20/03/2026
၁။ ချွေးထွက်လွန်ခြင်း 🤍
ချွေးထွက်များပါက အငန်နှင့် အစပ် လျှော့စားပါ။ မျက်နှာချွေးထွက်တတ်လျှင် မိတ်ကပ်မလိမ်းပါနှင့်။ သနပ်ခါးမြစ်ကို သံပုရာရည်ဖြင့် သွေးလိမ်းပါ။ (ညဘက်လိမ်းအိပ်နိုင်သည်)။ မျက်နှာသစ်ဆေးတွင် ဆားအနည်းငယ်ရော၍ သစ်ပေးပါ။ ရှားစောင်းလက်ပတ်အနှစ်ဖြင့်လည်း ပွတ်လိမ်းပေးနိုင်ပါသည်။
၂။ တင်းတိတ် 😊
အရက်၊ ဘီယာ၊ လှော်စာနှင့် ထန်းလျက်တိုကို ရှောင်ကြဉ်ပါ။ ထန်းလျက်တွင် သံဓာတ်များ၍ တင်းတိတ်ကို ပိုမည်းစေတတ်သည်။ ရှားစောင်းလက်ပတ်အနှစ်ကို ပျားရည်နှင့်ရော၍ မျက်နှာတွင် လိမ်းပေးပါ။ ခေတ္တအကြာတွင် မျက်နှာသစ်ပြီး သနပ်ခါးနှင့် သံပုရာရည်ရော၍ သွေးလိမ်းပါ။
၃။ ရင်ကျပ်၊ ဇက်တောင့်၊ မူးဝေခြင်း 😊
မုန်ညင်းဆီထဲ ကွမ်းရွက်ချေထည့်၍ မီးဖြင့်ချက်ပါ။ ရင်ဘတ်နှင့် ဇက်တွင် လိမ်းပေးပါ။ စပါးလင်မြစ်ထောင်းထားသော အရည် တစ်ဇွန်း တိုက်ပေးပါ။ အချိုမှုန့်နှင့် အချိုရည်များ လုံးဝမစားရပါ။
၄။ ခံတွင်းနံ့နံခြင်း
လေးညှင်းပွင့် ဝါးပေးပါ။ တမာရွက်နှင့် ဆားပြုတ်ရည်ဖြင့် ငုံပေးပါ။ ညအိပ်ခါနီး မန်ကျည်းမှည့်ဖျော်ရည်ထဲ ဆားခါး ၁ ဇွန်းထည့်သောက်ပါက အပုပ်ကင်းစင်စေသည်။ ဂုံခါးမှုန့်၊ ရှောက်ရည်နှင့် ပျားရည်၊ ဆီးဖြူသီး သိုမဟုတ် မက်လင်ချဉ် လျက်ဆားတိုကို အသုံးပြု၍ ခံတွင်းနံ့ ကောင်းမွန်အောင် ပြုလုပ်နိုင်ပါသည်။
၅။ လူကြီးများ ဆီး၊ ဝမ်း မထိန်းနိုင်ခြင်း
ထောပတ်ထမင်း သိုမဟုတ် ထမင်းပူပူကို ထောပတ်၊ ငါးကြော်တိုဖြင့် နယ်စားပါ။ ငချိတ်ပေါင်းကို နှမ်းဆီရွဲရွဲဖြင့် စားပါကလည်း ဝမ်းချုပ်စေသည်။ ရေအေးရှောင်၍ ရေနွေးကြမ်း (အဖန်ရည်) သာ သောက်ပါ။ မြင်းခွာရွက်ကို ထန်းလျက်နှင့် ကျိုသောက်ပါကလည်း ဝမ်းထိန်းစေသည်။
၆။ အသားယားယံခြင်း
ကြက်သွန်နီ မီးဖုတ်စားပါ။ တမာရွက်ပြုတ်ရည်နှင့် ရေချိုးပြီး ကရမက်နှင့် ဆားသွေးလိမ်းပါ။ လေစာများဖြစ်သော မျှစ်၊ ကုလားပဲ၊ မှိ၊ ပင်လယ်စာနှင့် ရေခဲရေတိုကို ရှောင်ကြဉ်ပါ။ နေရောင်ခြည်ရရှိသော နေရာတွင် နေထိုင်ပေးပါ။
၇။ မျက်စိနာ၊ မျက်လုံးရောင်ခြင်း
ကျားမနိုင်နွယ်မြစ် သိုမဟုတ် မန်ကျည်းခေါက်ကို သွေးလိမ်းပါ။ ရှားစောင်းလက်ပတ် ကပ်ပေးပါ။ ဆရာဝန်မပြနိုင်မီ ဆားရည်ကြည် ခပ်ပေးနိုင်ပါသည်။
၈။ အသားအရေပူ၍ ပိန်သူများ
ရှားစောင်းလက်ပတ်အနှစ်ကို သကြားနှင့် ခေါက်စားပါ။ ရေချိုးလျှင် ဆားခါး ၃ ဇွန်း ထည့်ချိုးပါ။ နံနက်တိုင်း ဆန်ဆေးရည် တစ်ဖန်ခွက် သောက်ပေးပါက ကိုယ်အပူ ငြိမ်းစေပါသည်။
