باش العلم يوصل لأكبر عدد
ولكي يستفاد الناس من التجربة والمعلومات لي تعبت سنوات باش نجمعها

راك حاب دير الخير؟ شارك رابط القناة الأصلية وخلي الناس تدخل
وتستفاد من المصدر مباشرة هكذا تكون ساهمت فعلا في نشر الفائدة
وفي نفس الوقت حافظت على حق صاحب المحتوى

إن شاء الله نرجعو نبنيو القناة من جديد
ونوصلوها أكثر من 20 ألف مشترك كما كانت وأفضل ❤️

دير مشاركة للمنشور وخلي الرابط يوصل لكل شخص حاب يتعلم

04/09/2026

يجيوني بزاف أسئلة على نعومة طحينة السمسم
كاين لي يقولولي بلي شافو طحينة بقوام ناعم جدا
لدرجة كيما اللبن تع القرع ومافيها حتى إحساس بالحبيبات 😅

وكيما تعرفوني ديما نحب نوضح حقيقة بعض الأمور
كاين مصانع وخطوط إنتاج كبيرة يخدمو بمرحلة خاصة قبل الطحن
وين ينحو قشور السمسم باستعمال الماء وطرق صناعية مخصصة
بعدها يجي التجفيف والتحميص والطحن
وهذي العملية تساعد بزاف باش يتحصلو على طحينة ناعمة جدا لأن القشرة فيها ألياف وتؤثر مباشرة على القوام والملمس
وهذه المصانع تبيع المنتج ديالها بالجملة للحرفيين لي يعاودو البيع فقط
يعني يشرو الطحينة الناعمة هذي (غير الكاملة) بالجملة ويعمروها فقط
أما حنا فنستعملو السمسم كامل بقشرته ونطحنوه لأقصى درجة ممكنة
ولهذا ممكن يبقى إحساس خفيف جدا بجزيئات دقيقة مهما كان الطحن قوي

الفرق هنا ماشي فقط في النعومة
حتى من الناحية الغذائية السمسم الكامل يحتفظ بألياف ومعادن موجودة بنسبة معتبرة في القشرة

يعني الطحينة الناعمة جدا ماشي بالضرورة أحسن
مرات النعومة تكون نتيجة نزع جزء من الحبة نفسها

وفي الأخير كل واحد يختار واش يحب
أنا شخصيا نفضل نحافظ على السمسم كامل كما هو
ونخلي القيمة حاضرة قبل الشكل والقوام، مرحبا بكم😊

02/09/2026

الصحبة الصالحة ماشي مجرد ناس نضحكو معاهم
هي ناس تردك للطريق كي تغلط
تنصحك بلا ما تفضحك وتفرح لنجاحك بلا غيرة
تكون معاك وقت الضيق قبل وقت المصلحة

والرجل الحقيقي يُعرف أيضا بمن يصاحب
لأن الرفقة إما ترفعك وتصلحك
وإما تسرق منك أخلاقك ووقتك وأنت لا تشعر

ومن أجمل ما قيل أن الصاحب الصالح لا يتركك كما وجدك
إما أن يزيدك خيرا أو يمنع عنك شرا فأختر جيدا من تصاحب و ترافق
والقعدة هذي كنت لازم نزينها بطبق صحي من منتجاتي الطبيعية😋
شوف الفيديو فالتعليق المثبت👇🏼

30/08/2026

www.rey-del-pan.com

28/08/2026

قلوبنا اليوم مع أهلنا في جيجل، بجاية، سكيكدة، عنابة…
ومع كل إخواننا في الولايات المتضررة من الحرائق…
ربي يلطف بعبادو ويحفظ بلادنا وأهلها من كل سوء 🤲🏼🇩🇿

ربي يرحم الضحايا ويغفرلهم ويصبر أهاليهم ويربط على قلوبهم
ويشفي كل مصاب ويعوض كل واحد تضرر
وراح رزقو ولا مالو ولا تعبو في لحظة…
ربي يعوضهم خير ويخلف عليهم بما هو أحسن

اللهم احفظ الجزائر من شرقها لغربها ومن شمالها لجنوبها
واحفظ رجال الحماية المدنية وكل المساهمين بالنفس والمال

حسبنا الله ونعم الوكيل في كل من تعمد إيذاء الناس وحرق أرزاقهم
اللهم أرنا فيهم عدلك وخذ للمظلومين حقهم

ربي يلطف بالجميع ويحفظ بلادنا وأهلها 🤍

26/08/2026

أواااااه ياراكم كامل في إجازة وبصحتكم
يا إما الجو هذا راهو مأثر عليكم دارلكم إكتئاب حاد
يا إما الخوارزميات راهي تحجبلي في صفحتي
والله أعلى و أعلم…
كاش واحد يفهمني؟!؟!

