Gâteaux Oum Abdou

11/09/2025

تذكر دائما ان كل يوم هو فرصة لتنهض من جديد
خفاف سخون لقهوة لعشية ،مرحبا بكم عند Gâteau Oum Abdou حي اولاد العربي هراوة

17/05/2024

افكار ستساعدك للدايت والاستغناء عن الخبز 🥗

16/05/2024

موسم التونة العنيدة هادا وقتها و راهي بكثرة ما شاء الله اغتانمو الفرصة و تشبعو ب فيتامين د و اوميڨا 3 خصوصا لي ممنوع عليهم المعلبة و صدقوني يجي بنين على المعلب و زاكي عليه نبداو باسم الله نسحقو :
500 غ تونة و تقدرو ديرة أكثر أو أقل
خل و ملح
فلفل اسود
وريقات رند
فنجان زيت زيتون
كمية من الزيت النباتي صونڨو
نجيبو التونة تاعنا ننقعوها فالخل و الملح لمدة 5 دقائق هاكدا يتنحا الدم تاعو و هاداك المذاق القاسح لي فيه و مبعد نشللوه مليح و نحطوه في كسكاس يقطر و نجيبو قدرة نديرو فيها 2 كيسان ماء و زوج ورق رند فلفل اسود و ملح كي يغلي نحطو الكسكاس تفور التونة تاعنا 15 دقيقة او حتى تطيب من بعدنحوه مالكسكاس و نخلوه يبرد و نقيوه من الشوك مليح مليح ادا كان فيه و نجيبو بلارات تاع زجاج معقمين و ناشفين و نديروه فيهم و نغطوهم بالزيت و نغلقوهم مليح من بعد نديروهم في كسرونة فيها الما بصح ما يغطيهمش يعني كمية قليلة و نغليوهم يغلو لمدة 5 دقايق داخل هاداك الماء و نحوهم و نقلبوهم باش يتخلطو مليح حطوهم فالفريجيدار 24 ساعة و يكونو جاهزين للاستهلاك و لي حب يدير كمية كبيرة بزاف يقدر يكونجليه عادي و يجبد بالطرف و بصحتكم
وصفة منقولة نتمنى تفيدكم

15/05/2024

جيتكم اليوم :
ب #معجون #المكسرات 🇩🇿 😍
_نديروه فالمناسبات والخطبات حتى وحدة كي تزيد تحب ديرو تاني كي دير قهوة ،و نحطوه مع الحلويات ، كاين يقولو معجون الملوك منفضلش هذ التسمية لأنه اي انسان بسيط يقدر يشري كمية لي يحبها ويديروا وكاين يديرو بعسل حر خير
_ وهو معجون présentable فيه كل خير ، بما أنو فصيف يكترو المناسبات اغتانمو الفرصة وديروه ، حتى ولو تسخفو عليه في ساير ليام ديروه يالوكان كمية صغير لعبد مايبخلش نفسو

طريقة التحضير :
_ نشريو شوي شوي مكسرات :لوز (مقشر ولاماش مقشر كيف كيف )، جوز ، بيسطاش (فسدق )، نواكاجو ، شويا مشيمشة مقطع طراف صغار ،وباطة اناناس مقطع طراف صغار ، (ولي تحب تحمص المكسرات تاني بصح ماش تحمروهم خلاص باه يبقاو مقرمشين ).
_ وكاين لي يحط تاني زبيب كيما تحبو حسب الدوق تعكم .

_ شفتو لباطة تاع الأناناس نكيلو بيها بعد نديرو زوج كيلات ما(ولي تحب تزيد على لماء تاع الأناناس تزيدلو لماء تولي كيلة وحدة ونزيدو كيلة وحدة ماء صافية تسما زوج كيلات ) ، وكيلة غير ربع سكر لحرش ،نحطوهم يغليو على نار متوسطة مع شرائح القارس لمدة 15إلى 20 دقيقة .

_ومبعد نحطو الاناناس ولمشيمشة( ولي تحب تحط زبيب) نحطوهم يطيبو تاني20 دقيقة باه يطيبو مليح ونحيو هاديك الرغوة باه ماتفسدش المعجون .
_ ومبعد نحطو المكسرات يطيبو لمدة 3 دقائق ، ونحطو زوج مغارف ماء ورد مقطر ولا عادي يهزو لغلية ونحيو المعجون تعنا . (او يجيكم شغل خفيف كي نحيوه مبعد او يعقد ويتقال شويا ).منقول للافادة

03/04/2024

#معلومة تهمك خاصة مع تحضيرات حلوى العيد
أضرار الورقة الذهبية التي لا يخلو اي قاطو منها ..
تحتوي على e 466 اوكسيد التيتانيوم ، اوكسيد الحديد و tylose cmc هي جزيئات جد دقيقة nanoparticules
جسمنا لايستطيع لا هضمها ولا التعامل معها ولا التخلص منها فتخترق جدار المعي الدقيق وتروح لأعضاء الكبد المخ الرئتين ، تسبب أمراض خطيرة كالسرطان تأخر النمو ،أمراض المناعة الذاتية والزهايمر و العقم و genotoxicite وامراض مزمنة مثل كرون ، كذلك تتسبب في تغيير الميكروبيوت المعوي او e la flore intestinale
منقول

15/05/2023