Chef Besma sanahilwa

09/10/2026

05/10/2026

في بداية تكوين CAP حلويات، كل متربص يحكي علاش جا. وتفكرت وحدة من المتربصات، أنا اللي استقبلتها يوم التسجيل، عندها ماستر في البيئة واختارت تتكوّن في الحلويات 🤍

وهنا حبيت نحكي على فكرة نسمعوها بزاف في مجتمعنا: "قرا وراح يدير الحلويات؟" كأنو الحرفة شيء أقل قيمة… وهذا راجع غير لأن الناس ما يعرفوش قداش هاد المهنة واسعة.

الحِرف اليدوية مهن نبيلة، نختاروها لأننا نحبوها. وحتى لو درسنا في الجامعة، اللي يحب حرفة من قلبو يرجع ليها، والدراسة تزيدو قوة.

وأنا شخصياً قريت، وعندي شغف بالحلويات، بصح خدمتي ماشي غير نصنع الحلويات. أنا نسيّر مشاريع. والتسيير يتطلب خبرة في الإدارة، التسويق والاتصال، وكل وحدة فيهم تقدر تكون مهنة وحدها.

سواء كنتِ تخدمي من الدار، عندك محل، ولا تسيّري مدرسة تكوين، هذا الشي يتطلب بزاف كفاءات ومستوى فكري.

الحلويات مهنة اللي يحب ويخدم بعقلو ويديه 👩🏻‍🍳

وأنتم، واش رأيكم؟ 👇

#حلويات #حرفة #طموح

04/10/2026

حلوة سنيكرز.. شوكولا، كراميل وفول سوداني في لقمة وحدة لا تقاوم! 😍🍫🥜

في هذه الحلقة من بسمة الوجدان على Samira TV، شاركت معاكم وصفة حلوة سنيكرز، حلوى غنية ولذيذة تجمع بين الشوكولا، الكراميل والفول السوداني، بطعم يعشقه الكبار والصغار. ✨👌

المقادير وطريقة التحضير في أول تعليق ☺️☺️☺️

جربوها، وإذا حضرتوها، ابعثولي صور تطبيقاتكم في التعليقات أو بالرسائل، نفرح بزاف نشوف إبداعاتكم. ❤️

#حلويات

29/09/2026

✨ مقتطف جديد من برنامج “بسمة الوجدان” على قناة Samira TV ✨

📺 موعدكم مع البرنامج يوميًا على Samira TV:
🕦 12:00
🕢 17:30

💬 قولولنا في التعليقات:
شكون تابع برنامج بسمة الوجدان؟

28/09/2026

اليوم في مخبر مدرسة سناء حلوى 👩🏻‍🍳✨
نحضّر مع بعض حلويات تقليدية بنسخة صحية، مناسبة لإعادة التوازن الغذائي 🤍
وهذه لمحة صغيرة عن بعض المنتجات اللي راح نستعملوها في الورشة.

27/09/2026

نهار السبت، خرجت على 7 الصباح… وجدت القاعات، دُرت على المخابر، درت لايفات، وخدمت مع الفريق تاعي حتى رجعت للدار على 6 العشية.
حبيت نوريلكم يومي كيما هو، بلا ما نقصّر بزاف ✨
قولولي في الكومنتار: عجبكم هاد النوع تاع الفلوغ؟ تحبو نزيد نشاركلكم أيامي هكذا؟ 👇

26/09/2026

واش رايكم في batch cooking ، أنا شخصيا خطوة مقدرتش نديرها معى العلم عندي بزاف ضغط في الخدمة و يقدر اساعدني بزاف بصاح مزال مقتنعتش بيه مدولنا رأيكم بكل صراحة 🙏🙏🙏🙏

24/09/2026

ورا كل مشروع، كاين هاد الشي اللي ما يحكيوش عليه 🤍
أيام بلا مبيعات، الخوف على خلاص الخدامين، الوحدة، مشاريع ما تمشيش… وتحس بلي واش دير ما يكفيش.
هادي ماشي علامة بلي راك فاشل، هادي علامة بلي راك تبني حاجة حقيقية.
13 سنة وأنا نعيشها، ومازال نعاود كل يوم 💪
شكون فيكم عاش واحدة من هادو؟ قولولي في الكومنتير 👇