رغم السنين الصعيبة… رغم الوجوه اللي تبدلت… ورغم الوعود اللي تبخرت، يبقى عشق الجمعية ساكن في قلوب صغار تربّاو على حب الأحمر والأبيض قبل حتى ما يعرفو معنى السياسة والتسيير الفاشل.
في بني حسان، صغار الساحليانوا اليوم يرسمو الغرافيتي موش باش يزيّنو حيّ فقط… أما باش يقولو إنو الانتماء ما ماتش، وإنو عشق الجمعية أكبر من كل أزمة. أيادي صغيرة… أما قلوبها كبيرة، تحب النجم بصدق وعفوية، وتحلم ترجع تشوف فريقها واقف على ساقيه كيف زمان.
في المقابل، الوضع اللي وصلناله اليوم ما جا كان نتيجة سنوات من العبث، سوء التسيير، والمصالح الشخصية اللي حطّت الجمعية في نفق مظلم، أزمة ورا أزمة حتى ولات الناس تحكي على الخروج منها كأنو مستحيل. المسؤولين اللي تعاقبو على الفريق خذلو جمهور كامل، وخذلو جيل كامل تربّى على الفخر والانتصارات.
أما كي تشوف صغار بني حسان يرسّمو الشعار بحب، تعرف اللي النجم مازال حي… حي بجمهورو، بولادو، وبكل واحد مازال يؤمن إنو هالجمعية تستحق أفضل من اللي صاير فيها اليوم.
الساحلي ما يموتش… حتى كان خانوه الكبار، يبقى ديما واقف بصغارو.
Curva Nord L'etoile
Saheliano 2007 - section Beni hassen -
03/03/2026
سوسة المدينة نديرو لي يحلالنا 🔥💯
26/02/2026
بصفتي متابع المشهد الجماهيري، ونحبّ النجم الرياضي الساحلي حبّ ما فيهش نقاش، حابّ نعبّر بكلّ وضوح على موقفي الشخصي:
أنا ضدّ فتح الفيراج في المقابلات القادمة في الظرف الحالي.
مش موقف ضدّ الألتراس، ولا ضدّ الأجواء ولا ضدّ الكورفا نور، بالعكس تمامًا. موقف نابع من الخوف على النجم، على جماهيرو، وعلى مستقبل الفريق.
صحيح اللي القروبات الساحليانو هبطوا بيان صلح، وهذا شيء إيجابي ويحسب لهم، أمّا في نفس الوقت نلاحظوا سكوت البريقاد روج، والسكوت هذا ما يطمنش. هذا دليل واضح اللي الجراح ما تبراتش، والنفوس مازال فيها احتقان، والكلمات وحدها ما تكفيش باش تمسح توتّر سنين.
فتح الفيراج اليوم، وفي الوضعية الحالية، هو مجازفة كبيرة. أي شرارة صغيرة تنجّم تشعل فتيل عنف، وأي لحظة غضب تنجّم تتحوّل لكارثة:
خسائر مادية للنجم الرياضي الساحلي (عقوبات، منع جمهور، غرامات)
ضرب في صورة الجمعية
أضرار معنوية لجماهير النجم اللي ديما كانت مثال في الروح الرياضية والتشجيع الحضاري
خلّينا نكونوا صريحين مع رواحنا:
المشكل موش في “فتح الفيراج” كفكرة، المشكل في التوقيت.
التوقيت هذا مازال حساس، والنفوس مازالت مش صافية، والخطر مازال موجود.
النجم اليوم محتاج الهدوء، محتاج التركيز على الميدان، محتاج جمهور واعي يحميه موش يعرّضه للعقوبات والمشاكل.
أحسن قرار في المرحلة الجاية هو:
التريّث
انتظار هدوء النفوس فعليًا، موش فقط بيانات
بناء مصالحة حقيقية على الميدان، قدّام الناس، وبالأفعال قبل الشعارات
ربي يسترنا من أي كارثة لا قدّر الله، خاطر أي حاجة تصير مش باش تضرّ “قروب” ولا “طرف” برك، باش تضرّ النجم الرياضي الساحلي كامل وجماهيرو اللي تعبوا وتقلقوا بما فيه الكفاية.
مصلحتنا الكل في الأمان، في الاستقرار، وفي صورة جمهور النجم اللي نفخروا بيها قدّام تونس والناس الكل.
النجم أكبر من أي استفزاز… وأغلى من أي لحظة تهوّر. 💚⭐
ما بين رمال الصحراء، وصل بوسيدون الساحليانوا 🌊
يهزّ الأرض بخُطاه، بعقلية النظام والانضباط،
ما يتحركش بالفوضى.. يتحرك بفكر الالتراس ووزن الرجولية.
وبين الموج والزخم، يطلع أسد الفاناتيك 🦁
ما يزأرش عبث، يزأر كي تكون الرسالة واضحة:
النجم عندو رجال.. ما يخافوش الطريق وما ينكسرش ولاؤهم.
اليوم في نيروبي، الأرض غريبة والملعب بعيد،
لكن الفكر واحد.. والهدف واحد:
من الساحل خرجوا مش للتصوير، خرجوا ليزرعوا الحضور، يرهبوا الخصم، ويرفعوا الراية.
ما بين بوسيدون والأسد
النجم يلقى الدرع الحقيقي متاعو.. جماهيرو.
من الميدان، من وراء الصحراء،
#الساحليانوا #الفاناتيك #نيروبي #كينيا
18/10/2025
🔥 الساحليانوا في نيروبي 🇰🇪❤️
من الساحل إلى كينيا، من سوسة إلى نيروبي، الحب مشى على أجنحة الوفاء ✈️
ما تبدلناش، ما تعبناش، خاطر النجمة تستاهل كل تضحية 💫
الساحليانوا حاضرين وين ما يمشي النجم الرياضي الساحلي،
نمشيوا بالقلوب قبل الخطوات، بالحب قبل الكلمات ❤️🤍
ما بين الحدود والبلدان، ديما نفس الشعلة:
نجمة وحدة... عشق ما يتبدلش 🔴⚪
#الساحليانوا #نيروبي #كينيا
13/10/2025
الفنية كي تصورنا ♥️ #1925 #المهدية #التراس #النجم #سوسة #المنستير #الساحل #2003
12/10/2025
بلي قمعوا jamais علينا قدرو ياجبري رد بالك تنسا 😏
# #الساحليانوا
Be the first to know and let us send you an email when Curva Nord L'etoile posts news and promotions. Your email address will not be used for any other purpose, and you can unsubscribe at any time.