၉။ အစာအိမ်ရောဂါ
အစာအိမ်ရောင်ချိန်တွင် မာသောအစာများရှောင်၍ ဆန်ပြုတ် (ပဲနီလေး၊ ကြက်သွန်နီပါသော) သောက်ပါ။ အပူအစပ်နှင့် ကော်ဖီမစ်များ ရှောင်ပါ။ ပျားရည်ကို ရေအေးဖြင့်ဖျော်၍ နံနက်/ည သောက်ပေးပါ။ ဖီးကြမ်းငှက်ပျောသီး မီးဖုတ်စားခြင်းသည်လည်း အနာကျက်စေပါသည်။ စိတ်တိုခြင်းနှင့် သောကများကိုလည်း ရှောင်ရှားရပါမည်။
၁၀။ ကလေးငယ် နှာစေး၊ ချောင်းဆိုးခြင်း
ကွမ်းရွက်နှင့် ချင်း ပါးပါးလှီး၍ ရေနွေးစိမ်ထားသော အရည်ကို တိုက်ပေးပါ။ ကွမ်းရွက်မီးကင်၍ ရင်ဘတ်တွင် ကပ်ပေးပါ။ တိုင်းရင်းဆေး အမှတ် (၄၇) ကိုလည်း အသုံးပြုနိုင်ပါသည်။
၁၁။ အမျိုးသား ဆီးအောင့်ခြင်း
ရေကျက်အေး များများသောက်ပါ။ ကြက်သွန်နီအရည်ကို သကြားနှင့် စပ်သောက်ပါ သိုမဟုတ် ကြက်သွန်နီပါးပါးလှီး၍ ဆီးခုံတွင် ကပ်ပေးပါ။ ဆန်ဆေးရည်ထဲ သံပုရာရည်ညှစ်၍ သောက်ခြင်း သိုမဟုတ် လောက်သေရွက်ပြုတ်ရည် သောက်ခြင်းကလည်း ထိရောက်ပါသည်။
၁၂။ သွားကိုက်ခြင်း
ခရေပွင့်အစို ကြိတ်ထည့်ခြင်း၊ ပုဏ္ဍရိတ်ရွက်ပြုတ်ရည် ငုံခြင်း သိုမဟုတ် ကြက်သွန်နီအူတိုင်ကို သွားပေါက်တွင် ထည့်ကိုက်ထားခြင်းတို ပြုလုပ်နိုင်ပါသည်။ သွားနှဲပါက တမာခေါက် သိုမဟုတ် သရက်ပင်ကျီးပေါင်းပြုတ်ရည် ငုံပေးပါ။
၁၃။ ထိပ်ကပ်နာနှင့် နှာခေါင်းပိတ်ခြင်း
ရေရှူပေးပါ။ ချင်းရေနွေးကြမ်းကို တစ်နေကုန် သောက်ပေးပါ။ တိုင်းရင်းဆေး အမှတ် (၄၃) ကို မီးခဲပေါ်ဖြူး၍ မှိင်းရှူပေးပါ။ ထိပ်ကပ်နာ ပြင်းထန်ပါက မရိုးပင် (ငဖြူကြီးပင်) အရွက်ခြောက်ကို မီးရှိ၍ အငွေ့ရှူပေးပါ။
၁၄။ ခြေကျင်းဝတ် နာကျင်ရောင်ရမ်းခြင်း
ရဲယိုရွက်ကို မီးကင်၊ နှမ်းဆီသုတ်၍ ရောင်သည့်နေရာတွင် ၆ နာရီခန့် စည်းထားပါ။ သစ်ကြံပိုးမှုန့်နှင့် ကြက်ဥအကာ ရောလိမ်း၍လည်း ပတ်တီးစည်းထားနိုင်ပါသည်။
၁၅။ ခြေသလုံးပူ၍ ကိုက်ခဲခြင်း
မုန်ညင်းဆီထဲ ချင်းထည့်ချက်၍ တစ်နေ့ ၂ ကြိမ် လိမ်းပေးပါ။ ဝမ်းမှန်အောင် ဂရုစိုက်ပါ။ ညအိပ်ခါနီး မန်ကျည်းမှည့်ဖျော်ရည် သောက်ပေးပါ။
၁၆။ ခြေဖျားထုံကျဉ်ခြင်း
ဆင်တုန်းမနွယ် ပါဝင်သော ဆေးဝါးများကို စားပေးပါ။ ဆင်တုန်းမနွယ်မှုန့်ကို ပျားရည်၊ နှမ်းဆီတိုနှင့် ရောစပ်၍ နံနက်/ည တစ်ဇွန်းစီ စားပေးခြင်းက အကြောလေလျှောက် ကောင်းစေပါသည်။
၁၇။ အမျိုးသမီး ဓမ္မတာ ရက်ရှည်ခြင်း