26/08/2026

كاين فرق بين الكاكاو لي يعطينا غير لون فقط…
والكاكاو لي يعطينا فعلا طعم الكاكاو الحقيقي مع كل الفوائد

وفرتلكم كاكاو طبيعي 100%
بدون سكر مضاف وبدون منكهات وبدون إضافات مصنعة

تقدرو تستعملوه في:
☕ مشروب الكاكاو
🥞 الپان كيك والكراپ
🍰 الكيك والحلويات
🥣 الغرانولا والشوفان
🍫 وحتى وصفات الشوكولا المنزلية وفي عدة وصفات أخرى…

والجميل فيه أنك تتحكم وحدك في كمية المحلي حسب ذوقك
لي مازال ما جربوش الكاكاو الطبيعي الحقيقي
هذي فرصة باش يعرف الفرق👌🏼
يلحقكم في هذا الكيس كما هو موضح في الصورة
مع تاريخ الإنتاج و إنهاء الصلاحية…

متاح للطلب عبر متجري الإلكتروني والتوصيل متوفر لعدة ولايات🤎
👉🏼Rey-del-pan.com👈🏼

25/08/2026

يا حبّذا ريحُ الولد…
ريحُ الخُزامى في البلد…
أهكذا كلُّ الولد…
أم لم تلد امرأةٌ قبل زوجتي أحد…♥️

كل أبٍ وأم يجدان في أطفالهما الصغار رائحةً لا يجدها أحدٌ غيرهما…
رائحة مؤنسة للقلوب، لذيذة على النفس
وكأنها تحمل معها شيئًا من السكينة لا يُوصف بالكلمات

وأحسبُ – والله تعالى أعلم – أن شمَّ رائحة الولد يقوّي الرحمة
في القلب ويغذّيها، ويذكّر الإنسان في لحظةٍ واحدة بضعف هذا الصغير
وبراءة روحه، وعِظَم الأمانة التي بين يديه

ومن أجمل النِّعم أن يكون لك صغيرٌ إذا ضممته هدأ شيءٌ
في داخلك دون أن تدري لماذا…

شاركوني في التعليقات👇🏼
هل تشعرون أن لأطفالكم رائحةً خاصة لا يشمّها ولا يعرف معناها إلا أنتم؟

وأسأل الله أن يرزقكم ذريةً صالحةً مُصلحة، أينما ذهبت وحلّت
نفعت وانتفعت وكانت قرّة عينٍ لوالديها في الدنيا والآخرة🤍

25/08/2026

كل هذه👇🏼 المنتجات طبيعية 100% بدون إضافات متاحة للتوصيل
يمكنكم طلبها عبر متجري الإلكتروني rey-del-pan.com
سعر المنتج و سعر التوصيل مع المواصفات تلقاوهم داخل المتجر

✅ عسل دڤلة نور (معصور على البارد)
✅ دبس التمر
✅ طحينة السمسم
✅ زبدة الفول السوداني
✅ زبدة اللوز
✅ زبدة البندق
✅ زبدة الجوز
✅ زبدة الفستق
✅ زبدة بذور اليقطين
✅ زبدة الكاجو
✅ طحين القمح الكامل اللّين
✅ سميد القمح الكامل الصلب
✅ طحين الريف (قمح+شعير)
✅ كاكاو طبيعي
✅ التلبينة النبوية
✅ كوكيز
✅ پتي فور
✅ كريات اللوز
✅ موفين
✅ براونيز
✅ كسكس المغلوث (جاودار+قمح صلب)
✅ كسكس الريف الجزائري (5 حبوب)
✅ براج
✅ صابلي
✅ أعواد الفانيليا الطبيعية
و أخيراً تلقاو الكتاب تاعي متاح للطلب😊
💙

مخبز متميز يسعى لتقديم أفضل تجربة مخبوزات صحية ولذيذة. نحن نهتم بصحة عملائنا ونقدم مجموعة واسعة من الخبز الطازج والكعك الصحي المصنوع بأيدي خبازين محترفين

24/08/2026

عندي فضول نعرف حاجة 👀
منذ متى وأنتم تعرفون Rey Del Pan
وكيفاش حتى عرفتو صفحتي!

اكتبولي السنة أو المدة…
من 2018؟
2019؟
2020؟ ولا غير هاذو الأيام تعرفتو عليا؟

حبيت نشوف اليوم شكون من قدماء المحاربين في الصفحة 🫡🥖