ပန်းလည်းပွင့်ခြောက် ပြုတ်သောက်ပါ။ ရေနွေးကြမ်းထဲ သကြားထည့်သောက်ခြင်း၊ ဆန်ဆေးရည် သောက်ခြင်း သိုမဟုတ် မီးကွင်းဂမုန်း၊ ဧကရာဇ်ရွက်၊ တရုတ်စကားပွင့်တိုကို အသုတ်လုပ်စားခြင်းဖြင့် သွေးအေးစေပါသည်။
၁၈။ သွေးဆုံးခါနီး ရင်သားနာခြင်း
ဥသျှစ်သီးကင်းမှုန့်ကို ပျားရည်နှင့် စားပါ။ ရဲယိုသီးမှည့်ကို ပျားရည်နှင့် တစ်နေ့တစ်လုံးစားပေးခြင်း သိုမဟုတ် ရှားစောင်းလက်ပတ်အနှစ် ကပ်ပေးခြင်းတို ပြုလုပ်ပါ။
၁၉။ သည်းခြေကျောက်တည်ခြင်း
အုန်းစိမ်းထဲ ကျောက်ချဉ်ရွေးစေ့ခန့်ထည့်၍ ၁၄ ရက် ဆက်သောက်ပါ။ ကောက်ရိုးခြောက်ပြုတ်ရည် သိုမဟုတ် ပေရွက်ပြုတ်ရည်ကို နေ့စဉ် သောက်ပေးခြင်းဖြင့် ကျောက်ကျစေနိုင်ပါသည်။
၂၀။ အသည်းရောဂါ
အသည်းအထူးကု ပြသရင်း မြန်မာဆေးနည်းအဖြစ် သင်္ဘောရွက်အရည်ကို ညှစ်၍ တစ်နေ့ ၂ ဇွန်း သောက်ပေးပါ။ အသည်းမခြောက်သေးပါက မက်လင်ချဉ်သီးကို ဟင်းချက်တိုက်ပေးပါ။
၂၁။ ငါးအရိုးစူးခြင်း
ဖီးကြမ်းငှက်ပျောသီးကို ကိုက်၍ မျိုချပါ။ မကျပါက ဆား၊ နနွင်းရေ သောက်၍ အန်ထုတ်ပါ။ လည်ပင်းနာကျန်ခဲ့လျှင် နလင်ကျော် သွေးလိမ်းပါ။
၂၂။ စကားထစ်သော ကလေးများ
မြင်းခွာရွက်ကို နေ့စဉ် ဝါးစားခိုင်းပါ။ ပုလွေမှုတ်ခိုင်းခြင်း၊ သံပုရာသီးမီးဖုတ်ပြာဖြင့် လျှာပွတ်ပေးခြင်း သိုမဟုတ် ဗာဒံစေ့ ကျွေးခြင်းတို ပြုလုပ်ပေးပါ။
၂၃။ နှာခေါင်းတွင်း ဝက်ခြံ/အနာ
ဆားရေနွေးငွေ့ကို ရှူသွင်းပေးပါ။ ကွမ်းရွက်၊ ချင်း၊ ထန်းလျက် ပြုတ်ရည်ကို ၃ ရက် ဆက်သောက်ပေးပါ။
၂၄။ ဆံပင်ကျွတ်၊ ထိပ်ပြောင်ခြင်း
ပရန္နဝါရွက်ကို ထောပတ်၊ နှမ်းဆီ၊ ပျားရည်တိုဖြင့် ယိုထိုးစားပါ။ ဝမ်းမှန်အောင် ဂရုစိုက်ပြီး ရေခေါင်းလောင်းချိုးပေးပါ။ ထောလပတ်ရွက်အရည်ကို ဦးခေါင်းတွင် ပွတ်လိမ်းပေးပါ။
၂၅။ အိပ်ပျော်စေရန်
ညအိပ်ခါနီး ခြေထောက်ကို ရေအေးလောင်း ဆေးကြောပေးပါ။ နွားနိုပူပူထဲ နနွင်းမှုန့်ထည့်သောက်ပါ။ စိတ်ကို လျှော့ချ၍ တရားမှတ်ပါ။
၂၆။ အသားမာ
ဖီးကြမ်းငှက်ပျောသီးအခွံကို အသားမာပေါ်တွင် ကပ်၍ ပလာစတာဖြင့် စည်းထားပါ။ ရက်အနည်းငယ်ကြာလျှင် အသားမာ ကျွတ်ထွက်သွားပါလိမ့်မည်။
၂၇။ ခြေဖနှောင့်ကွဲခြင်း
ထောပတ်နှင့် ပျားရည် ရောလိမ်းပါ။ တမာရွက်ပြုတ်ရည်နှင့် ခြေထောက်စိမ်ပါ။ တမာရွက်ပြာကို အုန်းဆီနှင့်ရော၍ လိမ်းပေးပါ။
(မူရင်း - တိုင်းရင်းသမားတော် ဆရာကြည်လွင့်မြင့် (မုဒြာ))
အားလုံးပဲ ကိုယ်စိတ်နှစ်ဖြာ ကျန်းမာချမ်းသာကြပါစေ။
#တင်းရင်းဆေးနည်းများ #ကျန်းမာရေးဗဟုသုတ
